1 Pedro 4:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca tot qoỹoqaque ca lqodoc ná'ogue nanchaqaina. Ca vichiguiño' sqai qamiri que'guenataxanaxaiqa. Ta'ta'a quiyim ỹaatqajam coñiỹa da nqouagaxainaxaguii.

1 Pedro 4:7 Iomraidhean Croise

Génesis 19:35

Ca' queso pe lotqai ne'taxane' so leta'a'. Ime, ca' eec aso na'aasa lotqai lapa'ñi' so'maxare, qam so Lot qaiyiita se nauate co'na' lapaata'ñi' aso'maxare chaqai co'na' ne'laxashiguim aso'maxare.

Génesis 6:13

Ca 'naaco' queso Noé: Mashic viichigui na iuel quiyim ime nqaishin ná'ogue na qomyipi, ma' sauaxat na'maxare quiyim 'xoic da neloquiaxac quena 'laua. Ca vichiguiño' sopoxoỹaxachigui na qomyipi chaqai ná'ogue na 'laua.

Mateo 24:42

Ca no'uen quiyim qamiri nelohitauec, ma' sqa 'yiiñii ca laloqo' ca loviraxaqui na ra'gaxalarii.

Mateo 25:13

Co'na'le, ca' so Jesús 'naapegalo' saua'maxare: —Ỹaatqajam nelohitauec, ma' sqa 'yiiñii ca na'xa'a chaqai ca laloqo' quiyim novi' najo ỹale llaalec.

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

Lucas 21:36

Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.

Lucas 22:46

Ca 'naapegalo' saua'maxare: —¿Chi'negue ma' laxaita? Ne'laxachishiguim, ca' nqouagaxaiñii, qaiyi se ỹovira'alo qamiri ca ne'guenaxaguii.

Romanos 12:12

Netooñita'gue dá'maq quiyim 'ue da naquitaxaguii. Chaqai ỹaatqajam neualaxaviñi'e' quiyim 'ue ca ne'guenaxaguii. Chaqai sqai 'xañiñi da nqouagaxainaxaguii.

1 Corintios 15:24

Ca' ma'le, ca' novi' ca nqodoc. Ca ma'le, ca' so Cristo nopoxoỹaxajñi ná'ogue na lquesaxanaxa na ỹoreta'oguit relaataxantaquipi neta'allipi se re'xogui queda piguim. Ca hua'ñi, ca' ỹaanot da lo'ueenataxanaxac quiyim ỹoiquentac ná'ogue najo ñi qota'olec.

1 Corintios 7:29

Qamiri ỹaqaỹarolqa, dá'maq sahotaque sa'xat 'neetasa': Ma' mashic tot qoỹoxorec naua na'xata' seuqatauguilo, ca' nagui taachi'ñi quená'maq mashic 'ue aca loua, 'neetari' quet quiyim 'ec qaca aca loua,

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

Filipenses 4:5

Ca ná'ogue na qomyipi ỹa'deente' qamiri quiyim qamiri qouagaxanqachaqaqa, ma' so qara'gaxala' sqaỹaloq novi'.

Colosenses 4:2

Quiitalec sqai 'xañiñi da nqouagaxainaxaguii. Nelohitauec, chaqai 'ỹaañitacot da na'aachicyaxaguii ñi qota'a.

2 Timoteo 4:5

Qam qami' ỹaatqajam na'maxachite', chaqai na'ñaxachichiguit da re'xoriqui', quirelec 'xachisac da na'qaatec chicqaugui da nca'laxa, repaquiterelco' da ro'ueenataxanaxaqui'.

Tito 2:12

Ca' dajo lqouagaxa ñi qota'a ỹapaxaguinque qomi' quiyim salataq ná'ogue na se no'uen chaqai da qarqo'itaxanqachic quená'ogue na huelec najo, quiyim ñaqai qolqatalec na 'laua, ca sa'maxatqa'tegue da qanachaalataxac, qaraqamqata, chaqai ñañaanqot ñi qota'a.

Hebreos 10:25

Sqai qolaxa'uegue dá'maq lanatec ná'maq se ỹalecapogo quenaua qalapoxoco. Ta'ta'a quiyim ña'ñaxatqata'ta' paguec nagui, ma' mashic sa'deenaq cajo na'xa'a loviraxaqui so qara'gaxala' tot qoỹoxoguit.

Hebreos 9:26

Ma' quetqai chaqaido' 'neeta dajo, ca 'xoic quet quiyim qaỹalauat chicqochi'ñi na' ñaqai chita'gue qaỹo'uet na 'laua. Qam nagui ma' mashic imiguilo nqohine' naua na'xata', ca re'oq so Cristo nachaxan 'oonoqui', ca' dá'ogue ỹomachigui. Ma' chi nañaanalta' so'maxare, qaiyi naqat ná'ogue na nasauaxaset.

1 Pedro 1:13

Ca vichiguiño' ỹaatqajam 'maxachichiguiñi ca ra'deenataxanaxaguii quiyim 'ue ca 'viichii, chaqai ỹaatqajam 'ajñita. Ỹaatqajam machiỹalec da naquitaxaguii da lqouagaxa ñi qota'a quecá'maq ỹaanema qamiri ma'le ma' liỹa re'oq so Jesucristo.

1 Pedro 3:7

Chaqai qamiri ỹalliripi quená'maq mashic 'ue ana loua, qai'neeta na'deenaxanqachin quiyim quelola ca louaỹaxac, chaqai se iualaxainari', ma' ỹa'den quiyim aca 'aalo sqailligueme' ra'ñi, qalaxam dá'ogue da nachaalataxaguii chicqochigui da lqouagaxa ñi qota'a quiyim ỹaanema qamiri. Ca' chaqaida dajo 'ñii'tegue, qaiyi qaica ca ỹa'paxat ca nqouagaxainaxaguii.

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.

Apocalipsis 16:15

“Ajñii, ỹim ñovi' ma' sqaica ca qaỹahotaque, shintari' ca cuataxai. Chalego loyac ma'le quecá'maq nelootauec chaqai cá'maq netela'alo caua loho, qaiyi mesqai neetauec, ma' no'me' na qomyipi iuana ma'le ná'ogue na loshicmaxa.”