1 Pedro 2:6 - La'qaatqa ñi qota'olec Qota'olec & Qota'olec Novita Na Qomyipi

⁶ Vichiguiño' naua naneresañi la'qaatqa ñi qota'a qai'neeta 'nerac: Ỹim sellaañigui na Sión ñi 'óna ñí'maq 'ec qa' nollaañi ca 'imec; ñijo qa' ica'acsec chaqai 'xoic da lovic. Cá'maq huelec ñi'maxare, ca' se nayiloxontac.

1 Pedro 2:6 Iomraidhean Croise

Génesis 49:24

qam da José ỹaatqajam ra'ñi'teguelo naua lqai'laqate', lo'qoochiguiñi da lo'xoshic; ¡ña'aachic quiñi qota'olec quena Jacob, ma' quesaxanaxaic!, ¡ña'aachic quiñí'maq neloxoỹaq ro'ootaxanteguelec na Israel!,

Isaías 28:16

Vichiguiño' ñi qara'gaxala' 'naac: Sa'ue ma'le ca qa' sella'ñi yi na'a' Sión, cajo qa' ỹaatqajam nca'acsec, 'xoic lesega'a, ca'maxare qaỹa'auaxanñi qa', ca ỹa'maqachiguiñi quiyim qanoqojshiguim qaỹo'xon. Ca cá'maq pi'ỹa'a ma'le, ca' qaica huapigui lauel i'maqatapeuc.

Isaías 41:11

Ná'ogue ná'maq qami' loquiiaxat, nayiloxon ma'le chaqai nemanachit; ná'maq reloquiñi'sac nagui, ná'ogue nimiichiguiñi ma'le.

Isaías 42:1

'Ena hueete'e na ilaatec, na'maxare ñolliitañi, ñi'maxare ica'acsec, ỹaatqajam yqo'ta. Sellaagui ñi'maxare so ñi'espíritu, qaiyi noviraxat ca na'maxa quená'ogue na ỹoreta'oguit qomyipi.

Isaías 50:7

Ñi qara'gaxala' ñí'maq yotauan: vichiguiño' se ñauate ná'maq ñi'naxaquipi; vichiguiño' ñaq sa'ñiichiguiñi 'ec aỹim aca qa' ladocai, ma' sa'den quiyim se qayayilqochit ma'le.

Isaías 54:4

Totaxan ro'chi'i', sqaica huapigui qavilli'; totqai qoyiga'a qami' chaqai qaica ca nayiloxoñisaque ma'le. Coua'ire'e da nayiloxonaxaqui' na' ñaqai qami' nogot, ca totqai o'lliinchite na' tot qaimaqachin da npa'ỹeshiqui',

Mateo 12:18

Cajo cá'maq ilaatec, chaqaica cá'maq ica'acsec, cá'maq ỹim yqo'ta, chaqaica cá'maq ñitoonta'pegue. Ca'maxare sanagui ma'le ñi ñi'Espíritu, qaiyi ỹa'xatem na ỹoreta'oguit qomyipi da sahotaque so'uet.

Marcos 12:10

¿Saqa' taxahilgoto' quen yaua naneresañi la'qaatqa ñi qota'olec? Ma' 'nerac: Só'maq qa' ỹañijin so 'imec lo'ollipi, chaqaiso só'maq nollaañi nqohin ca 'imec.

Lucas 20:17

Qam so Jesús ra'ỹaugui so qomyipi, ca 'naaco': —¿Negue' ca reloqo'tegue yi naneretañi la'qaatec ñi qota'olec? Ma' 'naac: So qa' lañijnec ná'maq ỹo'ueetac na 'imec, ca chaqaica ca ỹovira'a quiyim ra'ñichiguiñi nqai'en ca 'imec.

