1 Samuel 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' ỹaanot da la'qaatec, 'naaco': —Qami' ỹa'gaxala', ma' qaica ca qalañirac: Ma' 'ajñisac da chalego le'xoric najo relaata'e', ca' o'lliinchira'a aỹim, ca 'viichi' ca ỹaalec. Ca ma'le, ca saanot qami' dá'ogue da nachaalataxac ca'maxare quiyim ro'ueenataxanot qami'. Ca dá'maq netanec ma'le ca'maxare quiyim saanot qami', ca' se qanepetec na lqahic laue.

1 Samuel 1:11 Iomraidhean Croise

Génesis 28:20

Ca' yí hua'ño' na' so Jacob 'uo' da ỹaanec la'qaatec, 'naaco': —No'm ñi qota'olec liỹaatac aỹim, chaqai cochiitapega aỹim queda ỹicyaxac queda saata'gue, chaqai ỹo'uet ca noq chaqai ca ỹooỹac,

Génesis 29:32

Ca' aso Lea 'man, ca 'ue so llaalec só'maq ỹanegue leenaxat Rubén, loqo'm 'anta ỹaalec, ma' 'naaco': —Ñi qara'gaxala' iuana da ỹachicoxo, ca vichiguiño' nagui nqo'chiiua' ñi ỹoua ma'le.

Génesis 30:22

Qam ñi qota'olec ỹo'leento'o' aso Raquel, ca' 'xaỹa da nqouagaxainaxac. Ca lotqai 'uo' nqai'en so llaalqaipi.

Génesis 8:1

Co'na' ime, ca' ñi qota'olec ỹo'leenta'a so Noé chaqai sá'ogue so iseripi neetaugui aso lo'ueenata só'maq ỹaỹoxontegueri'o' na'le quena lauat so huaxaỹaq. Ca' ỹo'ueeto' so nonot pe'telec nqai'en na 'laua. Ca co'na'le, ca' nqo'neetañi so huaxaỹaq.

2 Samuel 16:12

Ma' sqoue quiyim ñi qara'gaxala' ma' iuana da i'xoric, ca' nqouaguic, ñigui nqai'en da ñishiuenaxac sa'qaatapega nagui.

Éxodo 4:31

Co'na'le, ca' na qomyipi ỹaatqajam huejlec. Chaqai co'na' ỹa'den quiyim ñi qara'gaxala' na'xaỹaxana so'maxare chaqai quiyim iuana da le'xoric so'maxare, ca ỹa'chi'iñi naua le'cootal, ca' nqouagaxainot ñi qota'olec.

Proverbios 31:2

Qami' ỹaalec, chicqoiraugui na iuel, qami' lopilaxaset da ỹashiilaxanaxac quiñi qota'olec, ¿negue' queto' ca liỹa shinac caqami'?

Números 6:5

Chaqai se nepetec na laue qai'neeta, ta'ta'a quiyim ỹaxanegue ca llaqtaxac na laue, toco' ma' ỹovire'oga cá'maq laloqojnec quecá'maq ỹaanec la'qaatec. Ma' ca'maxare ỹouen quiyim nañaanto'ot ñi qara'gaxala'.

Números 6:8

Ca' caua'que caua na'xata' laloqojonqa quiyim saqa' ỹovirerec, ỹouen quiyim nañaanto'ot ñi qara'gaxala'. (6.9-21 Dá'maq 'neeta quiyim ỹa'maxate'tegue da nachaalataxac so nazareo.)

Jueces 13:5

ma' qami' 'ue ma'le cajo qachaalqui'. Qam ca'maxare se qanepetec ma'le na laue, ma' cajo noctoqui' da nachaalataxac qoỹaanot ñi qota'olec quiyim saqa' ne'qaañi, qaiyi louenec, qaiyi ca'maxare chaqaica ma'le cá'maq naqatec ma'le na llaalqaipi so Israel queda lquesaxanaxa na filisteoipi.

1 Samuel 1:10

Ca' aso Ana noỹentac, ỹaatqajam chalego lecaic da le'xoric, ca nqouagaxaintacot ñi qara'gaxala'.

1 Samuel 1:12

Ca' aso Ana shi'gom nqouagaxaintacot ñi qara'gaxala', ca' qara'iichigui na lap queso Elí.

1 Samuel 1:19

Ca' queso liỹa nete'e, ca' no'teesashiguim. Ca co'na' ime nqouagaxainsacot ñi qara'gaxala', ca' pile' queca la'aate' quiyi Ramá. Co'na' ime, ca' so Elcana lot lapa'ñi' aso loua Ana, ca' ñi qara'gaxala' no'uenta'gue dá'maq lashiilaxanaxac aso'maxare.

1 Samuel 1:22

Qam aso Ana sqai eec, ma' 'naaco' queso loua: —Shico' ma' chaqai qague'oga ñi noctoqui' queda lillipaxac. Ca ma'le, ca' se'xat, ma' sahotaque saanot ñi qara'gaxala'. Ca chaqa'ma' ño'ueenaqtañi quiyim chaqaiyi neeta'ñi.

1 Samuel 1:27

Ma' ỹim na'le sashiilatac ñi qara'gaxala' quiyim ỹa'ue najo ỹaalec, ca ñi'maxare ỹa'ue.

1 Samuel 1:28

Ca' ỹim nagui saanot ñi qara'gaxala', ca' chi ỹovireta'a ca lqodoc aca lqauaxaqui. Ca' so Elí ỹa'dooto naua le'cootal ñi qara'gaxala', ỹoviraxata'guit na 'laua na latap quiyim nqouagaxainot.

1 Samuel 2:20

Ca' so Elí ỹaanem da lqouagaxa so Elcana chaqai aso Ana, 'naacsa': —Ñi qara'gaxala' ỹaanem qami' ma'le ca liỹa llaalqaipi dajo 'aalo, laseue' nqai'en da llaalec ỹaanot ñi'maxare quiyim ro'ueenataxanot. Ca co'na' ime dajo, ca' saua'maxare pile' queca la'aate'.