1 Pedro 4:11 - La'qaatqa ñi qota'olec Qota'olec & Qota'olec Novita Na Qomyipi

¹¹ No'm 'ue ca retaqa, ca' caua la'qaatqa 'neete'm caua la'qaatqa ñi qota'a. Chaqai no'm 'ue ca qoỹaanem ca lo'ueenataxanaxac, ca ỹo'uet, qam ỹahote'e dá'maq lquesaxanaxa qoỹaanem quiñi qota'a. Chaqai quená'ogue ná'maq qaỹo'uet tai'a nqohin quiyim qaimaqachin ñi qota'a chicqochigui so Jesucristo. Ma' sqaica lqodoc da lauaq chaqai da lquesaxanaxa ñi qota'a. Ajá'a, chaqaida 'neeta dajo.

1 Pedro 4:11 Iomraidhean Croise

Daniel 7:14

Ca' qoỹaanem da lquesaxanaxa, da lauaq chaqai da no'ueenataxanaxac quiyim nashi, ca' na ỹoreta'oguit qomyipi chaqai la'qaatec ro'ueenataxanot. Da lquesaxanaxa se neme, chaqaidaata 'neetari', chaqai qaica ỹosogui da lelaataxanaxac quiyim nashi.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Juan 13:31

Ca co'na' mashic inoxonec so Judas, ca 'naaco' so Jesús: —Nagui, ca' qaỹachaxan da lemaqachic na ỹale llaalec, chaqai da lemaqachic ñi qota'olec re'oq ma'le quena'maxare.

Hechos 7:38

Chaqaiso so Moisés so ỹalequetaugui so qomyipi na'le quiyi 'laua qaica qom, chaqai ỹalequetaho so chicqashiguim qota'a lelaatec na' retaqa caso qa' ladocai leenaxat Sinaí, chaqai saua 'auaxaqa qareta'al. Ca chaqaiso só'maq ỹacoñiguit da na'qaatec chicqaugui da nca'laxa, ca ỹoviraqta'ogalo qomi'.

Romanos 11:36

Ma' ná'ogue nanchaqaina chicqo'ot ñi qota'olec, chaqai chi lo'ueenatqaipi ñi'maxare, chaqai chi lalamaxareteripi. Ca vichiguiño' ¡se neme semaqachinqatac ñi qota'olec! Ajá'a, chaqaida 'neeta dajo.

Romanos 12:3

Ma' quedá'maq lqouagaxa ñi qota'a caỹim, ca yilarelec dajo ỹo'ueenataxanaxac, ca shinac dajo caqamiá'ogue quiyim qaica quet cá'maq ỹoiquentac quiyim napacqajan queca chi la'deenataxanaxac. Ta'ta'a quiyim quiñi 'óna ỹa'maxate'tegue ca la'deenataxanaxac quecá'maq laloqo' ca lpi'ỹaxac qoỹaanem quiñi qota'a.

Romanos 16:27

¡Ca' ñi qota'olec qaiñiita chaqai 'deenaxanqachaqaic, taatacot da nemaqajnataxanaxa sqaica lqodoc, chicqochigui nqohin so qara'gaxala' Jesucristo! Ajá'a, ca' chaqaida 'neeta dajo.

Romanos 3:2

'Xoic, chaqai 'xoic ná'maq leloxoỹaxaquipi quiyim na'maxare napacalec na liỹaripi. Ma' dá'maq 'avichiguiñi 'neetasa': Ñi qota'olec pataxalec na'le da la'qaatec na judioipi.

1 Corintios 10:31

Hua', no'm qui'ii, loqo'm ni'chii, loqo'm canchaqaica liỹa 'viichii, 'viichii ná'ogue, qam maqajñitac ñi qota'a.

1 Corintios 12:4

'Ue na ỹoreta'oguit no'ueenataxanaxac quiyim queca 'óna qom ishit icoñiguit, qam chaqaisoota só'maq Espíritu so chicqo'ot.

