1 Reyes 1:2 - La'qaatqa ñi qota'olec Qota'olec & Qota'olec Novita Na Qomyipi

² Ca' so lotauaripi 'naaco': —Michiỹaque aca 'aalo ñaq nequetegaxai quiyim reloxoỹa'a chaqai cochiỹa chaqai quiyim lapaatapi'ñi' ñi qarashi, qaiyi pa'eeuec nqai'en na loshicmaxa.

1 Reyes 1:2 Iomraidhean Croise

Génesis 16:5

Ca co'na'le, ca' aso Sarai 'naaco' queso Abram: —¡Qami' rasauaxashichi' quiyim añi Agar tot nqo'chiiua'! Shaaco' ỹim saanem qami' quiyim roua'e'. Ca' nagui ma' sham 'ue ca llaalec, ca' 'neetapigui lauel quiyim ỹapacauec caỹim. Ca' ñi qara'gaxala' ỹa'xat cá'maq 'ue ca lasauaxaset, ỹim loqo'm qami'.

2 Samuel 12:3

Qam so 'xoraic 'oono'lli'o' aso lalo qagreta lishiujnaxanqate, ca' chaqaiso só'maq iỹaxat. Ca' aso qagreta chi niỹitashiguim neeto'ot so'maxare chaqai quesaua llaalqa. Nouante'o' quena' que'e chaqai ne'taxauo' quena' ne'et. Chaqai co'quena' laq, ca' hueetalec ana lotogue. ¡Ca so'maxare ỹaatqajam lqo'itqate, 'neeta'gue aca ỹaatqajam llaale!

1 Reyes 1:1

So David ỹovira'a yí'maq ỹaatqajam lqo'xo queda nachaalataxac. Ca vichiguiño' quiyim 'eno'm 'xoic nqohin na qoỹañigui looỹac, qam qaiyiita se npa'eeuec na loshicmaxa.

1 Reyes 1:3

Ca' qaimitaque aca nequetegaxai ỹaatqajam lo'yaxana. Ca' qaidaanaque quiyá'ogue yi 'laua neetalec na Israel llaalqaipi, vire'ta na' 'ue aso nanatqate leenaxat Abisag. So'maxare na'ñi yi na'a' leenaxat Sunem, ca' qaỹauegueu'a so nashi.

Ester 2:2

Ca' so lotauaripi nashillipi 'naaco' queso'maxare: —Nagui, ca' ỹouentaque quiyim qaidaanaque aca roua'e', qami' qarashi, cá'maq ỹaatqajam lo'yaxana chaqai quiyim saqa' iuanapega ca ỹale.

Deuteronomio 13:6

Ca no'm ca ỹaatqajam ralamaxarichi' rqaỹa'e', loqo'm ca qachaalqui', loqo'm aca qachaalli'i', loqo'm aca rqo'itqachi'i' roua'e', loqo'm ca nauochaxaua'e' riỹa'e' quiyim nemootetacot qami' quiyim nqouagaxaiñitot ca nadenqatec nqolac sqai huañirapega chaqai saua 'auaxaqa qata'alli',