1 Reyes 3:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' so Salomón ỹaatqajam nqo'ta ñi qara'gaxala', chaqai ỹaatqajam quejlec na laqataxaquipi so leta'a David, chaqai chaqaiso só'maq ỹo'ueetetac ana lachitaxanataxanqate ỹavigaxatetac hua'ñi yi 'laua qoỹoqoshi'megue qouagaxainqa'.

1 Reyes 3:3 Iomraidhean Croise

1 Reyes 11:34

Qam qaiyiita se souootaxana'gue dá'ogue da lo'ueenataxanaxac so Salomón quiyim nashi, ma' ñaqai neetaho nqaishin quiyim nashi quiyim ñaq nca'leetauec, ma' sa'deena'a so ilaatec David só'maq ica'acsec, ma' ipaquichiguilo nqai'ne' naua ilaataxanaxaco chaqai naua ỹaqataxaco.

1 Reyes 11:38

Ca no'm na'xaỹaxañite' quená'ogue ná'maq selachiraxalec, chaqai 'maxachichiriñi cá'maq ro'ueenataxanaxaqui' caỹim, chaqai quiyim ipaquichigui nqai'ñi' na ỹaqataxaquipi, na ilaataxanaxaquipi, 'nejem nqai'ñi' dá'maq 'ne'tegue na'le so ilaatec David, ca' qami' iỹaatac, ca' qaica idaxan nqaishin quiyim nashi ma'le ca qachaalaxai'ipi, 'nejem dá'maq shi'ntegue na'le queso David, ca' saanem qami' ma'le quiyim loqoira'a ná'ogue na Israel.

1 Reyes 11:4

Ca co'na' so Salomón mashic qo'xoic, ca aso louaaripi rashiiuec nqai'en añi le'taxanata, ca nqouagaxainot nqohin na nashiilqaipi nqolaquipi. Ma' mesqai ỹaatqajam nañaanot ñi qara'gaxala' qota'olec, ca sqai 'ne'tegue dá'maq 'ne'teco' na'le so leta'a David.

1 Reyes 11:6

Ca co'na' 'neeta dajo so Salomón, ca' ñi qara'gaxala' qota'olec ỹaatqajam se nqo'ta dá'maq 'ne'tegue so'maxare, ma' so'maxare ỹaatqajam sqai quelec ñi qara'gaxala', mesqai 'nejem dá'maq 'neetari'o' na'le so leta'a David.

1 Reyes 3:14

Ca no'm pacqajñichirigui dá'maq sahotaque, chaqai quiyim pacqajñichiriguilo naua ỹaqataxaco chaqai naua ilaataxanaxaco, 'ñitetegue dá'maq 'ne'tegue na'le so qataa'i' David, ca' saanem qami' dá'maq ỹaatqajam ladoc chaalataxac.

1 Reyes 3:6

Ca' so Salomón 'naaco': —Qami' ỹaatqajam re'xorenachiqui' yi ita'a David yí'maq relaachiqui', ma' yi'maxare ipacqajanchiguilo naua ra'qaataxahi', ca no'uen da nachaalataxac, chaqai ỹalamrete' naua la'deenataxanaxaco caqami'. Vichiguiño' ỹaatqajam 'xoriñi', chaqai vite na 'oonoqui' llaalec quiyim naalec nqai'en da lo'ueenataxanaxac quiyim nashi, 'nejem dá'maq 'ñitetegue aỹim quesaua na'xata'.

1 Reyes 8:25

Ca' vichiguiño' qami' qara'gaxala', qami' qota'olec quena Israel, pacqajñichirigui qai'neeta dá'maq chaxañi'sac na'le queso relaachiqui' David só'maq ita'a, na' 'ñirac: qaica ma' qaica quet ca 'oonoqui' se se'xoren quena qachaalaxai'ipi quiyim sano quiyim lashi na llaalqaipi so Israel, pagueco' no'm na qachaalaxai'ipi no'ueenaxat ca llicyaxac, chaqai na'maxateta, 'nejem nqai'en dá'maq na'maqataxaqui' na'le caỹim.

1 Reyes 8:61

Ca' vichiguiño' raqamaxaita quiñi qara'gaxala' qota'olec, pacqajñichiguilo quiitalgoto naua laqataxaco, na'xaỹaxañii'talo naua lelaataxanaxaco, 'nejem quenajo na'xa'a.

2 Reyes 18:22

Chaqai no'm 'ñiỹac caỹim: Qomi' spi'ỹaaqa'a ñi qara'gaxala' ñí'maq qota'olec, ¿peeta'a sqaiño' ñi Ezequías ñí'maq nosogoñi na qouagaxainqateripi chaqai ana ncopatoxonaxalate quiyim qanqouagaxainot ñí'maq qota'olec caqamiri, chaqai ilarelec na qomyipi quiyi Judá chaqai yi Jerusalén quiyim qañiita añi ncopatoxonaxalate ñí'maq na'ñi yi Jerusalén, ca chaqaiyi hua'ñi quiyim qanqouagaxainot?

