1 Samuel 1:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ —Ỹaatqajam 'xoic ña'aachic —'naaco' aso'maxare. Ca co'na' ime, ca' aso Ana pilegue cá'maq chicqa'gue, ca' que'e, ca' tot qaica ma' liỹa quet rachicota.

1 Samuel 1:18 Iomraidhean Croise

Génesis 32:5

Chaqai 'ue ana ilo huaca, 'ashinyipi, qagretaipi, ilaatqaipi, ilaatallipi. Selata qami' da ỹa'qaatec, qami' ỹa'gaxala', sahotaque sa'deenta quiyim yi'xoriñi'.

Génesis 32:6

Ca co'na' saua nelaatqa novite', ca 'neraco' queso Jacob: —Sovirqata'a ñi rqaỹa'e' Esaú. Chaqai mashic naqueta chaqai chaqaina ná'maq Esaú ná'maq naca'guit aqami', liỹaatac na cuatrocientos nalliripi.

Génesis 33:15

Ca' so Esaú 'naaco': —'Maxariñite' quiyim 'vii caua ño'ueenaqterañi quena ỹalliripi ñauequeta'pegue'. Qam so Jacob 'naaco': —'E', yi nalootañi dá'maq rquelolaxa'e'.

Génesis 33:8

Co'na'le, ca' renataxano' so Esaú: —¿Negue' ca vi'saque 'viichi' quesó'taq iseripi sauareta'piguit? Ca' so Jacob 'naaco': —Sahotaque quiyim yi'xoriñi'.

Eclesiastés 9:7

Cha'regue, quirelec da rqui'ỹaxaqui' quena pan, chaqai ni'chi' quena lataxa, ma' ñi qota'olec nqo'ta da ro'ueenataxanaxaqui'.

Juan 16:24

Vire'ta nagui saqa'leca ca shiilaxañiỹaque quiyim quiichigui nqai'ñii da ỹeenaxat; shiilaxañii, ca' coñiguit, qaiyi 'xoic ma'le ca netoonaxaguii.

Romanos 15:13

Ca' ñi qota'olec ma' chicqo'ot da qanaquitaxac, no'xaguilo nqai'ne' qamiri queda netoonaxaguii chaqai queda ra'maxahi quiyim mashic viilec ñi'maxare, qaiyi no'qaachiguilo qamiri quedá'maq naquitaxaguii chicqochigui da lquesaxanaxa so Espíritu Santo.

Rut 2:13

Ca 'naaco' aso Rut: —Ỹaatqajam 'ue da re'xorenataxanaxa'e' caỹim, chaqai naua ra'qaataxahi' ya'ñaxate', ma' ỹaatqajam yichirite' quena' taxahi' caỹim, 'eno'm sqaỹim qachaaqainata'e'.

Rut 2:2

'Uo' so na'xa'a, ca' aso Rut 'naaco' caso Noemí: —'Maxariñite' quiyim se'palaxanec, sha'apiguito' quiyim 'ue cá'maq mashic raqataxan ỹa'maxarenta quiyim chi sco'uaataxanta, ñi'palatac ana ni'ỹoqote la na nanecsec. Ca' aso ni'ỹoqoro 'naaco': —Ajá'a, mo'e', ỹaalole.