1 Pedro 3:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Chaqai noỹootec quená'ogue na se no'uen. Ta'ta'a quiyim ỹo'uet na ỹa'maqachiguiñi, ca' idaanaque ca la'maxa, ca chaqaica queetalec.

1 Pedro 3:11 Iomraidhean Croise

Job 1:1

Quiyi 'laua leenaxat Uz 'uo' so ỹale leenaxat Job. So'maxare ỹaatqajam qaica ca se ỹa'maxañi queda no'ueenataxac, chaqai 'maxataxaraic, chaqai ỹaatqajam quejlec ñi qota'olec, chaqai netelañi quiyim ỹo'uet ca se ỹa'maxañi queca liỹa.

Job 2:3

Co'na'le, ca' ñi qara'gaxala' 'naaco' queso'maxare: —¿Mashic huañita ñi ilaatec leenaxat Job? Qaica ca 'nejem ñi'maxare quena 'laua, ỹaatqajam qamaxaraic ñi'maxare caỹim, chaqai da nachaalataxac ỹaatqajam 'maxaraic, chaqai qaca aca lete, netelañi quiyim ỹo'uet ca se no'uen queca liỹa. 'Eno'm shiilaxañitegue caỹim quiyim 'viichi' ca se no'uen quiñi'maxare, qaica quet cá'maq ỹasauaxat, qam ñi'maxare se neme quiyim queetalec aỹim, sqai ỹaxanec dá'maq no'uen chaalataxac.

Mateo 5:45

Qaiyi ỹaatqajam qamiri llaalqa ñi qota'a ñí'maq viilec neeta'gue da piguim. Ma' ñi'maxare coỹarelec nqai'en añi lo'ueenata ra'aasa ná'maq hualoxonyipi chaqai ná'maq huagaxaraiquipi, chaqai nela' na ỹaxat taalec nqai'en ná'maq no'uen chaqai ná'maq se no'uen da no'ueenataxac.

Mateo 5:9

Ỹaatqajam chalego la'maxa quecá'maq nquipiteta'pegue' quiyim 'ue ca neuagaxa, ma' ñi qota'olec ỹamata'gue ma'le ỹaatqajam lalamaxaret llaalec.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Marcos 14:7

Na 'xoraiquipi chaqai 'neetari' ỹalequetauguilo qamiri, ca qamiri shichii rqouaguigue quecá'maq na'xa'a quiyim taachigui qavillii. Qam aỹim sqai shintari' quiyim salequetauguilo qamiri.

Lucas 1:79

qaiyi coỹarelec cá'maq hueetaugui na napalaxa chaqai ca hueeto'ot ca la'al da nelauaxa, chaqai quiyim ỹachaxanalo qomi' ca llicyaxac ca neuagaxa.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Lucas 6:9

Ca' so Jesús 'naapego' so liỹaripi, 'naaco': —Ỹim senate' qamiri nagui: ¿Negue' cá'maq qaỹa'maxarenta qaỹo'uet quiyi na'xa'a co'mataxaqui, peeta'a cá'maq lo'yaxanec, loqo'm ca se no'uen? ¿qanca'laxatec, loqo'm qanaqat ca nachaalataxac?

Juan 17:15

Se sashiilaxanta'que quiyim naqachi' quena 'laua, ta'ta'a quiyim quepaqataxañirelgoto queso na'ỹaapec.

Romanos 12:18

Ca' ỹaatqajam na'ñaxachii quiyim 'viichii ná'ogue ná'maq 'neeta'pegue na qomyipi, qaiyi qaica canchaqaica caqamiá'ogue.

Romanos 14:17

Ma' dá'maq lo'ueenataxanaxac ñi qota'a ma' ỹoiquentac ná'ogue najo, da'maxare sqai chicqochigui cá'maq re'qoochigui na'ic, loqo'm cá'maq qani'chigui; qaidaata dá'maq no'uen chaalataxac, na'maxa, chaqai da toonaxac coqomi' chicqo'ot so Espíritu Santo.

Romanos 14:19

Ca' chaqaida qolqatalec, sedaanqatapigui nauá'maq noviraqte' ma'le ca qara'maxa, quiyim ñotaanqata'ta', qaiyi nqo'neetashiguim ca llaqtaxac da qarpi'ỹaxac.

