1 Pedro 4:2 - La'qaatqa ñi qota'olec Qota'olec & Qota'olec Novita Na Qomyipi

² qaiyi naua'que naua na'xata' hueetapigui lauel dá'maq ỹahotaque ñi qota'a, ca' totqai queeta'pegue' da lamaanaxanqachic na loshicmaxa.

1 Pedro 4:2 Iomraidhean Croise

Mateo 12:50

Ma' canchaqaica quiyim ỹo'uet dá'maq ỹahotaque ñi ita'a qota'olec neeta'gue da piguim, ca chaqaica cá'maq ỹaqaỹa ỹale, ỹaqaỹa 'aalo, chaqai ỹate'e.

Mateo 20:4

Ca 'naaco' quesaua'maxare: “Qamiri quiipegue' quet qai'neeta yi ỹanaxanqa', ca qataxañii. Ca' ỹim sepacqajanchigui ma'le aca laseuete da ro'ueenataxanaxaguii.” Ca' saua'maxare que'o'.

Mateo 21:31

Ca' quesaua dos ¿nega'ỹo' cá'maq ỹo'ueeto' cá'maq ỹahotaque so leta'a'? Ca saua'maxare 'neraco': —Só'maq 'auaxaic. Co'na'le, ca' so Jesús 'naaco': —Ỹaatqajam llic da shinac caqamiri, quiyim ná'maq icona'piguit ana nishiuete so nashi chaqai ana nedequenaxai 'au inoxona'a ma'le da lo'ueenataxanaxac ñi qota'olec caqamiri ma' ỹoiquentac ná'ogue najo.

Mateo 7:21

Mesqai ná'ogue na qomyipi quená'maq 'naac: “Qami' qara'gaxala'”, sqai ná'ogue inoxono ma'le queca ñaqai naata lo'ueenataxanaxac ñi qota'a queda piguim. Chaqaicaata cá'maq ỹo'uet dá'maq ỹahotaque ñi ita'a neeta'gue da piguim.

Marcos 3:35

Ma' cá'maq ỹo'uet cá'maq ỹahotaque ñi qota'olec quiyim qaỹo'uet, ca' chaqaica cá'maq ỹaqaỹa ỹale, chaqai ỹaqaỹa 'aalo, chaqai ỹate'e.

Marcos 7:21

Ma' añí'maq le'taxanata ca qom, ñí'maq chicqa'ña ná'maq se no'uen na'deenataxanaxac, chaqai quiyim nocachite'e' aca se loua, chaqai na dequenaxac, chaqai na nalauataxanaxac,

Juan 1:13

Qam na'maxare sqai 'nejem da ne'xaỹoqsoxoc na llaalqaipi na re'qoochigui qom. Ma' na'maxare ne'qaañi, qam 'nejem da no'ueenataxac ca chaqai qom, loqo'm ca chi lqo'itaxanqachic ca ỹale. Ta'ta'a quiyim ỹaatqajam llaalqaipi ñi qota'olec ma' huelec ñi'maxare.

Juan 7:17

No'm 'ue cá'maq huachi'chiguit quiyim ỹahotaque ỹo'uet dá'maq ỹahotaque ñi qota'olec, ca ỹa'deenta quenauá'maq ỹapaxaguinataxanaxaco quiyim chicqoro'ot ñi qota'olec, loqo'm chaqaỹim ỹapaxaguinataxanaxac.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

Romanos 14:7

Ma' qaica quet cá'maq chi nanoiquentac nca'leetauec coqomi', chaqai qaica quet cá'maq chi nanoiquentac ileu coqomi'.

Romanos 6:11

Ca qai'neete' qamiri 'ñiitari' 'ec qamiri leuaxaiqa quena nasauaxaset, qam da nachaalataxaguii ỹoiquentac nqai'ñii ñi qota'a, ma' na'yiitau'a so Cristo Jesús só'maq qara'gaxala'.

Romanos 6:2

¡'E', mesqaida! Ma' mashic 'eco' shi'gue qareleu quena nasauaxaset. Ca' ¿chi'negue queta' lotqai liỹa qolqatalec na'maxare?

Romanos 7:4

Ca' chaqaida 'neeta caqamiri ỹaqaỹarolqa ma' mashic na'yiitau'a na loshicmaxa so Cristo, ca 'ec mashic ileue' qamiri, qaiyi so'ogalo qamiri queso naqataxaquipi, ma' mashic ỹoqa'a so rouahi. Ca' nagui qamiri lalamaxarete' so Cristo, só'maq liỹa qanca'laxatec na'le quiñi qota'a. Dajo 'neeta, qaiyi da qanachaalataxac ỹaatqajam qaỹouen ma'le quiñi qota'a.

2 Corintios 5:15

So Cristo só'maq ileualec ná'ogue na qomyipi, qaiyi ná'maq nca'leetauec totqa taỹapegueu'a dá'maq chi nachaalataxac, ta'ta'a so'maxare, ma' ileualec chaqai liỹa nca'leuec nqohin.

