1 Pedro 5:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam quepaxachii, ỹaatqajam na'ñaxachilec da rpi'ỹaxaguii, ma' 'yiiñita quiyim na rqaỹairipi quenaua'que naua lahil na 'laua qaidaata dajo ne'xoric da hueetaugui.

1 Pedro 5:9 Iomraidhean Croise

Santiago 4:7

Ca' vichiguiño' ỹaatqajam nañaañiỹot ñi qota'a, ca ỹaatqajam na'ñaxachiiguit so na'ỹaapec, ca' so'maxare 'eetapeguema ma'le qamiri.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

1 Pedro 2:21

Ma' chaqaida dá'maq 'em roỹaxanalo qamiri ñi qota'a, ma' so Cristo 'ue da le'xoric sauaxate' qamiri quiyim ỹachaxan da leloxoỹaxac, qaiyi quiijlec da llicyaxac so'maxare.

1 Corintios 10:13

Da ne'guenaxaguii novitalo qamiri, da'maxare ỹaatqajam 'nejem da ne'guenaxac ná'ogue na liỹaripi. Qam qamiri lama'xa pi'iỹa'a ñi qota'a ma' ñi'maxare se ỹasene'tema qamiri quiyim paguec ca ne'guenaxaguii quecá'maq tot ralohiguit. Chaqaidaata quiyim novi' ca ne'guenaxaguii, ca ñi'maxare ỹa'ue ca la'maqa' quiyim qarayichii, qaiyi ralohita'piguit.

2 Timoteo 3:12

Qam ỹaatqajam lliqueta quená'maq quejlec so Cristo Jesús, qai'neeta ỹovirau'a da le'xoric queda nocanaxac.

Efesios 6:16

Qam quedá'ogue dajo, ca coñiỹa da rpi'ỹaxaguii, 'ec nqai'ñii aca nquepaqataxanqate quiyim ỹo'mat ná'ogue na novic ỹaviquetaugui lahinaxanqate so na'ỹaapec.

1 Pedro 3:14

Qam 'eno'm 'ue ca re'xoriguii, qam quiyim 'maxachii'tegue da nachaalataxaguii, ca' 'ue ca ra'maxahi. Qaica ca ro'chiỹaque, chaqai sqaica ca rqo'ỹoqochichii.

Hebreos 11:33

Sá'ogue so'maxare chicqochigui da lpi'ỹaxac quiyim 'ue na loxonec naqajñi 'lauaripi, chaqai 'maxaraic da lo'ueenataxanaxac quiyim nashi, chaqai icoñiguit da ỹachaxantac lotaanaxanaxac ñi qota'a, ỹapogui na lap na sauaxaic leta'allipi,

1 Timoteo 6:12

Na'ñaxachirelec da rpi'ỹaxaqui', lo'qo'ichiriñi dá'maq nca'laxa sqaica lqodoc. Ma' chaqaida dá'maq 'em roỹaxañiraxaua' ñi qota'a, chaqai mashic ime quiyim nachaachiriñi 'xachisac da rpi'ỹaxaqui', chaqai mashic 'xoic ná'maq ỹa'yiinchigui qami'.

1 Tesalonicenses 3:3

qaiyi qaica ca neualñi da lpi'ỹaxac quena qane'guenaxaquipi. Ma' qamiri ỹaatqajam 'yiiñita quiyim sovirqau'a da qare'xoric quena qane'guenaxac.

Efesios 4:27

Ỹaatqajam qaica ca lligo nqai'ñii so na'ỹaapec.

Apocalipsis 6:11

Ca na'le, ca' qoỹaanem na looỹac lalagaxaic. Ca' qohinapega quiyim cocho'qui' liỹa nco'matauec, toco' ma' nalogoñi ỹovita cá'maq naloqojnec quená'maq lqaỹaripi ro'ueenataxantacot so Cristo ná'maq taata'a quiyim qaỹalauat ma'le, 'nejme' saua'maxare.

1 Pedro 4:13

Ta'ta'a quiyim 'ue ca netoonaxaguii quiyim mashic nouañiỹau'a da le'xoric so Cristo, qaiyi qai'neeta 'xoic ma'le ca netoonaxaguii ma' daañiỹa'guit ca lauaq cá'maq loviraxac so'maxare.

1 Pedro 1:6

Ca' chaqaida dá'maq dajo dá'maq 'em quiyim 'xoic da netoonaxaguii, qam quedajo ma'le, ca' sqoue 'vii caua na'xata' 'xoic ca ne'guenaxaguii.

Colosenses 2:5

Ma' 'eno'm se salequetauguilo qamiri, qam 'ec salequetauguilo qamiri quedá'maq se re'xogui ño'ueenataxac. Chaqai ỹaatqajam ñitoonta'peguelo qamiri ma' 'maxaraic dá'maq 'ñiitari', chaqai quiyim sqai 'xañiuec da rpi'ỹaxaguii queso Cristo.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.

Lucas 22:32

qam aỹim ñqouagaxainteguelec qami', qaiyi sqo viñire'e ca rpi'ỹaxaqui'. Qam qami' ma' ỹovita quiyim rapillita ỹim, tauañi'o' na rqaỹachi'ipi, qaiyi qaidaata 'neetari' da lpi'ỹaxac.

Apocalipsis 1:9

Ỹim Juan, ỹim rqaỹahi, ỹim salequeta'guita quiyim i'xoyaxaua' qamiri, queda lo'ueenataxanaxac ñi qota'a chaqai queda qareualaxavic ỹaanema qomi' so Jesucristo. Ỹim ncoñiiteguesec na'le, senta'ñi ada delec leenaxat Patmos, sasougui quiyim sa'xatetac da la'qaatec ñi qota'a, dá'maq shi'co' i'taxajñi so Jesucristo.

2 Timoteo 4:7

Ma' mashic somat quiyim ñco'uaateguelec da ỹo'ueenataxanaxac, chaqai somat da ñalliquinaxac. Ỹaatqajam llo'qoochiguiñi da npi'ỹaxac.

Hebreos 12:8

Qam ñi qota'a no'm se ỹapaxaguine' qamiri quedá'maq 'neeta'gue ná'ogue na llaalqaipi, ca' sqai qamiri lalamaxarete' llaalqa, ta'ta'a quiyim chaqai qamiri peua'.