1 Reyes 1:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' quesauajo na'xata' so Adonías ỹo'uet so lqui'ỹaxac, illa'ñi yi sqoỹoqaque aso qa' leenaxat Zohelet, quiyi'maxare, ca sqoỹoqaque yi hua'ñi so ne'paxantashiguim huaxaỹaq quiyi Rogel. Ca' ỹalauat ana qagretaipi, toorollipi, huaqui llaalqaipi. Ca' qaỹa'ue la'xaỹaxac so lqaỹaripi só'maq llaalqaipi so nashi, chaqai sá'ogue so ỹalliripi na'ñi yi Judá só'maq ro'ueenataxantacot so nashi.

1 Reyes 1:9 Iomraidhean Croise

2 Samuel 17:17

Ma' so Jonatán chaqai so Ahimaas hueesa'ñi yi En-rogel quiyim qaica ca no'chiisaque quecá'maq quiyim qaiuanalo quiyi na'a', ca 'uo' aso nelaata ỹa'ue la'xaỹaxague' saua'maxare. Ca saua'maxare chaqa'ma' que', ỹahote la'xaỹaxac so David.

Mateo 22:4

Ca' lotqai ỹa'vii saua liỹa' ilate' lelaatqa. Ca 'naaco': “'Ñiỹapegalo caua ỹalecse' quiyim mashic ná'ogue na na'ic ỹa'maqatañi quiyim qaỹa'ic. Mashic selaataxanlgoto quiyim qaỹalauate' saua iloo huaca chaqai ná'maq ỹochaxaratec iloipi. Chaqai ná'ogue mashic ỹa'maqatañi. Naguipegue' na nashilaxac.”

1 Reyes 1:19

Ca' nagui ñi'maxare ỹalauatetac na toorollipi, na huaqui llaalqaipi chaqai 'xoic ana qagreta, ca ỹa'ue la'xaỹaxac na qachaalaxai'ipi chaqai so netaxaỹaxanqajnec Abiatar, chaqai so Joab só'maq lashi ná'ogue na nallichi'ipi. Qam se ỹa'ue la'xaỹaxac ñi Salomón ñí'maq rotaua'e' qachaalqui'.

1 Reyes 1:25

Ma' nagui renojñi, ca' ỹalauat na toorollipi chaqai na huaqui llaalqaipi chaqai 'xoic ana qagreta. Ca' lqui'ỹaxaua na qachaalaxai'ipi chaqai na la'gaxalateripi na nallichi'ipi, chaqai so netaxaỹaxanqajnec Abiatar. Ca' yijo qomyipi que'eetac nagui, chaqai qane'teeta'pegue' ñi'maxare, chaqai qaỹaualqatalec, qohinac: ¡Qami' qarashi Adonías!