1 Reyes 1:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' qaimitaque aca nequetegaxai ỹaatqajam lo'yaxana. Ca' qaidaanaque quiyá'ogue yi 'laua neetalec na Israel llaalqaipi, vire'ta na' 'ue aso nanatqate leenaxat Abisag. So'maxare na'ñi yi na'a' leenaxat Sunem, ca' qaỹauegueu'a so nashi.

1 Reyes 1:3 Iomraidhean Croise

1 Reyes 1:2

Ca' so lotauaripi 'naaco': —Michiỹaque aca 'aalo ñaq nequetegaxai quiyim reloxoỹa'a chaqai cochiỹa chaqai quiyim lapaatapi'ñi' ñi qarashi, qaiyi pa'eeuec nqai'en na loshicmaxa.

1 Reyes 1:4

Ca' aso Abisag ỹaatqajam lo'yaxana. Ca aso'maxare reloxoỹa'a chaqai cochiỹa so nashi, qam so nashi sqai viguit aso'maxare.

2 Reyes 4:25

Ca' quedajo, ca so'maxare eec. Ca' chi ỹovireta'a ada qa' ladocai leenaxat Carmelo yí'maq neeta'ño' so letaxaỹaxaqui ñi qota'olec. Ca co'na' ñaq qoỹoqo'chiguit, ca so Eliseo iuañi'chiguit, ca' 'naaco' queso lelaatec Giezi: —'Ajñi', chaqana ana 'aalo na'ñi yi Sunem.

2 Reyes 4:8

Ca 'uo' so na'xa'a quiyim so Eliseo quejlec yi Sunem, ca 'uo' aso 'aalo nesallaxana na'ñi yi Sunem ỹaatqajam 'xoic da lepagaxallic quiyim lqui'ỹaaqa' yi la'a'. Ca co'quena' que'tegueyi so Eliseo, ca lotqai lqui'ỹaaqa' yi la'a' aso'maxare.

Ester 2:2

Ca' so lotauaripi nashillipi 'naaco' queso'maxare: —Nagui, ca' ỹouentaque quiyim qaidaanaque aca roua'e', qami' qarashi, cá'maq ỹaatqajam lo'yaxana chaqai quiyim saqa' iuanapega ca ỹale.

Ester 2:4

Ca acá'maq nequetegaxai paguec rqo'chita, qami' qarashi, ca' chaqaca qoỹanagui da lo'ueenataxanaxac aso Vasti. Ca' dajo na'qaatec ỹaatqajam ỹa'maxarenta so nashi, ca' chaqaida qohine'tegue.

1 Samuel 28:4

Ca' so filisteoipi lapoonta' so nalliripi, ca' quepegue' yi Sunem, ca na'ñi. Chaqai so Saúl qai'neeta lapoonta' sá'ogue so Israel llaalqaipi. Ca' na'maxajñi, quepegue' aso quemaralec ladocai quiyi Gilboa.