1 Reyes 10:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' so Salomón ichoxot da leloxoỹaxac ná'ogue ná'maq nenataxaquipi, ca' qaica quet ca nenataxac quiyim se ỹa'den quet ca leloxoỹaxac.

1 Reyes 10:3 Iomraidhean Croise

1 Reyes 10:1

Ca' aso lashi ná'maq na'ñi yi Sabá co'na' 'xaiguelec da lichoxoric ỹovirau'a so Salomón, qaiyi qaimaqachin ñi qara'gaxala', ca' taigue da Jerusalén, ma' ỹahotaque i'guen, ca' ỹa'vii naua lenataxanaxaco 'xoic da lqalaigue'. Ca ỹaatqajam 'xoic da lemaqachic na' novi'. Chaqai ana lalo nauaanaxanaxa late'e 'xoic nqai'en na li'ỹaac quena coraxat lo'daxaraic lahita, chaqai 'xoic na li'ỹaac 'oro chaqai na qa' qashilgaxaraic. Ca co'na' ỹovira'a so Salomón, ca chaqa'ma' inat quená'ogue ná'maq hueetapigui lauel.

1 Reyes 10:4

Ca co'na' aso nashi quiyi Sabá ỹa'den da la'deenec so Salomón chaqai só'maq 'imec no'xonshiguim,

1 Reyes 3:12

ca' ỹim saañiraxarom ná'maq shiilaxañisaque: saanem qami' da na'deenaxanaxa, qaiyi qaica ca qalañiralec, ca' qaiyi qaica ca 'nejem qami' queso 'auaxaiquipi chaqai na co'uaataxanaxaiquipi.

Mateo 13:11

Ca' so Jesús 'naaco' quesaua'maxare: —Ñi qota'olec ỹa'deenaxanaxanque qamiri dá'maq se re'xogui leloxoỹaxac dá'maq lo'ueenataxanaxac hueeta'gue da piguim. Qam na'maxare ỹaatqajam se ishit ỹa'den.

Juan 7:17

No'm 'ue cá'maq huachi'chiguit quiyim ỹahotaque ỹo'uet dá'maq ỹahotaque ñi qota'olec, ca ỹa'deenta quenauá'maq ỹapaxaguinataxanaxaco quiyim chicqoro'ot ñi qota'olec, loqo'm chaqaỹim ỹapaxaguinataxanaxac.

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

Colosenses 2:3

Ma' chaqaiso só'maq ỹomata'ta' hueetaugui ná'ogue na na'deenaxanaxa chaqai da na'deenataxanaxac.