1 Pedro 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.

1 Pedro 2:9 Iomraidhean Croise

Salmos 118:27

Ñi qara'gaxala', ñi'maxare qota'olec, ¡ñí'maq coỹaretalgoto qomi'! Taañi nqai'ñii ca nemaqachic, 'xachii ana qo'paq lasote, viraxachiỹau'alo naua 'ec lasote ada ncopatoxonaxalate.

Salmos 22:30

Na ỹaxataxahipi nqouagaxaintacot ma'le ñi qara'gaxala', chaqai ỹa'xatetac ma'le ñi'maxare quedá'ogue da nachaalataxac;

Salmos 33:12

Ỹaatqajam chalego la'maxa ca qom quiyim chaqaiñi ñi qota'olec ñi la'gaxala', cá'maq lca'acseripi ñi'maxare quiyim lalamaxareteripi.

Salmos 73:15

Quetqai ca ỹa'deenataxanaxac 'nejem ca la'deenataxanaxac na'maxare, ca shi'gue quet 'ue ca shine'tegue na qachaalaxai'ipi.

Isaías 41:8

Ñaq na'xaỹaxañi', qami' lalamaxaret so Jacob só'maq na'aamatec da Israel, qami' ilaatec, ỹaatqajam qami' ica'acsec, qamiri llaalqaipi so ñauochaxaua Abraham:

Isaías 61:6

Chaqai qaỹamata'guelo qamiri ma'le netaxaỹaxanqajanqa quiyim qaretaxaỹa'pegue' ñi qara'gaxala', lelaatqa ñi qota'olec coqomi'. Ca coñiguit ma'le da lesallaxa na liỹa ỹoqa'a qomyipi, ca' no'viichiigui ná'maq no'uen looỹac na'maxare.

Isaías 62:12

Ca' na llaalqaipi so Israel qaỹamata'gue: Ná'maq co'teeta nalamaxaret, Ná'maq qaỹosouec quiñi qara'gaxala', chaqai na Jerusalén qaỹamata'gue Na'a' nqo'itaxat, Na'a' se ỹauanapega qaỹalat.

Isaías 9:2

So qomyipi queetapougui na'le na napalaxa iuana so chalego lecaic lauaq; so chalego lauaq taalec só'maq queetapougui na napalaxa.

Mateo 4:16

Ná'maq qomyipi hueetapougui na napalaxa, iuana aso chalego lecaic 'eco' ncoỹeraxanaxaqui. Chaqai ná'maq hueeto'ot na la'al da nelauaxa, ca' qaicoỹarelec caso 'ec ncoỹeraxanaxaqui.

Mateo 5:16

Ca' chaqaida 'neeta nqai'ñii da no'ueenataxaguii, ỹaatqajam ỹaviquetauguilo nqai'ñii' naua rcoỹeraxanaxaquillii, qaiyi coỹarelec na qomyipi, qaiyi na'maxare iuana ma'le dá'maq 'viichitac ỹa'maqachiguiñi, qaiyi na'maxare imaqachin ma'le ñi qota'olec ñí'maq viilec neeto'ot na piguim.

Lucas 1:79

qaiyi coỹarelec cá'maq hueetaugui na napalaxa chaqai ca hueeto'ot ca la'al da nelauaxa, chaqai quiyim ỹachaxanalo qomi' ca llicyaxac ca neuagaxa.

Juan 17:19

Naua'maxare sauaxate' quiyim ñañaanot aqami', qaiyi naua'maxare qai'neete' nañaantot aqami', quiichigui nqai'ne' da lliqueta.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Hechos 26:28

Ca' so Agripa 'naaco': —Saqa'leca cocho'qui', ca yishichi' quiyim shiguelec so Cristo.

Romanos 9:24

Ma' ñi qota'olec na' roỹaxanalo qomi', ca' 'ue na ỹachigoxotaugui na judioipi chaqai na liỹaripi ỹachigoxotaugui na mesqai judioipi.

1 Corintios 3:17

No'm 'ue ca ỹosogui ca lauo' ñi qota'a, ca' ñi'maxare ỹosogoñi cajo qom. Ma' ca lauo' ñi qota'a ỹaatqajam lalamaxat, ca' cajo 'imec chaqainaua nauá'maq qamiri.

Efesios 1:14

So Espíritu Santo só'maq i'taxajñi quiyim seconaxaguit ma'le cá'maq ỹachaxantac ñi qota'a quiyim ỹaanema qomi' ma' ỹomat ñi'maxare quiyim ỹosouec ná'ogue ná'maq lalamaxareteripi, qaiyi qaimaqachintac ñi'maxare queda lecaic.