Efesios 2:3

Chaqai qomi' qai'neeta shinqatari' quen quesaua 'auaxaqa ñaxari, qolqata'pegue' dá'maq chi qaramaanaxanqachic, so'ueetqatac dá'maq chi lqo'itaxanqachic na qaroshicmaxa chaqai quedá'maq chi qara'deenataxanaxac. Ca' quedajo, ca' ỹaatqajam 'chichiguiñi quet ca chalego lecaic qanouaxanaxaset quiñi qota'a, shinqata ná'ogue na liỹa qomyipi.

Efesios 4:17

Ma' ỹim ña'deetau'a so qara'gaxala', ca' 'ue da shinac chaqai saqatalo qamiri quiyim totqai 'ñiita dá'maq 'neetari' ná'maq saqa' ỹauanapega ñi qota'a, ma' na'maxare queeta'pegue' ná'maq qaica ca 'negue chi la'deenataxanaxac,

Efesios 5:17

Ca 'neeto' lotqai qaica ca ra'deenataxanaxaguii; ta'ta'a quiyim reuogoxoỹa'pegue' quiyim 'yiiñii cá'maq ỹahotaque so qara'gaxala'.

Efesios 6:6

Quiyim 'ueenataxañii, mese repaguitaque quiyim ỹa'ajanta'pe qamiri ca na'coori, qaiyi nqo'talo qamiri. Ta'ta'a quiyim 'ec qamiri lelaatqa so Cristo machiỹauec añi re'taxanatahi quiyim 'viichitac dá'maq ỹahotaque ñi qota'a.

Colosenses 1:9

Vichiguiño' qomi' quecá'maq na'xa'a na' novi' da qara'xaỹaxac, chaqa'ma' se neme ñqouagaxainqatalgoto qamiri, sashiilqatac ñi qota'a quiyim ỹa'deenaxanaxanque qamiri cá'maq ỹahotaque ñi'maxare, chaqai quiyim ỹaanema qamiri ná'ogue nanchaqaina na'deenaxanaxa quiyim 'yiiñichigui na se re'xogui chicqo'ot so Espíritu.

Colosenses 3:3

Ma' qamiri mashic relauaxauahi so Cristo, ca' nagui, ca dá'maq ỹaatqajam rca'laxahi queso'maxare nañoxoteso'ot ñi qota'a.

Colosenses 4:12

Ilatalo qamiri da liquinaxanaxac ñi Epafras. Ñi'maxare qai'neeta lelaatec so Jesucristo, chaqai qai'neeta chicqotouguilo qamiri na'le. Ñi'maxare ỹaatqajam se neme nqouagaxainteguelgoto quen qamiri, qaiyi qaica ca se no'uen ra'deenataxanaxaguii. Ta'ta'a quiyim ỹaatqajam nañaañita quiyim 'viichii cá'maq ỹahotaque ñi qota'a.

1 Tesalonicenses 5:18

Quená'ogue ná'maq taalgoto qamiri 'ỹaañitacot ca na'aachiguii ñi qota'a, ma' chaqaida dá'maq ỹahotaque ñi'maxare caqamiri, ma' mashic viilec so Cristo Jesús.

Hebreos 13:21

ca ñi'maxare ỹaatqajam naloqojonchiriñi qamiri, chaqai no'ueenaxat da no'ueenataxaguii quená'ogue, qaiyi 'viichii cá'maq ỹahotaque, chaqai quiyim ỹo'uet ñi'maxare coqomi' cá'ogue cá'maq ỹahotaque, chicqochigui nqai'en so Jesucristo. ¡Ca' se neme qaimaqachintac so Cristo! Ajá'a, ca' chaqaida 'neeta dajo.

Santiago 1:18

Nañaanoxorom da qarca'laxa chicqochigui nqai'en da na'qaatec ỹaatqajam llic, ma' ỹahotaque quiyim qomi' la'auaxanqa la' quená'ogue na lo'ueenatec. Ma' chaqaida dá'maq ỹahotaque.

1 Pedro 1:14

Ma' mashic qamiri ñaalqa 'xaỹaxanaxaraqa, 'xañiñi ná'maq 'viichitac quen quesom na' saqa' huañiỹa ñi qota'a.

1 Pedro 2:1

Ca' vichiguiño' 'maxaraic quiyim 'xañiñi ná'ogue na se no'uen, ná'ogue na na'maachic, chaqai sqai dos caua ra'deenataxanaxagohi, chaqai se pa'guiñitac ca riỹahi, chaqai sqai qamiri la'axaqa lo'o'.

1 Juan 2:17

Qam na 'laua tai'a quiyim imeho, chaqai ná'ogue ná'maq namaanaxanqachic se no'uen hueetalec ana'maxare. Qam cá'maq ỹo'uet dá'maq ỹahotaque ñi qota'a, ca se neme queeta da nachaalataxac.