1 Pedro 3:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ma' chaqaida dá'maq 'ne'teco' quen da na'maqataxac so 'auaxaic 'aallipi quiyim mashic nañaanot quiyim queetalec ñi qota'a. So'maxare pi'ỹa'a ñi qota'a, chaqai ỹaatqajam huelec so louaripi.

1 Pedro 3:5 Iomraidhean Croise

Proverbios 31:10

Aca no'uen 'aalo 'xoic lqalaic quiyim qaỹanata; ¡paguec lesega'a queca qa' lo'yaxanec 'ueetaxat!

Proverbios 31:30

Da la'maxa ca 'ueenataxac rayinaxan, da noyac imeuo, qam aca 'aalo acá'maq imaqachin ñi qara'gaxala' qota'olec, chaqaca ta'chiguit quiyim qaimaqachin.

Lucas 2:37

Qam nagui aso'maxare mashic ỹovite' ochenta y cuatro ñaxari quiyim pa'ỹe. Chaqai ỹaatqajam sqai ca'e aso no'ueenaxanaxaqui, ỹo'ueentac ñi qara'gaxala' quenaua na'xatari chaqai naua piri, ỹo'ueetetac da nqouagaxainaxac chaqai nqopaaqachitetac.

Hechos 1:14

Sá'ogue lapoỹato'o' quen, ca' nqouagaxain, ỹalequesaho saua lqaỹa' so Jesús, chaqai aso late'e María, chaqai so liỹa 'aallipi.

Hechos 9:36

Ca' quesaua na'xata' 'uo' aso mashic shi'gom ỹacoñiguit da na'qaatec na'ñi yi Jope, leenaxat Tabita. Dajo neenaxat quenaua griego la'qaatqa 'naac: Dorcas (dajo 'naac: qagreta neuec). Aso 'aalo co'na' ñaqa 'ue 'xoic da lotaanaxanaxac, ỹotauantac ná'maq 'ue na louenaxanaxa.

Efesios 5:33

Qam qai'neeta 'naac quiyim quiñi 'óna caqamiri 'maxaraic quiyim i'xoren aca loua, 'nejem dá'maq quiyim chi ne'xorenalta', chaqai acá'maq 'aalo se napacalec ca loua.

1 Timoteo 2:10

Chaqaidaata quiyim ỹo'uet ca ỹa'maqachiguiñi, qaiyi 'ec no'ueetaxat. Ma' chaqaida da 'neetari' aca 'aalo queetalec ñi qota'a.

1 Timoteo 2:15

Qam aca 'aalo nca'leuec no'm netela'a da lco'oxoc quiyim queetalec da lpi'ỹaxac chaqai da le'xorenataxanaxa, chaqai quiyim co'taxateta da nachaalataxac, chaqai netelalta'.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

1 Timoteo 5:5

Ca aná'maq ỹaatqajam 'chichiguiñi pa'ỹe, quiyim ma' nodaachiguiñi, ca illo'ot ñi qota'a da naquitaxac, chaqai sqai ỹaxanñi da nqouagaxainaxac quenaua'que naua na'xata' chaqai naua piri.

Hebreos 11:11

Chaqai aso Sara qai'neeta chicqochigui da lpi'ỹaxac, 'eno'm qo'xoỹom. Qam qaỹa'ue da lquesaxanaxa, qaiyi 'ue ca llaalec. Ca 'uo' na'le ca llaalec, ma' huelco' na'le ñi qota'a quiyim ipacqajanchigui cá'maq ỹachaxantac.

1 Pedro 1:3

Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,

1 Samuel 2:1

Ca' da nqouagaxainaxac aso Ana 'neetasa': Qami' ỹa'gaxala', somato'ot qami' añi i'taxanata queda ñitoonaxac, ma' qami' vite da dalaxaic ña'ñaaqataxac. Ca' ỹim nagui seshit setaxaỹa na ñpa'guenaxauaripi, ma' qami' yotauañi'. Ca' ¡ỹim nagui 'ue da iuagaxa!