Romanos 5:1

Ca' chaqaida 'neeta quiyim ma' ỹa'maxarente' qomi' ñi qota'olec ma' 'ue da qarpi'ỹaxac. Ca huaqui'chiguita qomi' ñi'maxare, chicqochigui nqai'en so qara'gaxala' Jesucristo.

Romanos 7:19

Ma' se so'uet cá'maq no'uen, cá'maq sahotaque quiyim so'uet, ta'ta'a quiyim shiquetalec so'ueetetac da se no'uen dá'maq se yqo'ta.

Romanos 7:21

Ca' chaqaida dá'maq 'neeta caỹim: ma' quena' sahotaque quiyim so'uet cá'maq ỹa'maqachiguiñi, ca 'eco' seuana da lquesaxanaxa yi se no'uen hueetagui aỹim.

Romanos 8:6

Chaqai quiyim qaỹa'deentapega dá'maq chaqai qom no'ueenataxac, ca' taata'a yi nelauaxa. Qam quiyim qaỹa'deentapega da lo'ueenataxanaxac so Espíritu, ca' qaỹauequeta'a da nca'laxa chaqai da na'maxa.

Gálatas 5:22

Qam da llaqtaxac so Espíritu Santo queca qom 'neetasa': ne'xorenataxanaxa, toonaxac, na'maxa, neualaxavic, nauotaxanqachic, neuagaxaric, chaqai naqamaxa,

Gálatas 6:10

Vichiguiño' quiyim 'ue ca seshitaq so'ueetaq, ca 'ue ca so'ueetaq ỹa'maqachiguiñi quená'ogue na qomyipi, qam paguec quená'maq chi qarpi'ỹaxauaripi.

Colosenses 3:15

Ca' da na'maxa chicqo'ot ñi qota'a ỹoiquenta'pe nqai'ñii naua re'taxanatahi, ma' chaqaida dá'maq ỹahotaque ñi'maxare na' roỹaxanalo qamiri quiyim lliguiỹau'a so 'oonoqui' noshicmaxa. Ca' necoñitaque da na'aachicyaxaguii.

1 Timoteo 6:18

'Ñirapega na'maxare quiyim ỹo'uet cá'maq no'uen, qaiyi 'ec lesallaxa da'maxare quiyim ỹo'uet cá'maq ỹa'maqachiguiñi. Chaqai qaica ca huapigui lauel, ta'ta'a quiyim 'ue ca ỹaan lotaanaxanaxat.

Hebreos 12:14

Nquipichiỹa'pegue' daañiỹaque quiyim huaguii'chiguit ná'ogue na qomyipi, ỹaatqajam co'teeta nqai'ñii da nachaalataxaguii. Ma' no'm sqaica da lco'taxa da chaalataxac, ca' qaica ca iuana ñi qara'gaxala'.

Hebreos 13:16

Chaqai se couahi'e quiyim 'viichitac cá'maq ỹa'maqachiguiñi, chaqai quiyim nouañii'te' cá'maq riỹahi quecá'maq 'ue caqamii, ma' dajo nachitaxanataxanaxac chaqaida dá'maq ỹa'maxarenta ñi qota'a.

Santiago 4:17

Ma' ca qom ỹa'den ỹo'uet ca ỹa'maqachiguiñi, qam se ỹo'uet, ca' 'ue ca lasauaxaset.

1 Pedro 3:12

Ma' ñi qara'gaxala' ỹaatqajam cochiỹa ná'maq ỹo'ueetetac ca ỹa'maqachiguiñi, chaqai na'xaỹaxane'ta da nqouagaxainaxac, qam se iuojon ná'maq ỹo'ueetetac na se no'uen.

3 Juan 1:11

Qami' ñauochaxaua ỹaqaỹa, 'neeto' lotqai quire'uegue da se no'uen 'ueenataxac. Ta'ta'a dá'maq ỹaatqajam no'uen. Cá'maq ỹo'uet ca ỹa'maqachiguiñi, ca'maxare lalamaxaret ñi qota'a, qam cá'maq ỹo'uet ca se no'uen, ca' se iuana ñi qota'a.