1 Corintios 3:10

Ca aỹim shintam ca nashi queca 'imec lo'ollipi, ma' ñi qota'a ỹamaxailec quiyim sa'auaxanñi so no'xonaxala' ca 'imec, ca' na liỹaripi no'xonshiguim so'maxare. Qalaxam quiñi 'óna ỹouen quiyim ra'ijlec ca leloxoỹaxac quiyim no'xonshiguim.

1 Corintios 6:20

ma' ñi qota'a lishiujnaxanqate' qamiri, qam chalego lecaic ca nishiuetenaxaguii. Ca' no'uen quiyim machii'ot quiyim pacqajñiỹauec ñi qota'a quena roshicmaxahi chaqai queda no'ueenataxaguii, ma' naua'que lalamaxarete' ñi qota'a.

2 Corintios 2:17

Qam qomi' mesqai 'ec semeenqata'pe naua la'qaatqa ñi qota'a, chaqai mesqai shinqata na liỹa ma' 'xoic na ỹashaxandec yaua na'qaatqa. Ta'ta'a quiyim qaraqamqata queda sa'xatqatac, ca ỹa'deente' qomi' ñi qota'a, ma' qomi' lelaatqa ñi'maxare quiyim so'ueenataxanqot so Cristo.

2 Corintios 9:13

Ca yaua'maxare imaqachine' ma'le ñi qota'a, ma' quedajo rotaanaxanaxaguii, ca re'oq quiyim na'xaỹaxañii'ta da na'qaatec ỹa'xat so Cristo. Chaqai qai'neete' yaua'maxare imaqachine' ma'le ñi qota'a queda rqouagaxahi quiyi'maxare chaqai quená'ogue.

Efesios 1:19

chaqai chalego lecaic chaqai sqaica ca lqodoc da lquesaxanaxa dá'maq ro'ueenataxantac coqomi' ma' seuaqlec ñi'maxare. Ca' dajo nquesaxanaxa chaqaidaata dá'maq ỹachaxantac ñi qota'a qaica nqai 'nejem nqai'en da lquesaxanaxa,

Efesios 4:29

Sqai 'xachii' naua se no'viiñi na'qaatqa, ta'ta'a quiyim no'ueenaxachii' naua ra'qaataxahi, qaiyi noquiicshiguim nqai'en chaqai ỹa'ue ca la'maxa cá'maq na'xaỹaxantapegalo qamiri.

Efesios 5:20

Se neme 'ỹaañitacot da na'aachicyaxaguii ñi qota'olec quená'ogue nanchaqaina, ma' quiitalec so qara'gaxala' Jesucristo.

Efesios 6:10

Ca' nagui qamiri ỹaqaỹa', na'ñaxachiỹo', ma' mashic na'yiitau'a so qara'gaxala' quiyim chicqochigui da rquesaxanaxahi dá'maq chalego lquesaxanaxa so'maxare.

Filipenses 1:11

Qaiyi so Jesucristo no'xataxachichigui ma'le da nachaalataxaguii quedá'maq 'maxaraic 'ueenataxac, qaiyi qaimaqachin dá'maq lecaic ñi qota'a.

Filipenses 2:11

chaqai qaiyi ná'ogue ỹa'deena'a chaqai 'naac quiyim so Jesucristo ỹaatqajam na'gaxala', quiyim qaimaqachin ñi qota'olec.

Colosenses 4:6

Daañiỹaque quiyim se neme qanqo'talo chaqai qaimaqachinta'pe naua ra'qaataxahi, chaqai quiyim 'yiiñii cá'maq ỹaatqajam 'maxaraic leloxoỹaxac quiyim taxaiỹa'pegue' ca liỹa.

