1 Pedro 5:3 - La'qaatqa ñi qota'olec Qota'olec & Qota'olec Novita Na Qomyipi

³ Mesqai 'ñiita'gue quiyim 'ec ralamaxarichii acá'maq loxoita'a. Ta'ta'a quiyim viitaque qaỹadenaxachichigui dá'maq 'ñiitari' quecá'maq loxoita'a,

1 Pedro 5:3 Iomraidhean Croise

Salmos 33:12

Ỹaatqajam chalego la'maxa ca qom quiyim chaqaiñi ñi qota'olec ñi la'gaxala', cá'maq lca'acseripi ñi'maxare quiyim lalamaxareteripi.

Salmos 74:2

Ñaqai o'lliinchira'a na ralamaxarichi'ipi, ná'maq rca'acshiqui' na' ñaqai 'avichiguiñi, ná'maq nca'laxachirec na'le ma' vi'saque ralamaxarichi' qauochi'; chaqai o'lliinchira'a añí'maq quemaralec qa' ladocai Sión, ñí'maq ñi'sa'ñi.

Ezequiel 34:4

Qamiri sqo tauañii ana ỹolaaueta qagreta, chaqai se natariñii aná'maq 'ue na ralolaxa, chaqai sqa vii ca laxa' aná'maq qac na lichi, chaqai se rapilaxachiuo aná'maq ỹo'maauec, chaqai sqai daañiỹaque aná'maq na'laañi, ta'ta'a quiyim sqa 'maxachiỹa'gue chaqai 'ue da rqa'viiguii.

Juan 13:15

Sachaxanalo qamiri dajo, qaiyi qamiri denaxachii dá'maq ỹim so'uet caqamiri.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

1 Corintios 11:11

Qam nagui ma' qomi' mashic seuaqlec so Cristo, ca' sqaica ca ỹale se ỹouen aca 'aalo, chaqai sqaca aca 'aalo se ỹouen ca ỹale.

1 Corintios 3:5

Ma' ¿nega'ỹo' ca Pablo? chaqai ¿nega'ỹo' ca Apolos? Qomi' chaqaidaata qomi' lelaatqa ñi qota'a, qomi' chigoqchiỹauguilo quiyim viilec qamiri ñi qara'gaxala' Jesús. Qam quiñi 'óna coqomi' ỹo'uet cá'maq qaỹamaxalec quiñi qara'gaxala'.

1 Corintios 3:9

Ma' qomi' no'ueenataxanaxauaripi queda lo'ueenataxanaxac ñi qota'a. Ca' qamiri 'ec qamiri lanaxanqa' ñi'maxare. Loqo'm 'nejem qamiri ca 'imec no'xontegueshiguim ñi qota'a.

2 Corintios 1:24

Ma' qomi' se sahoqotaque cá'maq sapaxaguinaxaque qamiri quiyim viilec, ma' mashic ỹa'maqachiguiñi da rpi'ỹaxaguii. Qaidaata quiyim sotauanaxai' qamiri, qaiyi noquic ca netoonaxaguii.

2 Corintios 4:5

Ca' quena' sa'xatqatac dajo na'qaatec, se ña'xatqateguelta' qomi'. Ta'ta'a quiyim sa'xatqatac so Jesucristo quiyim chaqaiso só'maq qara'gaxala'. Qam coqomi', ca shinqac qomi' relaataxahi, quedá'maq le'xorenataxanaxa so Jesús.

Filipenses 3:17

Qamiri ỹaqaỹa', denaxachii da no'uen ỹicyaxac, chaqai ỹaatqajam 'ajñita ná'maq que'tegue dá'maq no'uen qoyicyaxac dá'maq sapaxaguinaxaque qamiri na'le.

Filipenses 4:9

Chaqai ỹaatqajam 'viichii ná'ogue ná'maq sapaxaguinque qamiri, chaqai ná'maq ỹaqataxaquipi saanema qamiri, quená'maq 'xaichigui caỹim, chaqai ná'maq huañichigui so'uet; ca 'viichii. Ca' ñi qota'a ñí'maq chicqo'ot da na'maxa ỹalequetauguilo qamiri ma'le.

1 Tesalonicenses 1:7

Ca' chaqaida dá'maq 'neeta quiyim 'ue na ra'ilgoto chaqai ỹadenaxate' qamiri ná'ogue ná'maq mashic icoñiguit da na'qaatec quená'maq neetalgoto yaua 'lauari Macedonia chaqai yi Acaya.

2 Tesalonicenses 3:9

Mesqaida quiyim sque'guenqateguelgoto qamiri quiyim qarotauañii. Qaidaata quiyim so'ueenataxanaq, ma' sahoqotaque quiyim quiijlec dá'maq qano'ueenataxac.

1 Timoteo 4:12

Qam na'maxachite', qaiyi qaica ca se icoñiguit qami' ma' ñaqa qami' ne'necoqui'. Ta'ta'a quiyim qami' naloqojnaxanaxat quená'maq mashic icoñiguit da na'qaatec, quedá'maq 'maxaraic retaxaỹaxaqui', chaqai dá'maq no'uen qayiquiaxaqui', chaqai da re'xorenataxanaxa'e', chaqai da no'ueenataxaqui', chaqai da rpi'ỹaxaqui', chaqai 'maxachitetegue da nachaalataxaqui'.

Tito 2:7

Qam qami' qai'neeta chaxañi' dá'maq 'maxaraic na'qaataxaqui' quedá'ogue da ro'ueenataxanaxaqui'. Lamaxachite' ca 'xachi' quená'maq paxaguiñisac, sqai saguiriñisalec.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.