1 Pedro 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' chaqaida 'ñiitari' quiyim ne'xoriñiỹata', chaqai quiñi 'óna nqouaguegue ca liỹa. Chaqai ỹaatqajam qamiri 'xorenataxanaxaiqa quecanchaqaica qom, 'ñiita'gue ca rqaỹahi. Niñiiquishiñitecta', qaica ca napacqajan.

1 Pedro 3:8 Iomraidhean Croise

Salmos 103:13

Ñi qara'gaxala' ineequesenta ná'maq imaqachin ñi'maxare, 'ec ca neta'a quiyim ineequesen ca llaalec;

Mateo 18:33

Ca qami' qai'neeta 'xoriñi' quet so nauegaxaua'e', 'ñiitetegue quet aỹim ma' ỹim se'xoriñi' na'le.”

Lucas 10:33

Qam naco' so ỹale na'ñi yi Samaria, qai'neeta queeta'gue so nayic. Qam co'na' iuane'ta so ỹale, ca ỹaatqajam 'xoic da le'xorenataxanaxa.

Hechos 2:1

Co'na' noviro so na'xa'a leenaxat Pentecostés, ca sá'ogue só'maq huelec so Jesús lapoỹata' cá'ogue ca neeta'ñi.

Hechos 27:3

Ca queso liỹa nete'e, ca sovitaxa yi ñigaxasom leenaxat Sidón. Ca' hua'ñi, ca' so Julio huaguiguit so Pablo. Vichiguiño' qaỹasene'tem so Pablo quiyim quepegue' so leuanatqaipi chaqai quiyim qaiquelolliguit quesaua'maxare.

Hechos 28:7

Ca' quiyi seuqate'e sqoỹoqapigui saua la'aate' so nashi leenaxat Publio, só'maq idaaneguelec ada delec. Ca na' soviraxau'a yi la'a', ỹaatqajam quelolalo qomi' quesaua'que saua tres na'xata' senqata'anyi.

Hechos 4:32

Ca 'xoico' só'maq mashic ỹacoñiguit da na'qaatec, ca' qana'yiinchigui quiyim 'oonoqui' da na'deenataxanaxac. Qaica ca se ỹasen ca louenec, ma' na nouenqaipi ná'ogue qanouantagui.

Romanos 12:10

Ca' ỹaatqajam ne'xoriñiỹata', 'ñiitari' caua nalamaxarete' nqaỹa'. Qaica ca qaỹapacqajnauec, ca' quiñi 'óna ỹa'maxate'tegue ca liỹa.

Romanos 15:5

Ma' ñi qota'olec ñí'maq chicqo'ot da neualaxavic chaqai da la'maxa neuel, ỹotauane' qamiri quiyim necoñii'jta' 'oonoqui' ca ra'deenataxanaxaguii chicqo'tot so Cristo Jesús,

1 Corintios 1:10

Ỹaqaỹarolqa, ñi'xoresentouguilo qamiri, sahote'e da leenaxat so qara'gaxala' Jesucristo quiyim se neuagaxachiỹac, ta'ta'a quiyim na'yiiñiỹata', le'en quiyim neuagaxachiỹac. Ta'ta'a ne'xoriñiỹata', cá'ogue ca ra'deenataxanaxaguii quecá'maq 'ñiita.

1 Corintios 12:26

Ca no'm 'ue ca hua'ñi quena nouenqaipi ca qaiuet, ca ná'ogue na liỹaripi 'ue da le'xoric. Chaqai no'm 'ue ca pa'ỹa'gue quena nouenqaipi ỹaatqajam qaiquelola, ca' ná'ogue na liỹaripi netoon.

Efesios 4:2

Ca' qamiri neneequesenaxaqa, chaqai 'naxanaxaraqa, chaqai qamiri hualaqhuaqa, chaqai quiñi 'óna caqamiri i'xoren ca liỹa no'm 'ue canchaqaica.

