1 Reyes 1:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca co'na'le, ca' so David llaalec leenaxat Adonías, ca' aso late'e leenaxat Haguit, so'maxare ỹanñi na lo'goxonaxat, ca' nachajñi, ca 'naac quiyim chaqaiso só'maq nashi. Ca' ỹa'ue ana nalauataxaqui nahoglena chaqai na laloipi shipiguiripi, chaqai ỹa'ue so cincuenta ỹalliripi quiyim reloqota'a so'maxare.

1 Reyes 1:5 Iomraidhean Croise

2 Samuel 15:1

Ca co'na' mashic 'vii saua ñaxari, ca' so Absalón mashic 'ue aso lahoglena lauataxaqui chaqai so lalo shipiguiripi, chaqai ỹa'ue so cincuenta nalliripi.

Lucas 18:14

Ca' ỹim shiñiỹapegaxaua' quesojo ỹale co'na' pila ca la'a', ca' ỹaatqajam qaỹa'maxarenta quiñi qota'olec, ca' sqai 'nejem so fariseo. Ma' ca chi nemaqachin, ca' sqaica ca lemaqachic nqohin; qam ca se nemaqachin, ca chaqaica ca 'xoic ca lemaqachic nqohin.

Lucas 14:11

Ma' cá'maq chi ỹauaaque ca lecaic, ca' se qaimaqachin, chaqai cá'maq neneequesenta, ca qaimaqachin.

Isaías 2:7

Najo 'laua no'qajlec quena 'oro chaqai quena plata quená'maq nouenec chalego lecaic da nauochaxa; quenajo 'laua ỹaatqajam 'xoic na shipgaq chaqai ỹaatqajam 'xoic ana nahoglena.

1 Reyes 1:11

Ca' so Natán retaxaỹa'pegue' na'le aso Betsabé só'maq late'e so Salomón, 'naaco': —¿Peeta'a sqa 'yiiñi' quiyim so Adonías só'maq llaalec aso Haguit, so'maxare ỹahotaque quiyim nashi? ¡Qam dajo ỹo'ueetetac se ỹa'den ñi David ñí'maq qarashi!

Éxodo 9:17

Qam qaiyiita quedá'ogue dajo, ñaq quepaqchisa'piguit na ỹalamaxareteripi, ca sqai 'xañirec quiyim eec.

Jueces 9:2

—Ma' chaqai qamiri iuo' laseripi, ca' nagui ñi'xoresentouguilo qamiri quiyim qamiri 'ñiỹapega ná'maq na'ñi na Siquem quiyim paguec quet la'maxa quiyim 'oonoqui' quet ca ỹale lashi quet na qomyipi, qam mesqai ná'ogue na setenta llaalqaipi so Jerobaal.

1 Reyes 1:4

Ca' aso Abisag ỹaatqajam lo'yaxana. Ca aso'maxare reloxoỹa'a chaqai cochiỹa so nashi, qam so nashi sqai viguit aso'maxare.