1 Pedro 4:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam quená'ogue ỹaatqajam ne'xoriñiỹata' qamiri, ma' da ne'xorenataxanaxa 'xoic na nasauaxaset ỹapalaxat.

1 Pedro 4:8 Iomraidhean Croise

1 Corintios 13:1

No'm ỹim sa'xateta'pe naua la'qaatqa na qom chaqai naua la'qaatqa na chicqashiguim qota'a lelaatqaipi, qam quiyim sqaica ca i'xorenataxanaxa, ca shintari' aca nouaxana quiyim ilamtapigui, loqo'm aca nasaquinata quiyim qaỹasaquintapigui.

1 Corintios 13:4

Cá'maq 'ue ca le'xorenataxanaxa ỹaatqajam 'ñaaxaic lauel, 'naxanaxaraic, se pa'guenaxanaxaic, se napacqajnaxai, chaqai se nemaqajnaxai.

Colosenses 3:14

Qam dá'maq ỹapacauec quená'ogue, quiyim 'xoic ca re'xorenataxanaxahi, ma' chaqaida dá'maq lapoonta' qamiri, chaqai nalogoñi nqai'en ná'ogue nanchaqaina.

1 Tesalonicenses 3:12

Ca' ñi qara'gaxala' Jesús ñaxat nqai'en chaqai nqo'naxatec da re'xorenataxanaxahi quiyim ne'xoriñiỹata' chaqai ỹovira'oga nqai'ñii ná'ogue na qomyipi, 'nejme' qomi' quiyim ỹaatqajam qarauochaqate' qamiri.

2 Tesalonicenses 1:3

Qamiri qarqaỹa', qomi' se neme saanqatacot da qana'aachic ñi qota'a caqamiri. Dá'maq 'maxaraic shinqata'gue caqamiri, ma' noquiiquetauec da rpi'ỹaxaguii chaqai nqo'neetauec quiyim ne'xoriñiỹata'.

1 Timoteo 1:5

Ma' dá'maq 'neeta dajo nelaataxanaxac qaỹahotaque quiyim ñi'xoresenaqta'. Qam ca le'xorenataxanaxa ca qom chicqochigui aca le'taxanata co'teeta, chaqai qaica canchaqaica quedá'maq 'neetari', chaqai ca lpi'ỹaxac ỹaatqajam 'chichiguiñi.

Hebreos 13:1

Quiñi 'óna sqai ỹaxanñi quiyim i'xoren ca liỹa 'neeta'gue ca ỹaatqajam lalamaxaret lqaỹa.

Santiago 5:12

Qam quená'ogue najo, qamiri ỹaqaỹa', 'neeto' quiyim 'ue ca ỹaanec da la'qaatec quiyim chicqo'ot na piguim ca nouaxanaxaset, loqo'm quena 'laua, loqo'm quecanchaqaica liỹa, quiyim 'ue ca ỹa'xat. Ta'ta'a quiyim saachii ca 'oonoqui' ca rasaataxaguii. No'm 'ñiỹac “Ajá'a”, ca' chaqaida nqai'ñii. Chaqai no'm 'ñiỹac “'E'”, ca' chaqaida nqai'ñii, qaiyi se ỹo'uet ca rasauaxashichii ñi qota'a.

Santiago 5:20

ca ỹaatqajam 'yiiñita quiyim quecanchaqaica rapilo nqai'en ca sauaqhuaic queca se no'uen llicyaxac, ca'maxare nca'laxatec queda lelauaxa ca sauaqhuaic, chaqai ỹo'uet quiyim 'xoic ca qaỹapalaxat nasauaxaseteripi.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

3 Juan 1:2

Qami' ñauochaxaua ỹaqaỹa, queda ñqouagaxainaxac sahotaque quiyim 'maxaraic ná'ogue ná'maq 'viichisac, chaqai quiyim qaicanqaida queda nachaalataxaqui', quiyim 'nejem dá'maq 'maxaraic no'ueenataxaqui'.