1 Pedro 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ta'ta'a quiyim ỹanñi cá'maq chalego loyac 'ueetaxac quená'maq se re'xogui, viichigui nqai'en añi le'taxanata. Cá'maq no'uen 'ueenataxac 'ue da loyac chaqai da la'maxa, ma' chaqaida dá'maq ỹapacauec nqai'en ñi qota'a.

1 Pedro 3:4 Iomraidhean Croise

Salmos 45:13

¡Nagui, ca' nenoxono aná'maq nashi llaale ỹaatqajam lo'yaxana no'ueeteta! ¡Naua neloxoqui' 'vii naua lemaqatete' 'oro!

Salmos 51:6

Ỹaatqajam 'xoriñi' ca qom no'uen ca hueetagui añi le'taxanata, chaqai na iuel lli'ragui da na'deenaxanaxa.

Isaías 11:4

Ỹaqamaxateta da nimiitaxac na qaica ca yí chaqai qoshiilec na 'xoraiquipi quena 'laua quiyim ỹahotaque ca la'maxa. Naua la'qaatqa 'ec ca qo'paq nouaxanaxanaxat quiyim qaỹouaxan ca se ra'maqataxan, chaqai ỹahote'e na lacat quiyim ỹouaxan ca hualoxonaq.

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Mateo 11:29

Coñiguit ná'maq i'ỹaaquioxola' sanaguilo qamiri, nañaañi'chiguit aỹim quiyim sapaxaguiñii, ma' ỹaatqajam ỹim hualaxauaic chaqai neneequesenaxai añi i'taxanata, ca' nachiỹa ma'le ca nco'mataxac da nachaalataxaguii.

Mateo 21:5

'Ñiỹapega ma'le yi na'a' lodegaxat leenaxat Sión: “Ñaq ra'iiguit ná'maq rashii, naatau'a qamii, ne'xoresentam, neetalec so 'ashinoqui', llaalec ana 'ashina ni'ỹaac lomalate.”

Mateo 23:26

¡Qami' fariseo qai'laq: ma' 'au quet quiỹo'e' na pa'aauo cana 'taxaqui chaqai quena peguet, qaiyi co'teeta qai'neeta na pa'aauec!

Mateo 5:5

Ỹaatqajam chalego la'maxa ma'le quecá'maq ne'xoresenaxai le'taxanata, ma' ca'maxare icoñiguit ma'le cá'maq 'laua ỹachaxantac ñi qota'olec.

Lucas 11:40

¡Ỹaatqajam sqaico' ca ra'deenataxanaxaguii! ¿Qamiri sqa 'yiiñiỹo' peeta'a quiyim cá'maq ỹo'uet quena pa'aauec, qai'neeta ỹo'uet quena pa'aauo?

Lucas 16:15

Ca' so Jesús 'naapegalo': —Qamiri ma' nachaxañitac quiyim qamiri huagaxaraqa quena qom, qam ñi qota'olec ỹa'deene' naua re'taxanatahi. Ca' quecá'maq na qomyipi ỹaatqajam 'xoic lecaic nqai'en, ca' cajo ỹamaqa'gue ñi qota'olec.

Romanos 1:23

Ma' na'maxare ỹaxanñi quiyim nqouagaxainot ñí'maq sqaica lqodoc qota'a. Ta'ta'a quiyim nqouagaxainot na lqui'i ná'maq ishit ileu qomyipi, chaqai vire'ta na lqui'i na ỹoipi, chaqai na nanaiquipi, chaqai na iseripi.

Romanos 2:29

Ta'ta'a quiyim cá'maq ỹaatqajam judío le'ec, qam quená'maq pa'aauo; chaqai quiyim 'ue ca netanec, qam cañi le'taxanata. Qam sqa chicqaugui na naqataxac naneretañi, chicqaugui da se re'xogui 'ueenataxac. Cá'maq 'neetari' dajo, ca qaỹa'maxarenta; qam mesqai quena qomyipi, ta'ta'a quiñi qota'olec.

Romanos 6:6

Sa'deenaq quiyim dá'maq 'auaxaic qano'ueenataxac shi'gue qaipateno liỹaatashiguim nqohin so Cristo, qaiyi sogui dá'maq lquesaxanaxa da qano'ueenataxac ma' sauaqhuaic, ca' qaiyi tot ilareta'pe qomi' da nasauaxaset quiyim 'ec ca qana'co'.