Efesios 4:31

Ca 'xañiñi dá'ogue da roquiiaxahi queca riỹahi, ná'ogue na nonogoxonaxac, chaqai quiyim ỹaualqatalec ca liỹa, loqo'm rishiuenaxantac, chaqai quiyim queetapegueu'a ca liỹa, chaqai ná'ogue na se no'uen 'xañiñi.

Efesios 4:32

Ta'ta'a quiyim qamiri 'xorenataxanaxaiqa chaqai huagaxaraqa. Ca' quiñi 'óna i'xoren ca liỹa quiyim 'ue ca lasauaxaset, 'nejem dá'maq 'ne'tegue na'le ñi qota'a na' i'xorene' qamiri chicqochigui nqai'en so Cristo.

Filipenses 2:3

Chaqai mesqai 'ue ca naquichitaque quiyim 'ue ca 'viichii chaqai quiyim nemaqajñii. Ta'ta'a ca ne'xoresenaxaguii, chaqai quiñi 'óna paguec gueme nqai'en ca liỹa queca'maxare.

Filipenses 3:16

Qam dajo shintapega no'uen quiyim chaqaida qara'deenataxanaxac, chaqai ỹaatqajam nachiñi'chiguit da qanachaalataxac dá'maq mashic shi'gue sovirqau'a.

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

Hebreos 13:1

Quiñi 'óna sqai ỹaxanñi quiyim i'xoren ca liỹa 'neeta'gue ca ỹaatqajam lalamaxaret lqaỹa.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

Santiago 3:17

Qam quecá'maq hueeto'ot dá'maq na'deenaxanaxa chicqo'ot ñi qota'a, ỹaatqajam 'maxaraic da no'ueenataxac, chaqai hualaqhuaic, 'naxanaxaraic, chaqai 'xaỹaxanqachaqaic, 'xorenataxanaxai, chaqai ỹo'uet na ỹa'maqachiguiñi. Se nañoqotaxai chaqai qamaxaraic.

Santiago 5:11

Ma' qomi' sa'deenqata quiyim ỹaatqajam chalego la'maxa queca qom, ma' ca'laxatauec ca ne'guenaxac. Qamiri mashic 'xahitapega da 'neeto' da leualaxavic so Job, chaqai mashic 'yiiñii dá'maq 'ne'teco' ñi qara'gaxala' queso'maxare co'na' ca'laxatauec da ne'guenaxac, ma' ñi'maxare ỹaatqajam huagaxaraic chaqai 'xorenataxanaxai.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

1 Pedro 2:17

Qaica ca napaguiỹalec, 'maxachii'tegue ná'ogue na qomyipi. Chaqai 'xoriñii ná'maq mashic icoñiguit da na'qaatec. Ro'chiỹa ñi qota'a, chaqai se napaguiỹalec ca lashi na nashillipi.

1 Pedro 5:5

Ca' chaqai 'neete'm, qamiri ne'naqa, ỹaatqajam na'xaỹaxañii'ta meca 'naac na qo'xoiquipi. Chaqai quená'ogue na qom qaica ca napacqajan queca liỹa. Ta'ta'a quiyim neneequesentecta', ma' naua naneresañi na'qaatqa 'neracsa': Ñi qota'a quepaxat ca nemaqajnaxai, qam nqouaguegue ỹotauan ca neneequesenaxai.

2 Pedro 1:7

ca' queda nañaanaxaguii quiñi qota'a, ca' rqo'chiỹata' quiyim qamiri nqaỹa'; ca' queda nqo'iichi, da ne'xorenataxanaxa.

1 Juan 3:14

Ma' qomi' mashic ñapagaxalec da nelauaxa, ca' ñqo'naxa da nca'laxa. Ca' dajo sa'deenaq, ma' se'xorenaq na qarqaỹaripi. Ma' cá'maq se i'xoren ca lqaỹa, ca' ca'maxare ñaqai hueetaugui da nelauaxa.