1 Samuel 1:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' aso Ana noỹentac, ỹaatqajam chalego lecaic da le'xoric, ca nqouagaxaintacot ñi qara'gaxala'.

1 Samuel 1:10 Iomraidhean Croise

Génesis 30:1

Ca co'na' aso Raquel iuana quiyim aso'maxare tot qaica ca llaalec queso Jacob, ca' 'ue da lpa'guenaxanaxa caso lopilete Lea. Ca 'naaco' queso loua: —Vite ca ỹaalqaipi, ma' no'me', ca yileu.

Génesis 50:10

Ca co'na' qaỹovita yi Goren-ha-atad yí'maq pa'ỹa'gue da lqodoigue caso lachiugue Jordán, ca' qaỹo'uet so nasouaxac, ca' noỹentagui so qomyipi na'le. Ca' so José ỹo'uet so lasouaxac quesaua siete na'xata' queso leta'a.

2 Samuel 17:8

Ma' qami' 'yiiñite' quiyim so qataa'i' chaqai so nalliripi 'ñaaxaiquipi, ca' nagui peeta'a ỹaatqajam ro'ootari' 'ec aca layoraxai late'e hueuec quiyim qarouootaxana'gue ca llaalec. Chaqai qai'neeta so qataa'i' ỹaatqajam naỹa'gue da nalauataxac, ca' re'qoota quiyim se ỹalequetaugui ca liỹaripi quiyi pe.

2 Reyes 20:3

—Ỹim sashiila'e' qami' ỹa'gaxala', quiyim o'lliinchira'a quiyim ỹim qamaxaraic quena' so'uet cá'maq 'maxariñite'. Ca' ỹaatqajam noỹen.

Job 10:1

¡Ỹim ỹaatqajam yco'te'guesop quiyim yca'leetauec! Sahotaque ñashinshiguim ná'ogue na ỹa'qaatqaipi, ỹaatqajam sa'xateta dá'ogue dá'maq nqui'ic caỹim.

Job 7:11

Vichiguiño' qami' qota'olec, se seshit quiyim yi'maqata. Queda nqui'ic chaqai queda ñi'guenaxac, ca' ỹim ỹaatqajam somatauec dá'ogue da ỹa'qaatqaipi.

Job 9:18

Ca' ỹaatqajam nqo'naxatec da nqui'ic, ca' se ỹa'ue ca idaaqa' quiyim ñauec ca ỹacat.

Salmos 50:15

Ca ỹaxañita ỹim quiyim 'ue ca reuogoxo'e'; ca ỹim so'ootaxanlec qami', ca qami' yimaqachiñi' ma'le.

Salmos 91:15

Ma' roỹaxanaque aỹim, ca' sasaachiguit; ¡ca chaqaỹim ná'maq iỹaatac ma'le! Ñaqata'a quenaua le'xoyaxaco, ca so'uet quiyim 'xoic na imaqachin;

Isaías 54:6

'Ec qami' aca noua ñaqai nogot qaỹalat chaqai 'xoic da le'xoric, qam ñi qota'olec caqami' lotqai liỹa roỹaxana qami', ca 'naac:

Lucas 22:44

Ca co'na' paguec da le'xoric, ca lotqai noquigaxatec da lquesaxanaxa da nqouagaxainaxac, chaqai na nenoxoỹaxa naquetac, 'ec naua leuo' ñitetañi quena 'laua.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.

Rut 1:20

Qam aso'maxare 'naaco' quen queso qomyipi: —Sqai 'ñiỹac quiyim aỹim maqachaqai. 'Ñiỹaco' quiyim aỹim chicoxoi, ma' ñí'maq qota'olec ñí'maq sqaica ca qalanac 'xoic nqai'en da ỹachicoxo.

1 Samuel 1:11

Ca' ỹaanot da la'qaatec, 'naaco': —Qami' ỹa'gaxala', ma' qaica ca qalañirac: Ma' 'ajñisac da chalego le'xoric najo relaata'e', ca' o'lliinchira'a aỹim, ca 'viichi' ca ỹaalec. Ca ma'le, ca saanot qami' dá'ogue da nachaalataxac ca'maxare quiyim ro'ueenataxanot qami'. Ca dá'maq netanec ma'le ca'maxare quiyim saanot qami', ca' se qanepetec na lqahic laue.

1 Samuel 1:9

Ca 'uo' so na'xa'a co'na' hueeta'ñi yi Silo, ca' aso Ana co'na' ỹomat ca lqui'ỹaxac, ca ne'laxashiguim. Ca' so netaxaỹaxanqajnec Elí nqa'xantañi, neeta'ñi yi lahi ñi lasom añi no'ueenaxanaxaqui quena' qanqouagaxainot ñi qara'gaxala'.