1 Tesalonicenses 2:4

Ta'ta'a quiyim ñi qota'a ichoxote' quiyim ỹa'maxarente' qomi', ca' pataxalgoto qomi' quiyim sa'xataq da na'qaatec chicqaugui da nca'laxa. Ca' chaqaida dá'maq sa'xatqatac. Se sahoqotaque quiyim imaqachinta'pe qomi' na qomyipi. Ta'ta'a quiyim sahoqotaque quiyim imaqachinta'pe qomi' ñi qota'a, ma' ỹa'ajanta'pe naua qare'taxanata.

1 Timoteo 1:17

Ca vichiguiño' se neme quiyim semaqachinaq ñi qota'olec ñí'maq qarashi qaica lqodoc, ñí'maq tot ileu, chaqai se qaiuana, chaqai qaica 'nejem, chaqai 'deenaxanqachaqaic. Ajá'a, ca' chaqaida 'neeta dajo.

1 Timoteo 6:16

Ñi'maxare ñí'maq qaiñiita se ileu, chaqai hueetaugui na lauaq hueeta'ñi yí'maq qaica ca ishit nqo'neu'a. Qaica ca qom ishit iuana. Sapacqajanqauec ñi'maxare quiyim semaqachinaq quedá'maq lquesaxanaxa sqaica lqodoc. Ajá'a, ca' chaqaida 'neeta dajo.

Tito 2:1

Ca' quecá'maq 'xachi' ỹaatqajam nachiñi'chiguit dá'maq no'uen napaxaguinataxanaxac.

Tito 2:15

Ca' dajo dá'maq paxaguinataxañitegue. 'Ñaaqataxañisac chaqai se ro'chiralec quiyim lamqataxañi', qaiyi qaica ca napacalec qami'.

Hebreos 13:7

Se couahi'e ná'maq ra'gaxalaripi ná'maq shi'gue ỹa'xatema qamiri da la'qaatec ñi qota'a; 'yiiñitapega dá'maq chicqochigui da nachaalataxac chaqai denaxachiichigui dá'maq 'neeta da lpi'ỹaxac.

Hebreos 5:12

Ma' mashic shi'gom nagui nalootañi quiyim paxaguinataxañitaiquet, qam qaiyiita viñitaque quiyim liỹa qaichoxochichiguilo nauá'maq se qalachi lapaxaguinataxanaxaco ñi qota'a. Ca' pillichigui quiyim ra'lliite'm qamiri, ca' viñitaque quiyim qane'taxañiguilo qamiri caua lo'i', mesqai ca ỹaatqajam resalli na'ic.

Santiago 1:19

Vichiguiño' qamiri ñauochaxaua' ỹaqaỹa', quiñi 'óna caqamiri icona quiyim ỹaatqajam na'xaỹaxan, qam mese na'auashiguim retaqa, chaqai mesqai chaqa'ma' ro'o.

Santiago 1:26

No'm 'ue ca 'neetapigui lauel icoñiguit da na'qaatec, qam se ỹa'den nollaañi ñi lo'legaxanaxat, ca'maxare chi nayinteguelta', ca dá'maq 'neeta quiyim icoñiguit da na'qaatec qaica ca 'negue.

1 Pedro 2:12

Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.

1 Pedro 4:10

Chaqai quiñi 'óna ro'ueenataxana cá'maq qoỹaanem quiñi qota'a, ỹa'maxate'tegue da lo'ueenataxanaxac quecá'maq reloqo'tegue ca lqouagaxa ñi qota'a.

1 Pedro 4:16

Qam no'm 'ue ca 'ue ca le'xoric quiyim queeta'pegue' so Cristo, ca' sqa taiguit quiyim nayiloxontac. Ta'ta'a quiyim quedajo, ca' paguec imaqachin ñi qota'a.

1 Pedro 5:11

Ca' chaqai ñi'maxare ñí'maq lalamaxaret da lauaq chaqai da lquesaxanaxa se neme. Ajá'a, ca' chaqaida 'neeta dajo.