1 Pedro 4:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' vichiguiño' quedá'maq 'neeto' na'le da le'xoric so Cristo quena loshicmaxa, ca' qamiri qai'neeta na'maxachitañi quiyim 'ue ca re'xoriguii. Ma' cá'maq ỹovirau'a ca le'xoric quena loshicmaxa, ca ỹalat na nasauaxaset,

1 Pedro 4:1 Iomraidhean Croise

Isaías 1:16

¡Nquiỹohi, nco'taxachiỹalta'! ¡Loỹoochihe'oga na se no'uen caỹim! ¡Totaxan liỹa 'viichii na se ỹa'maxañi!

Ezequiel 16:41

Ca' qaicopata'a ma'le ca qauochi', ca' qaỹo'uet ma'le ca nouaxanaxashichi', qaỹa'ajnaxanaxantac ca 'xoic 'aallipi. Ca' lqodoc nqaishin da nedequenaxaqui', ca' totqai shivichiñi' ná'maq qami' lqo'itqate.

Marcos 3:3

Ca' so Jesús 'naapego' só'maq ỹale rashivita so lqai'laxat: —Ne'laxachirishiguim, ca' nachaachiriñi quena lavinñi.

Romanos 6:11

Ca qai'neete' qamiri 'ñiitari' 'ec qamiri leuaxaiqa quena nasauaxaset, qam da nachaalataxaguii ỹoiquentac nqai'ñii ñi qota'a, ma' na'yiitau'a so Cristo Jesús só'maq qara'gaxala'.

Romanos 6:2

¡'E', mesqaida! Ma' mashic 'eco' shi'gue qareleu quena nasauaxaset. Ca' ¿chi'negue queta' lotqai liỹa qolqatalec na'maxare?

Romanos 6:7

Ma' quecá'maq mashic ileu, ca qaỹoso'oga quena nasauaxaset.

Gálatas 2:20

Ma' ỹim 'eco' shi'gue yileu, iỹaatashiguim so Cristo na' qaipateno. Vichiguiño' ca mese ỹalamaxaret nagui dá'maq santañi ñachaalataxac, ca' chaqaiñi ñí'maq Cristo ñí'maq nachaatetaugui aỹim. Ca dá'maq ñachaalataxac nagui chicqochigui da ipi'ỹaxac queso llaalec ñi qota'a, ma' yi'xoren, ca nañaañiguit da lelauaxa caỹim.

Gálatas 5:24

Chaqai ná'maq mashic lalamaxaret so Cristo, shi'gue 'ec pateno na loshicmaxa queso npatenaxala', liỹaatashiguim ná'ogue ná'maq chi lqo'itaxanqachic chaqai ná'maq loiquipi.

Efesios 6:13

Ca vichiguiño' chaqa'ma' ñiiñi naua'que nauá'maq nquepaqataxanqate' quena roshicmaxahi ỹaanema qamiri ñi qota'a, qaiyi shichii nachaachiỹa'guit ca se no'uen ma' novi' quecajo na'xa'a. Ca ma' ime 'ñii'tegue dajo, ca na'ñaxachiñi.

Filipenses 2:5

Chaqai 'ñii'tegue dá'maq 'neeta'co' na'le da la'deenataxanaxac so Cristo Jesús.

Hebreos 12:3

Ca vichiguiño' ñaqai cocho'qui' 'yiiñiỹapega dá'maq 'neeto' na'le so Jesús na' na'ñaxachiiguit da neualaxainataxac queso qomyipi hualoxonyipi, qaiyi queeta da na'ñaaqataxaguii, se rolavitegueñi.

Hebreos 4:10

Ma' cá'maq inoxona'a ca nco'mataxac ñi qota'a, ca' nco'matec quena lo'ueenatqaipi, 'nejem ñi qota'a na' nco'matec quena chi lo'ueenatqaipi.

1 Pedro 2:21

Ma' chaqaida dá'maq 'em roỹaxanalo qamiri ñi qota'a, ma' so Cristo 'ue da le'xoric sauaxate' qamiri quiyim ỹachaxan da leloxoỹaxac, qaiyi quiijlec da llicyaxac so'maxare.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.