Romanos 7:22

Ma' ñí'maq pa'aatauo caỹim ỹaatqajam nqo'ta da naqataxaquipi chicqo'ot ñi qota'a;

2 Corintios 10:1

Aỹim Pablo, ñi'xoresentouguilo qamiri, sahote'e da neneequesenaxac chaqai da lqouagaxa so Cristo. Qohinaco' quen quiyim aỹim neneequesenaxai quena' salequetauguilo qamiri, qam ỹaatqajam quesaxañi naua ỹa'qaatqa quena' qoỹoqo'ta aỹim.

2 Corintios 4:16

Vichiguiño' se ỹauanapega quiyim qareualtegueñi. Ma' 'eno'm na qaroshicmaxa noquiiqueta'ta' da lquesaxanaxa, qam na qara'al noquiiquetashiguim naua'que naua na'xata'.

Gálatas 5:23

se nemaqajnaxai, chaqai netelalta'. Ca' qaica quet cá'maq naqataxac ishit quepaxate' nauajo.

Efesios 4:2

Ca' qamiri neneequesenaxaqa, chaqai 'naxanaxaraqa, chaqai qamiri hualaqhuaqa, chaqai quiñi 'óna caqamiri i'xoren ca liỹa no'm 'ue canchaqaica.

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

Colosenses 3:3

Ma' qamiri mashic relauaxauahi so Cristo, ca' nagui, ca dá'maq ỹaatqajam rca'laxahi queso'maxare nañoxoteso'ot ñi qota'a.

1 Tesalonicenses 4:11

Nquipichiỹa'pegue' quiyim qaicanqaida caqamiri, quiñi 'óna quelolta'pegue' cá'maq chi lalamaxaret, chaqai ỹaconta'pegue' cá'maq chi lo'ueenatec. Ca 'eda dá'maq qaraqataxac na'le,

2 Tesalonicenses 3:12

Ca' ma' qomi' lelaatqa so qara'gaxala' Jesucristo, ca' selaraxalec cajo qom chaqai saqataxa quiyim ỹaatqajam ro'ueenataxan, qaica ca taỹapigui lauel, qaiyi nauec cá'maq louenec.

1 Timoteo 2:2

Sahotaque qai'neeta quiyim qanqouagaxainlec na nashillipi leta'allipi chaqai ná'ogue na lotauaripi, qaiyi qaica canchaqaica coqomi', qaiyi qara'maqachiguiñi, ma' ỹaatqajam ñañaanqot ñi qota'a, qaiyi quená'ogue na qana'ajnaxac qaỹa'maxarenta.

2 Timoteo 2:25

chaqai neneequesenta quiyim ralamqataxan quená'maq pa'guenaxantac, sha'apiguito' quiyim ñi qota'a netogochigui lauel nqai'en, ma' ỹahotaque quiyim ỹa'den dá'maq ỹaatqajam lliqueta,

Tito 3:2

Se ỹa'xat ca se no'uen quiyim queeteguelec ca liỹa. Qaidaata quiyim 'xoic ca leualaxavic chaqai qouagaxanqachaqaic, re'qoota nqai'en da neneequesenaxac quená'ogue na qomyipi.

Santiago 1:21

Vichiguiño' 'xañiỹac ná'ogue ná'maq ỹo'maqajnac ca qom, chaqai ná'ogue na se no'uen. Qaidaata quiyim ne'xorishiñita coñiguit da la'qaatec ñi qota'a, dá'maq mashic qoỹanlgoto naua re'taxanatahi. Ma' dajo na'qaatec 'ue da lquesaxanaxa quiyim nca'laxaterec qamiri.

1 Pedro 1:23

Ma' qamiri mashic dalaxaic ne'xaiñi, qam da ne'xaỹoqsoxoguii sqai chicqochiguilo caua re'qoochiguilo qata'allii, ma' ileue' caua'maxare. Ta'ta'a quiyim da ne'xaỹoqsoxoguii chicqochigui da la'qaatec ñi qota'a dá'maq nca'leesauec chaqai se imero.

1 Pedro 3:15

Ta'ta'a quiyim maqachiñii so Cristo quiyim la'gaxala' añi re'taxanatahi. Chaqai quiyim na'maxachitañi quiyim 'ue ca renachii quecá'maq 'maxaraic llicyaxac dá'maq naquitaxaguii, qam niñiiquishiñita chaqai se napacqajñii.

1 Samuel 16:7

Qam ñi qara'gaxala' 'naaco' queso'maxare: —Mese ra'irigui cá'maq qom chaqai cá'maq ladoqueta, ma' ỹim se secoñiguit. Ma' sqaida dá'maq ra'iitagui ca qom. Ma' na qom ra'iitagui da chi no'ueenataxac ca qom, qam ỹim ya'iitagui añi le'taxanata.