1 Pedro 3:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ma' naua naneresañi na'qaatqa 'neracsa': Cá'maq nqo'ta da nachaalataxac chaqai quiyim queetauguilo da loyaague' naua na'xata', ca' no'uen quiyim netela'a ñi lo'legaxanaxat, ca' se ỹa'xat ca se no'uen, chaqai sqai nahougui nqai'en ñi lap ca na'maachic.

1 Pedro 3:10 Iomraidhean Croise

Job 2:4

Qam so na'ỹaapec 'naaco' quiñi qara'gaxala': —No'm ca 'óna saqa' qaiqueuocau'a na loshicmaxa, ca' ỹaqamqata quená'ogue. Ca qom qaica ca itena'a quená'ogue, ma' ỹahotaque nca'laxatec da chi nachaalataxac.

Salmos 27:13

Qam ỹim ỹaatqajam sa'deenta quiyim seuana ma'le ca lqouagaxa ñi qara'gaxala' quedá'ogue da ñachaalataxac.

Eclesiastés 2:3

Ca quedá'maq ỹa'deenataxanaxac quiichigui nqaishin da na'deenaxanaxa, sahotaque se'guen da lo'ueenataxanaxac na lataxa. Ca' lotqai yimelec ñi'et, ma' sahotaque sa'den quiyim chaqaido' dá'maq paguec la'maxa queca qom quenaua na'xatarolqai' quiyim ñaq ỹouootegueri' quena 'laua.

Mateo 19:17

Ca' so Jesús 'naaco': —¿Chi'negue ma' machirahic huagaxaraic? Qaica quet cá'maq liỹa, 'oonoqui' ñí'maq huagaxaraic, ca ñi'maxare chaqaiñi ñi qota'olec. Qam no'm vi'saque vichirau'a da nca'laxa, ca' ỹaatqajam na'xaỹaxañitalo naua lelaataxanaxaco ñi'maxare.

Marcos 8:35

Ma' cá'maq ỹahotaque quiyim nca'laxatec da chi nachaalataxac, ca na'laxatañi; qam cá'maq na'laxatañi da nachaalataxac, soualec aỹim chaqai soualec da na'qaatec, ca nca'leuec ma'le ca'maxare.

Juan 1:47

Ca co'na' so Jesús iuañi'chiguit so Natanael tot qoỹoxoguit, ca 'naaco': —'Ena ná'maq ỹaatqajam llic llaalec so Israel, na'maxare sqai 'maatqaic.

Juan 12:25

Cá'maq ỹauotegue da chi nachaalataxac, ca na'laxatañi ma'le; qam cá'maq ỹamaqa'gue da chi nachaalataxac quena 'laua, ca 'ue ma'le da nachaalataxac qaica ca lqodoc.

Santiago 1:26

No'm 'ue ca 'neetapigui lauel icoñiguit da na'qaatec, qam se ỹa'den nollaañi ñi lo'legaxanaxat, ca'maxare chi nayinteguelta', ca dá'maq 'neeta quiyim icoñiguit da na'qaatec qaica ca 'negue.

1 Pedro 2:1

Ca' vichiguiño' 'maxaraic quiyim 'xañiñi ná'ogue na se no'uen, ná'ogue na na'maachic, chaqai sqai dos caua ra'deenataxanaxagohi, chaqai se pa'guiñitac ca riỹahi, chaqai sqai qamiri la'axaqa lo'o'.

1 Pedro 2:22

Ma' so'maxare qaica ca lasauaxaset, chaqai se ỹauanapega 'ue ca ỹayin.

Apocalipsis 14:5

Chaqai so'maxare se iuanapega quiyim ncona'uegue quet ca na'maachic. Ca so'maxare sqaca aca lete, reloqotau'a yi nqa'xanqa' ñi qota'a.