2 Reyes 18:4

Ma' so'maxare chaqaiso só'maq ỹosogui na qouagaxainqa' quiyim qanqouagaxainot na nqolaquipi, ỹaatqajam iuagaxatac na qano'xonshiguim qaripi chaqai na nadenqatec lqui'illipi aso Asera, chaqai iuagaxatac so nadenqatec nanaic qaỹachigoxotaugui na bronce quená'maq lo'ueenatec na'le so Moisés. Ma' so nanaic ñaqai queetalec nqouagaxaintacot so llaalqaipi so Israel, chaqai ỹavigaxatetac na lichiinaxanaxat quiyim ỹaanot, ca' qoỹanegue leenaxat nanaic napio'o.

Salmos 31:23

Ca' chaqaida 'neeta ñi qara'gaxala' quená'maq imaqachin ñi'maxare. Ñi qara'gaxala' netela'a ná'maq huelec ñi'maxare, qam ná'maq nemaqajnaxairipi nqo'naxatetauec da nouaxanaxaset.

Mateo 22:37

Ca' so Jesús 'naaco': —“Ỹaatqajam rqo'chita ñi ra'gaxalachi' qota'olec, machiro'ot añi re'taxanata'e', chaqai da nachaalataxaqui', chaqai da ra'deenataxanaxaqui'.”

Juan 14:15

No'm qamiri yi'xoriñii, ca na'xaỹaxañii'talo naua ilaataxanaxaco.

Juan 14:21

Cá'maq ỹa'deene' chaqai na'xaỹaxanalo naua ilaataxanaxaco, ca'maxare re'oq quiyim ỹaatqajam llic yi'xoren. Chaqai ñi ita'a i'xoren cá'maq yi'xoren, chaqai ỹim qai'neeta se'xoren, chaqai ñachaxana ma'le ca'maxare.

Romanos 8:28

Sa'deenqata quiyim ñi qota'olec ỹaqatqajantari' ná'ogue nanchaqaina leloxoỹaxaquipi, ma' ỹahotaque ỹachigoxochichigui cá'maq ỹa'maqachiguiñi llicyaxac nqai'en ná'maq nqo'ta ñi'maxare, quená'maq loỹaxanqatecseripi quiyim ỹahotaque nca'laxatec.

1 Corintios 8:3

Qam cá'maq nqo'ta ñi qota'a, ca' ñi qota'a ỹa'deenta ca'maxare.

Deuteronomio 30:16

No'm na'xaỹaxañii'ta dá'maq shinac nagui, chaqai rqo'chiỹa ñi qara'gaxala' qota'olec, chaqai quiitalec da llicyaxac, chaqai pacqajñichiguilo naua lelaataxanaxaco, laqataxaco, la'qaatqa, ca' rca'lliiuec chaqai 'xoic ma'le ca qachaalaxahipi. Ca' ñi qara'gaxala' qota'olec nqouagueguelo qamiri ma'le quecá'maq 'laua ñiỹalec ma'le.

Deuteronomio 30:20

Ỹaatqajam rqo'chiỹa ñi qara'gaxala' qota'olec, na'xaỹaxañii'ta chaqai raqamaxaita, ma' chaqaida dá'maq hueetagui da nachaalataxaguii chaqai quiyim sqaua' rillivii, ca shi'gom ñiitalec na 'laua ná'maq ñi qara'gaxala' nallitalta' na' ỹachaxantac quiyim ỹaanem so Abraham, Isaac, chaqai so Jacob, sauá'maq 'auaxaqa qata'allii.

Deuteronomio 6:5

Ỹaatqajam rqo'chita ñi qara'gaxala' qota'olec, machiro'ot añi re'taxanata'e', chaqai dá'ogue da nachaalataxaqui' chaqai dá'ogue da rquesaxanaxa'e'.

Santiago 1:12

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

Santiago 2:5

Qamiri ñauochaxaua' ỹaqaỹa', ñaq na'xaỹaxañiỹa da ỹa'qaatec: Ñi qota'a lca'acsec na 'xoraic qomyipi quená'maq hueetalec na 'laua, ma' ỹahotaque quiyim 'ec nesallaxanec queda lpi'ỹaxac chaqai quiyim ỹalecau'a icoñiguit cá'maq ñaqa naataho lo'ueenataxanaxac ỹachaxantapeguem ná'maq nqo'ta ñi'maxare.

1 Samuel 9:12

Ca saua'maxare 'neraco': —Ajá'a, qam paguec lesega yi na'ñi. Qam riỹalahi, ma' ca'maxare nagui nacpegue' najo na'a', ma' nagui 'ue ca qaỹavigaxat nachitaxanataxanaxat huaalec añi ncopatoxonaxalate.