1 Pedro 3:1 - La'qaatqa ñi qota'olec Qota'olec & Qota'olec Novita Na Qomyipi

¹ Qamiri 'aallipi qai'neeta, caná'maq mashic 'ue na loua, ỹaatqajam 'maxachii'teguelo naua rouari, qaiyi no'm 'ue ca sqai huelec da na'qaatec ishit quiyim huelec quedá'maq chi ra'maqataxanaxaguii, se ipaquetaque quiyim 'ue ca qaỹa'xat,

1 Pedro 3:1 Iomraidhean Croise

Génesis 3:16

Chaqai 'naaco' caso 'aalo: —Ñoquiigaxatec nagui da re'xoriqui' ma' ỹovita quiyim 'ue ca qachaalqui', chaqai ỹaatqajam 'xoic da nqui'ic ma' co'i'. Qam qami' pacqajñirauec da roua'e' chaqai da'maxare ỹoiquentac aqami'.

Mateo 18:15

No'm ca rqaỹa'e' 'ue ca se ỹa'maxañi 'ne'tegue caqami', ca' taqaira'pegue', roda'ichichiguit, ca' 'deenaxanaxañitegue cá'maq ỹo'maqajantac. Ca no'm na'xaỹaxana qami', ca' raviguiqui' ca rqaỹa'e' quiyim rapil.

Romanos 10:16

Qam mesqai ná'ogue na'xaỹaxana da na'qaatec chicqaugui da nca'laxa. Ca' ipaquichigui nqai'en na'le so Isaías co'na' 'naac: “Qami' ỹa'gaxala', ¿nega'ỹo' cá'maq na'xaỹaxana ma'le da qara'qaatec?”

Romanos 6:17

Qam 'ue da qana'aachic quiñi qota'a caqamiri, ma' quesom qamiri loiquenatqa na se no'uen, qam nagui ỹaatqajam na'xaỹaxañii'ta dá'maq leloxoỹaxac da napaxaguinataxanaxac mashic qoỹaanema qamiri.

Romanos 7:2

Ca' saloqojnaxana aca 'aalo quiyim mashic 'on. Ca' na naqataxaquipi ncoñira'guit nqai'en ca loua, no'm ñaq nca'leetauec ca'maxare. Qam no'm mashic ileu ca loua, ca' aca 'aalo qaỹosouec queso naqataxaquipi coñireta'guit nqai'en ca'maxare.

1 Corintios 11:3

Ma' sahotaque 'yiiñita quiyim so Cristo chaqaiso so lqahic na ỹale, chaqai ca ỹale chaqaica ca lqahic aca loua, ca' ñi qota'a chaqaiñi ñi lqahic so Cristo.

1 Corintios 14:34

Na 'aallipi se ishit retaqa quena' ỹalequetaho quena lapoxoc ná'maq mashic icoñiguit da na'qaatec, ma' se qaỹa'maxaren. Ta'ta'a quiyim na'xaỹaxanta, ma' 'nerac dajo yaua naneresañi laqataxaco ñi qota'a.

1 Corintios 7:16

Ma' qami' 'aalo, ¿sqa 'yiiñi'o' quiyim chicqochigui qami' quiyim sqoue nca'laxachirec ca roua'e'? Loqo'm qami' ỹale, ¿sqa 'yiiñi'o' quiyim chicqochigui qami' quiyim sqoue nca'laxachirec aca roua'e'?

Efesios 5:33

Qam qai'neeta 'naac quiyim quiñi 'óna caqamiri 'maxaraic quiyim i'xoren aca loua, 'nejem dá'maq quiyim chi ne'xorenalta', chaqai acá'maq 'aalo se napacalec ca loua.

Colosenses 3:18

Qamiri 'aallipi ma' mashic o'ñii, ca ỹaatqajam na'xaỹaxañii'ta ca rouahi, ma' chaqaida dajo dá'maq no'ueenataxac cá'maq mashic huelec so qara'gaxala'.

Colosenses 4:5

Ỹaatqajam na'deenaxanqachiñii quena' taxaiỹa'pegue' ná'maq saqa' icoñiguit da na'qaatec. Nquipichita'pegueto nauá'maq no'viiñi na'xata' quiyim 'ue ca redaaqari.

2 Tesalonicenses 1:8

Ma' novi' so'maxare, ca' ỹa'ue ca nouaxanaxaset ná'maq se ỹa'deenapega ñi qota'a chaqai se na'xaỹaxana da na'qaataxac so qara'gaxala' Jesucristo.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.

Hebreos 5:9

Ma' so'maxare ỹaatqajam qanaloqojonchiguiñi da no'ueenataxac, ca ỹovirau'a quiyim chicqochigui nqohin dá'maq nca'laxa sqaica lqodoc quená'ogue ná'maq huelec so'maxare.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

1 Pedro 3:2

quiyim iuana dá'maq ra'maqataxanaxaguii quiyim viilec ñi qota'a.

1 Pedro 3:7

Chaqai qamiri ỹalliripi quená'maq mashic 'ue ana loua, qai'neeta na'deenaxanqachin quiyim quelola ca louaỹaxac, chaqai se iualaxainari', ma' ỹa'den quiyim aca 'aalo sqailligueme' ra'ñi, qalaxam dá'ogue da nachaalataxaguii chicqochigui da lqouagaxa ñi qota'a quiyim ỹaanema qamiri. Ca' chaqaida dajo 'ñii'tegue, qaiyi qaica ca ỹa'paxat ca nqouagaxainaxaguii.

1 Pedro 4:17

Ma' mashic ỹovita yi laloqo' quiyim qaimit na lalamaxareteripi llaalqaipi ñi qota'a. Chaqai no'm dá'maq nimiitaxanaxac ỹovirouguilo qomi', ¿negue' cá'maq 'neeto' ma'le ca lqodoc ná'maq se na'xaỹaxana da la'qaatec ñi qota'a?