1 Pedro 4:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ma' ná'maq mashic ileu qai'neeta qaỹa'xatem da na'qaatec, qaiyi só'maq la'al ishit nca'leuec, 'nejem ñi qota'a nca'leetauec. 'Eno'm quiyim quenajo 'laua qaimit quet, qohinta'gue ná'ogue na liỹa qomyipi.

1 Pedro 4:6 Iomraidhean Croise

Mateo 24:9

Ca ma' ime, ca' qoỹaando qamiri ma'le quiyim qarouaxañitac, chaqai ná'ogue na qomyipi noquii'alo qamiri sovitapigui ma' viilec aỹim.

Romanos 8:2

Ma' da lquesaxanaxa so Espíritu ỹo'uet da nca'laxa chicqochigui quiyim qana'deetau'a so Cristo Jesús, ca ỹoso'oga ỹim queda lquesaxanaxa da nasauaxaset chaqai queda nelauaxa.

Gálatas 2:19

Ma' ỹim 'ec shi'gue yileu, qaiyi sqaỹim lelaatec ná'maq naqataxaquipi chicqo'ot so Moisés. Ma' chaqaiso só'maq naqataxaquipi só'maq ỹo'uet quiyim yileu, qaiyi dá'maq ñachaalataxac taỹot ñi qota'a.

Gálatas 5:25

Ma' dá'maq qanachaalataxac chicqo'ot so Espíritu, ca' qai'neeta saxanqac só'maq Espíritu quiyim qarashaxantac quecá'maq so'ueetaq.

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

1 Pedro 3:19

Ca quesó'maq se re'xogui nachaalataxac qai'neeta eec quepegue', ca' ra'qaataxana queda nca'laxa só'maq nqui'illipi qaicoñiretari'.

Apocalipsis 14:18

Ca' nenoxonec so liỹa nelaatec piguim le'ec chicqojlec ada ncopatoxonaxalate, hueeto'ot quiyim ilarac so norec. Ca' netenegue da loỹaxanaxac na' roỹaxana só'maq lo'qoota'a so lichaqsoxonaxat, 'naacsa': —'Ueenataxañita na richaqsoxonaxachi' ỹaxaraic, ca lapooñi' ana laxale ana 'uva mashic ỹiita hueetalec ana 'laua.