1 Samuel 1:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca' queso liỹa nete'e, ca' no'teesashiguim. Ca co'na' ime nqouagaxainsacot ñi qara'gaxala', ca' pile' queca la'aate' quiyi Ramá. Co'na' ime, ca' so Elcana lot lapa'ñi' aso loua Ana, ca' ñi qara'gaxala' no'uenta'gue dá'maq lashiilaxanaxac aso'maxare.

1 Samuel 1:19 Iomraidhean Croise

Génesis 21:1

Ca' ñi qara'gaxala' na' ỹa'deentapega aso Sara, ca ipacqajanchigui dá'maq 'naaco' na'le.

Génesis 30:22

Qam ñi qota'olec ỹo'leento'o' aso Raquel, ca' 'xaỹa da nqouagaxainaxac. Ca lotqai 'uo' nqai'en so llaalqaipi.

Génesis 4:1

Ca' so ỹale mashic viguit aso loua Eva, ca 'man aso'maxare, ca 'uo' so llaalec Caín. Ca 'naaco': —Mashic 'ue ñi ỹaalec ỹale; nañaañim ñi qara'gaxala'.

Génesis 8:1

Co'na' ime, ca' ñi qota'olec ỹo'leenta'a so Noé chaqai sá'ogue so iseripi neetaugui aso lo'ueenata só'maq ỹaỹoxontegueri'o' na'le quena lauat so huaxaỹaq. Ca' ỹo'ueeto' so nonot pe'telec nqai'en na 'laua. Ca co'na'le, ca' nqo'neetañi so huaxaỹaq.

2 Reyes 4:17

Qam quedá'maq 'naac so Eliseo ỹaatqajam ipaquichigui. Ca' aso'maxare 'man, ca' queso liỹa ñaaxa, ca' ne'qaañi so llaalec.

Marcos 1:35

Ca co'na' ñaq napaltañi, ca' so Jesús ne'laxashiguim. Ca ta'oguiyi quiyi na'a' lodegaxat, ma' ỹahotaque quiyim nodaatec, ca' nqouagaxain.

Lucas 23:42

Ca 'naaco': —Qami' Jesús, totaxan coua'airo'o' aỹim ma' liỹa novichi' quiyim 'viiquiñi'sac ná'ogue najo.

1 Samuel 1:1

'Uo' so ỹale leenaxat Elcana, so'maxare na'ñi yi Ramá, yi'maxare huaugui yi quemaralec qa' ladocaipi quiyi Efraín. So'maxare leta'a so Jeroham, chaqai lapi' so Eliú só'maq llaalec so Tohu chaqai so Zuf, saua'maxare chicqoraugui so llaalqaipi so Efraín.

1 Samuel 1:11

Ca' ỹaanot da la'qaatec, 'naaco': —Qami' ỹa'gaxala', ma' qaica ca qalañirac: Ma' 'ajñisac da chalego le'xoric najo relaata'e', ca' o'lliinchira'a aỹim, ca 'viichi' ca ỹaalec. Ca ma'le, ca saanot qami' dá'ogue da nachaalataxac ca'maxare quiyim ro'ueenataxanot qami'. Ca dá'maq netanec ma'le ca'maxare quiyim saanot qami', ca' se qanepetec na lqahic laue.

1 Samuel 15:34

Ime, ca' taigue da Ramá, ca' so Saúl pila ca la'a' quiyi Gabaa yí'maq lalamaxaret.

1 Samuel 16:13

Ca' so Samuel chaqa'ma' icona aso lahi' na locoraxanaxat aceite, ca' iuanchigui so lqaỹaripi quiyim ỹano nashi so ne'nec, leenaxat David. Ca chaqa'ma' so ne'espíritu ñi qara'gaxala' novita so'maxare, ca' ỹo'uet da lquesaxanaxa. Ca co'na' ime, ca' so Samuel niquine'e' so qomyipi, ca' eec taigue da Ramá.

1 Samuel 2:11

Ca co'na' ime dá'ogue dajo, ca' so Elcana pila ca la'a' quiyi Ramá. Qam so noctoqui' no'ueenañi, ca ro'ueenataxanot ñi qara'gaxala', qam hueeto'oto naua lelaataxanaxaco so netaxaỹaxanqajnec Elí.

1 Samuel 25:1

Ca' so Samuel ileu. Ca' sá'ogue so llaalqaipi so Israel lapoỹata', ca' noỹenteguelec so'maxare. Ca' qaishinñi quiyí'maq lalamaxaret na'laua quiyi Ramá. Ca co'na' ime, ca' so David quepegue' yi 'laua qaica qom, leenaxat Parán.

1 Samuel 7:17

Co'quena' ime, ca' pila yi Ramá yí'maq na'ñi ca la'a'. Ca chaqaiyi neeta'ñi, reloqota'a yi Israel. Chaqai qai'neeta no'xonshiguim aso ncopatoxonaxalate, qaiyi qanqouagaxainot ñi qara'gaxala'.

1 Samuel 8:4

Co'na'le, ca' lapoỹata' sá'ogue so qo'xoiquipi quiyi Israel, ỹahotaque retaxaỹa'pegue' so Samuel quiyi Ramá,

1 Samuel 9:26

Ca' so Saúl nenanñi. Ca na' richiguiñi, ca' so Samuel roỹaxana so Saúl quena lelaq so 'imec. Ca 'naaco': —Ne'laxachirishiguim, ca' qui', pilli'. Ca' so Saúl ne'laxashiguim. Ime, ca qaicoỹarauec queso nayic queso Samuel.