1 Samuel 1:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' so Elí 'naaco': —Mo'e', riỹa'iterec da ra'maxa'e', ca' ñi qota'olec quena Israel llaalqaipi ỹaanem qami' cá'maq shiilaxañisaque.

1 Samuel 1:17 Iomraidhean Croise

Génesis 25:21

Ca' so Isaac nqouagaxainot ñi qara'gaxala', rashiilaxanlec aso Rebeca, ma' aso'maxare qaica ca llaalec. Ca' ñi qara'gaxala' 'xaỹa so nqouagaxainaxac, ca' 'man nqai'en aso Rebeca.

2 Samuel 15:9

Ca' so David 'naaco': —Ajá'a, mo'e', qaica ca huapigui qavilli'. Ca co'na'le, ca so Absalón eec, taigue da Hebrón.

2 Reyes 5:19

Ca' so Eliseo 'naaco' queso'maxare: —Mo'e', qaica huapigui qavilli'. Ca' so Naamán ca'e yi'maxare. Ca co'na' mashic qoỹoqo'tegue,

Marcos 5:34

Ca so Jesús 'naaco' caso'maxare: —Qami' ỹaalole, qami' qaromachirec, ma' vi'relec. Ca' nagui, ca' qui', qaica ca huapigui qavilli', mashic remi'rec queso ralolaxa'e'.

Lucas 7:50

Qam so Jesús 'naapega aso 'aalo: —Qami' nagui rca'llirec, ma' vi'relec. Ca' mo'e', qui', qaica huapigui qavilli'.

Lucas 8:48

Ca' so Jesús 'naapego' aso'maxare: —Ỹaqaỹole, mashic remi'rec nagui, ma' qami' vi'relec. Mo'e', qui', sqaicanqaida nagui caqami'.

1 Samuel 1:16

'Neeto' quiyim 'neetapigui qavilli' quiyim aỹim 'aalo mogola. Ma' ỹim ñqouagaxaintacot ñi qara'gaxala' naua'que naua na'xata', ma' 'xoic da shinta chaqai da nqui'ic.

1 Samuel 1:23

Ca só'maq loua Elcana 'naaco': —Hua', 'viichi' cá'maq paguec 'maxaraic nqai'ñi'. Ro'viiñirañi, toco' ma' ỹaxanñi da lillipaxac na noctoqui'. Ca' ñi qara'gaxala' ipaquichigui nqai'en da la'qaatec. Ca' aso'maxare no'ueenañi, iỹaxat so llaalec, chi ỹovireta'a quiyim ỹaxanñi da lillipaxac.

1 Samuel 20:42

Ca co'na' dá'ogue dajo ime, ca' so Jonatán 'naaco' queso David: —Mo'e', qui' ma'le, qaica ca huapigui qavilli', ma' dá'maq qara'qaatec mashic saanaxauec, chaqai 'qaachigui ñi qara'gaxala', chaqai sashiilaq quiyim ñi'maxare naua'que na'xata' reloqota'alo qomi', chaqai da qana'deenaxac ỹoviraugui ca qochaalqaipi naatashiguim. Ca co'na' ime dajo, ca' so David eec. Ca' so Jonatán pila'a yi na'a'. (21.1—23.29 So Saúl ñaqai queeta ỹocantac so David, ca' so David 'eet, ca ỹo'uet só'maq chi nalliripi.)

1 Samuel 25:35

Ime, ca' so David ỹacoñiguit só'maq li'ỹaac ỹodouec aso'maxare, ca 'naaco': —Pillira'a ca ra'aachi', qaica ca huapigui qavilli'. Mashic 'yiiñi' quiyim ña'xaỹaxanalo daua ra'qaataxahi', chaqai saañiraxarom cá'maq shiilaxañisaque.