1 Pedro 4:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qam no'm 'ue ca 'ue ca le'xoric quiyim queeta'pegue' so Cristo, ca' sqa taiguit quiyim nayiloxontac. Ta'ta'a quiyim quedajo, ca' paguec imaqachin ñi qota'a.

1 Pedro 4:16 Iomraidhean Croise

Isaías 50:7

Ñi qara'gaxala' ñí'maq yotauan: vichiguiño' se ñauate ná'maq ñi'naxaquipi; vichiguiño' ñaq sa'ñiichiguiñi 'ec aỹim aca qa' ladocai, ma' sa'den quiyim se qayayilqochit ma'le.

Isaías 54:4

Totaxan ro'chi'i', sqaica huapigui qavilli'; totqai qoyiga'a qami' chaqai qaica ca nayiloxoñisaque ma'le. Coua'ire'e da nayiloxonaxaqui' na' ñaqai qami' nogot, ca totqai o'lliinchite na' tot qaimaqachin da npa'ỹeshiqui',

Hechos 11:26

Ca 'óna ñaaxa nera'ñi, ỹalequesaugui so mashic ỹacoñiguit da na'qaatec, rapaxaguinataxanta'pe quena qom. Ca chicqochi'ño' yi Antioquía na' 'au qaỹa'ue da leenaxat ná'maq ỹacoñiguit da na'qaatec, qoỹanegue Cristo nalliripi.

Hechos 26:28

Ca' so Agripa 'naaco': —Saqa'leca cocho'qui', ca yishichi' quiyim shiguelec so Cristo.

Hechos 28:22

Vichiguiño' nagui sahoqotaque ña'xaỹaxanaxa cá'maq 'neeta ca ra'deenataxanaxaqui', ma' sa'deenaq chicqote'ogalo da npa'guenaxac ana dalaxai qoyiquetaugui.

Hechos 5:41

Qam ỹaatqajam 'xoic da netoonaxague' saua lelaatqa so Jesús co'na' que', chicqoterougui so nashillipi, ma' ñi qota'a ỹoviraqta'alo da ne'naxague' souesapigui da leenaxat so Jesús.

Filipenses 1:20

Ma' ỹim dá'maq sahotaque chaqai da ñaquitaxac quiyim qaica ca ñayiloxontaque. Ta'ta'a quiyim qaica yo'chiitaque quiyim sa'qaataxantac, quiyim shintari' nagui chaqai quecá'maq saata'gue, qaiyi paguec re'oq caỹim dá'maq lecaic so Cristo, quiyim ñaq yca'leetauec, loqo'm quiyim mashic yileu.

Filipenses 1:29

Ma' qoỹaanema qamiri da na'aachicyaxaguii ma' viilec so Cristo. Qam sqaidaata quiyim viilec so'maxare, ma' qai'neeta viriỹau'a da re'xoriguii, soviỹalec so'maxare.

2 Timoteo 1:12

Ca' chaqaida dá'maq 'em 'ue da i'xoric. Qam se ypocoqotac, ma' sa'deenta só'maq hueeto'ot da ñaquitaxac. Chaqai ỹaatqajam sa'deenta quiyim so'maxare 'ue da lquesaxanaxa quiyim netela'a aỹim quedá'maq pataxailec, ỹovireta'guit nqai'en cá'maq pa'aatec na'xa'a.

Santiago 2:7

¿Mesqaino' na'maxare ná'maq ishiuentac da lo'yaxanec leenaxat so Cristo dá'maq ỹaanema qamiri ñi qota'olec?

1 Pedro 2:12

Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.

1 Pedro 4:11

No'm 'ue ca retaqa, ca' caua la'qaatqa 'neete'm caua la'qaatqa ñi qota'a. Chaqai no'm 'ue ca qoỹaanem ca lo'ueenataxanaxac, ca ỹo'uet, qam ỹahote'e dá'maq lquesaxanaxa qoỹaanem quiñi qota'a. Chaqai quená'ogue ná'maq qaỹo'uet tai'a nqohin quiyim qaimaqachin ñi qota'a chicqochigui so Jesucristo. Ma' sqaica lqodoc da lauaq chaqai da lquesaxanaxa ñi qota'a. Ajá'a, chaqaida 'neeta dajo.

1 Pedro 4:14

Ca no'm 'ue ca nelaxalo qamiri sovitapigui so Cristo, ca' chalego la'maxa caqamiri, ma' ñí'maq chalego lauaq ne'Espíritu ñi qota'a hueetalgoto qamiri. Saua'maxare se no'uen da ỹa'xatesac queso Cristo, qam qamiri maqachiñitac so'maxare.

1 Pedro 4:19

Ca quená'maq 'ue da le'xoric quiyim ỹo'ueetetac dá'maq ỹahotaque ñi qota'a, ca' no'uen quiyim queetalec ỹo'ueetetac dá'maq ỹa'maqachiguiñi. Ca' ỹaañiguilo naua napoquena ñi qota'a da nachaalataxac, ma' chaqaiñi ñí'maq lo'ueenatec. Ca' ñi'maxare ipacqajanchigui ma'le da la'qaatec.