1 Samuel 1:1 - La'qaatqa ñi qota'olec Qota'olec & Qota'olec Novita Na Qomyipi

¹ 'Uo' so ỹale leenaxat Elcana, so'maxare na'ñi yi Ramá, yi'maxare huaugui yi quemaralec qa' ladocaipi quiyi Efraín. So'maxare leta'a so Jeroham, chaqai lapi' so Eliú só'maq llaalec so Tohu chaqai so Zuf, saua'maxare chicqoraugui so llaalqaipi so Efraín.

1 Samuel 1:1 Iomraidhean Croise

1 Reyes 11:26

Chaqai qai'neeta so Jeroboam só'maq llaalec so Nabat npa'guene'e' so nashi Salomón. So Jeroboam chi lotaua so Salomón. So'maxare na'ñi yi na'a' Sereda chicqaugui na llaalqaipi so Efraín. Aso late'e pa'ỹe, leenaxat Zerúa.

Mateo 27:57

Ca co'na' mashic sham napalñi, ca 'uo' so ỹale nesallaxanec leenaxat José, na'ñi yi na'a' Arimatea. So'maxare qai'neeta huelec so Jesús.

Jueces 4:5

Aso Débora chaqai 'neetari'o' quen quiyim nqa'xantañi, neeto'ot ca la'al aca lanecse chaavic (ca qaỹamata'gue leenaxat chaavic lanecse aso Débora). Sojo chaavic na'ñi yi 'xoic ana quemaralec qa' ladocai quiyi Efraín quena lavinñi' yaua Ramá chaqai yi Betel. Ca' na Israel llaalqaipi quepegue'o' quen aso 'aalo quiyim ỹa'ue ca la'maqa' canchaqaica se ỹa'maxañi.

1 Samuel 1:19

Ca' queso liỹa nete'e, ca' no'teesashiguim. Ca co'na' ime nqouagaxainsacot ñi qara'gaxala', ca' pile' queca la'aate' quiyi Ramá. Co'na' ime, ca' so Elcana lot lapa'ñi' aso loua Ana, ca' ñi qara'gaxala' no'uenta'gue dá'maq lashiilaxanaxac aso'maxare.

1 Samuel 17:12

Ca 'uo' so ỹale na'ñi yi Belén, leenaxat Isaí, co'na' ñaq nashi so Saúl. Ca so'maxare mashic qo'xoỹom, so'maxare 'vio' saua ocho llaalqa, ca' so 'óna quesaua'maxare chaqaiso' so David.

1 Samuel 2:11

Ca co'na' ime dá'ogue dajo, ca' so Elcana pila ca la'a' quiyi Ramá. Qam so noctoqui' no'ueenañi, ca ro'ueenataxanot ñi qara'gaxala', qam hueeto'oto naua lelaataxanaxaco so netaxaỹaxanqajnec Elí.

1 Samuel 7:17

Co'quena' ime, ca' pila yi Ramá yí'maq na'ñi ca la'a'. Ca chaqaiyi neeta'ñi, reloqota'a yi Israel. Chaqai qai'neeta no'xonshiguim aso ncopatoxonaxalate, qaiyi qanqouagaxainot ñi qara'gaxala'.

1 Samuel 9:4

Ca' so Saúl ỹapaca'ta quiyi 'xoic ana quemaralec qa' ladocai quiyi Efraín, ca que'tegue qai'neeta yi 'laua Salisa, qam se ỹanatalo caua 'ashina. Ca' quejlec qai'neeta yi 'laua Saalim chaqai yi 'laua Benjamín, qam qaiyiita se ỹanatalo.

1 Samuel 9:5

Ca co'na' ỹovita yi 'laua Zuf, ca' so Saúl 'naaco' queso liỹaatac lelaatec: —Qolaq, sopilaq, ma' ca ita'a peeta'a paguec ỹa'deentapigui qomi' queca 'ashinyipi.