Lucas 23:35

Ca' sá'ogue so qomyipi ỹa'ajantac so'maxare, chaqai vire'ta so nashillipi i'neetac, 'naac: —Nca'laxatec quen na liỹa; ca' nagui 'maxaraic chi nca'laxatalta', no'm ỹaatqajam llic chaqaiñi ñí'maq nashi nca'laxaqui, lca'acsec ñi qota'olec.

Juan 7:38

Ma' 'nerac yaua nerecse' na'qaatqa: cá'maq huelec aỹim, ca 'ec huaxaỹaq ne'paxantashiguim ca chicqotapougui añi le'taxanata.

Hechos 1:16

—Qamiri ỹaqaỹa', nagui ỹovita quiyim qaipacqajanchiguilo naua nerecse' hueetaugui yi la'qaatec, so Espíritu Santo co'na' ỹa'qaataxanaxan so nashi David queda 'neeta so Judas. Ma' chaqaiso só'maq ỹauec na'le so coñi' so Jesús.

Romanos 10:11

Naua naneresañi la'qaatqa ñi qota'a 'nerac: “Quená'maq mashic huelec ñi'maxare, ca' se nayiloxontac nqai'en.”

Efesios 1:4

Ñi qota'a qomi'o' lca'acse' chicqochigui nqai'en so Cristo na' saqa' ỹo'uet na 'laua, qaiyi seuqato'ot ñi'maxare quiyim co'teeta da qanachaalataxac chaqai qaica ca qarasauaxaset.

Efesios 2:20

Qamiri 'ñiitari' ca 'imec, ca' qaillijlec qamiri só'maq no'xonaxanaxala' ỹa'auaxanyiñi saua lelaatqa so Jesús chaqai so letaxaỹaxanqajanqaipi ñi qota'a. Ca' chaqaiso só'maq Jesús 'eco' ca qa' nolliitañi cajo 'imec.

2 Timoteo 3:16

Naua'que naua nerecse' la'qaatqa ñi qota'a, naua'maxare ỹichiñi nqai'ne' so la'qaataxanqajanqaipi. Ca' naua'maxare ta'chiguit qarapaxaguinataxanque chaqai qaỹachaxan da leloxoỹaxac, chaqai quiyim qaỹa'maxajñi ca nasauaxaset, chaqai quiyim qaỹachaxan cá'maq lalamaxa dá'maq co'teeta qanachaalataxac,

1 Pedro 2:4

Ca vichiguiño' nqo'ñiu'a so qara'gaxala' Jesús, 'ñiita'gue ca qa' nca'leetauec. Sojo qa' só'maq lañijnec na'le so qomyipi, qam ñi qota'a nca'au'a chaqai 'xoic lovic nqai'en.

1 Pedro 2:8

Chaqai qai'neeta ipaquichigui dá'maq 'naac: Ñi qa' nepoxolaxanaxala', chaqai ỹo'uet quiyim 'ue ca huaañi. Ma' saua'maxare repoxolaxane' co'na' se na'xaỹaxanta da na'qaatec. Qam dajo chi qohinegue quiñi qota'a quiyim 'neeta so qomyipi.

2 Pedro 1:20

Qam 'neeto' lotqai couahitaque dajo, quiyim qaica quet ca la'qaatec ñi qota'a quená'maq naneretañi, qaica quet cá'maq chi nodajlec quiyim ichoxot ca leloxoỹaxac.

2 Pedro 3:16

Quesaua'que saua lerecse ỹa'xatetapeguema qamiri dajo. Qam 'ue na hua'ñi 'xoic da lqalaic quiyim qaỹa'den ca leloxoỹaxac. Ca' vichiguiño' ná'maq qaica ca ỹa'den chaqai na se ra'ñi da lpi'ỹaxac, ca' ỹoqa'a nqai'en ca leloxoỹaxac. Ca' chaqaida 'ne'tegue ná'maq liỹa naneretañi la'qaatqaipi ñi qota'a, qam quiyim 'ne'tegue dajo, ca' chi nqa'viinteguelta'.