1 Pedro 4:9 - La'qaatqa ñi qota'olec Qota'olec & Qota'olec Novita Na Qomyipi

⁹ Nquelolliỹata' quenaua ra'aachiri, qaica ca se no'uen ca la'deenataxanaxac.

1 Pedro 4:9 Iomraidhean Croise

Génesis 24:19

Ca co'na' so nelaatec neme so laquip, ca 'naaco' aso Rebeca: —Qai'neeta ñaqajshiguim ca laquip naua qalohi', qaiyi nemeeta ca laquip ná'ogue.

Romanos 12:13

Tauañii ná'maq mashic icoñiguit da na'qaatec quecanchaqaica ỹouentaque, chaqai ỹaatqajam daañii'chiguit quelolliỹa cá'maq na'piichaxahi.

Romanos 16:23

Liquinaxanaxac ñi Gayo. Senta'ñi na la'a' ná'maq ra'ualaxanataxanot quiyim lo'ueenaxanqa' ná'maq mashic icoñiguit da na'qaatec. Qai'neeta ila' liquinaxanaxac ñi Erasto ñí'maq reloqota'a ana lam na na'a' lodegaxat, chaqai ñi qarqaỹa Cuarto.

2 Corintios 9:7

Ca 'óna ỹaan cá'maq nalootau'a viichigui añi le'taxanata; sqaica ca huapigui lauel, loqo'm chi nque'guenataxanaxac. Ma' ñi qota'a nqo'ta cá'maq huaquichiguiñi quiyim ramiaxan.

Filipenses 2:14

Ca ná'ogue 'viichii, qam qaica ca retaqatac chaqai se nco'uaita'ta',

1 Timoteo 3:2

Vichiguiño' quiyim cá'maq la'gaxala' ná'maq mashic icoñiguit da na'qaatec se ỹa'maxañi quiyim se no'uen cá'maq na'qaataxac. Chaqaidaata quiyim 'oono'lli' nqai'en aca loua, chaqai ỹaatqajam ỹa'maxate'tegue da llicyaxac, nelootec, chaqai qaica ca taỹapegueu'a. Ỹaatqajam se ishit quiyim se idaañiguit quet ca namaqategueri', chaqai ỹaatqajam ỹa'den da lapaxaguinataxanaxac.

Tito 1:8

Ta'ta'a quiyim quelolqachaqaic quiyim idaañiguit ca nouoq, chaqai nqo'ta quiyim ỹo'uet cá'maq ỹa'maqachiguiñi, na'maxateta, 'maxaraic da no'ueenataxac, co'teeta, ra'ijlec da nachaalataxac.

Filemón 1:14

Qam sqa soiquentac cá'maq so'uet quiyim se ña'deenqa'ajta', qaiyi cá'maq rqouagaxa'e' caỹim mesqai 'ec chicqochigui ca nepagaxallic. Ta'ta'a quiyim cá'maq chicqochigui qami' rqouagaxa'e' caỹim.

Hebreos 13:16

Chaqai se couahi'e quiyim 'viichitac cá'maq ỹa'maqachiguiñi, chaqai quiyim nouañii'te' cá'maq riỹahi quecá'maq 'ue caqamii, ma' dajo nachitaxanataxanaxac chaqaida dá'maq ỹa'maxarenta ñi qota'a.

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.

Santiago 5:9

Caqamiri ỹaqaỹarolqa, 'neeto' 'ue ca queeteguelec ca liỹa caqamiri, qaiyi qaica ca qaỹa'ue ca lasauaxaset. Ma' ñi qota'a ñí'maq imit ma'le na nasauaxaseteripi, tot qaỹaloq novi'.