Efesios 1:6

Ca' vichiguiño' se neme quiyim semaqachinqatac ñi qota'olec quedá'maq chalego lecaic lqouagaxa coqomi', ma' ña'daqatau'a só'maq lqo'itaxat llaalec.

Efesios 3:21

Ca' vichiguiño' ná'maq mashic icoñiguit da na'qaatec imaqachintac ñi qota'a, ma' na'deetau'a so Cristo Jesús. Ca' ¡chaqaida 'neetari' nqohin qaica lqodoc! Ajá'a, ca' chaqaida 'neeta dajo.

Deuteronomio 7:6

Ma' qamiri ỹaatqajam qaỹoỹooterec, qaiyi ỹaatqajam qamiri lalamaxarete' ñi qara'gaxala' qota'olec caqamiri. Ñi qara'gaxala' qamiri lca'acse' quená'ogue na qomyipi hueetalec na 'laua, qaiyi ỹaatqajam qamiri lalamaxarete' ñi'maxare.

Filipenses 3:14

qaiyi sovirau'a cá'maq naloqojnec chaqai quiyim ỹaueguec cá'maq ỹachaxantac ñi qota'a quiyim roỹaxanta'lo qomi' queda piguim quiyim seconaxaguit, ma' ña'daqatau'a so Cristo Jesús.

Colosenses 1:13

Ñi qota'a naqata'alo qomi' na'le queso napalaxa qaratoiquentac, ca inoxonaqta'alo qomi' da lo'ueenataxanaxac so lqo'itaxat llaalec,

2 Timoteo 1:9

Ñi'maxare nca'laxaterec qomi' chaqai roỹaxanalo qomi' quiyim saanqot da qanachaalataxac. Qam mesqaida quiyim 'ue ca lo'yaxanec qaro'ueenataxanaxac, qam dajo chaqai 'ne'teguelo qomi' ñi'maxare, ma' ỹauoteguelo qomi', ma' mashic ña'daqatau'a so qara'gaxala' Cristo Jesús. Shi'co' qare'xoren ñi qota'a na' saqa'leca na 'laua.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

1 Pedro 1:2

quená'maq ñi qota'olec lca'acse', nachiñi'chiguit nqai'en dá'maq shi'co' ỹahotaque na' saqa'leca na 'laua. Chicqochigui nqai'en so ne'Espíritu quiyim ỹoỹoote'ogalo qamiri, qaiyi na'xaỹaxañiỹa, chaqai qaiyi co'taxate' qamiri, ỹahota'ahi saua leuo' so Jesucristo. Ca' coñiguit dá'maq chalego lecaic nqouagaxahi chaqai da ra'maxahi.

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.

1 Pedro 4:11

No'm 'ue ca retaqa, ca' caua la'qaatqa 'neete'm caua la'qaatqa ñi qota'a. Chaqai no'm 'ue ca qoỹaanem ca lo'ueenataxanaxac, ca ỹo'uet, qam ỹahote'e dá'maq lquesaxanaxa qoỹaanem quiñi qota'a. Chaqai quená'ogue ná'maq qaỹo'uet tai'a nqohin quiyim qaimaqachin ñi qota'a chicqochigui so Jesucristo. Ma' sqaica lqodoc da lauaq chaqai da lquesaxanaxa ñi qota'a. Ajá'a, chaqaida 'neeta dajo.

Apocalipsis 1:6

chaqai ỹo'uet quiyim qomi' nashil chaqai quiyim qomi' letaxaỹaxanqajanqa quena qomyipi quiyim so'ueenataxanqot ñi leta'a qota'olec. Ca' da lauaq chaqai da lquesaxanaxa sqaica lqodoc chaqai'en lalamaxarete' so qara'gaxala'. Ajá'a, chaqaida 'neeta dajo.

Apocalipsis 20:6

¡Chalego la'maxa quená'maq nouanau'a ma'le só'maq 'auaxaic nca'laqataxanaxac, chaqai lalamaxareteripi ñi qota'a! Ca tot qaỹovira'a quesó'maq co'uaataxanaxaic nelauaxa, ta'ta'a quiyim netaxaỹaxanqajanqaipi quena lalamqateripi ñi qota'a chaqai so Cristo. Ca' quiyi, ca' lotaua so'maxare quiyim nashillipi quecaua mil ñaxari.

Apocalipsis 5:10

Ca 'viichi' quiyim qomi' nashil chaqai quiyim qomi' letaxaỹaxanqajanqa na qomyipi quiyim so'ueenataxanqot ñi qota'olec. Chaqai quiyim qareloxoiqatecsec ná'ogue na hueetalec na 'laua.