Biblia Todo Logo
Bìoball air-loidhne

- Sanasan -




1 Pedro 2:16 - La'qaatqa ñi qota'olec Qota'olec & Qota'olec Novita Na Qomyipi

16 'Ñiitari' ca qom quiyim chi nanoiquentac, qam sqai 'ñiitari' ca nanoiquentac quiyim ỹo'uet ca se no'uen. Ta'ta'a quiyim 'ñiitari' caua ỹaatqajam la'aqa ñi qota'a.

Faic an caibideil Dèan lethbhreac




1 Pedro 2:16
15 Iomraidhean Croise  

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' pohigui ñi lasom da lo'ueenataxanaxac ñi qota'a queda piguim, qaiyi se inoxono na liỹaripi. Chaqai qamiri qai'neeta sqai noxoñiuo, chaqai sqai 'xañiỹac ná'maq ỹahotaque inoxono.


Queta' se ñanac quiyim setaqaugui na'maxare, ca sqaica quet ca lasauaxaset. Qam nagui qaica quet cá'maq i'guenegue quiyim noqollictegue da lasauaxaset.


Ca na' qaỹoso'ogalo qamiri quena' qarelaritac quena nasauaxaset, ca noxoñiu'a quiyim qamiri lelaatqa ñi qota'a, qam quiyim 'viichii ca ỹa'maqachiguiñi.


Qam nagui mashic qaỹoso'ogalo qamiri quena nasauaxaset, ca' noxoñiu'a da lo'ueenataxanaxac ñi qota'a. Ca' dajo maxasa' 'ue ca 'negue, ma' da'maxare chicqaugui quiyim ỹaatqajam qaỹomato'ot dá'maq chaalataxac ñi qota'a, chaqai co'uaataxanta ma'le da nca'laxa sqaica lqodoc.


Ma' cá'maq na'aco' na' qaroỹaxana quiyim huelec so qara'gaxala', ca' nagui ca ỹale qaỹosootec quiyim queetalec so'maxare. Ca chaqai 'nejem cá'maq se na'ac na' qaroỹaxana, ca nagui lotqai na'ac queso Cristo.


So Cristo ỹosou'alo qomi', qaiyi qaica ca qarquepaxat. Ca' na'ñaxachii quiyim quiitalec quiyim qaica ca rquepaxachii, ca tot liỹa pilliu'a quiyim qamiri quet na'aqa.


Ma' qamiri ỹaqaỹa' na' qaroỹaxanalo qamiri, qam ỹaatqajam qaỹahotaque qarosohiuec. Ta'to'o' no'm se nquipichilec dá'maq quiyim mashic qaỹosoorec qamiri, no'm pacqajñiỹauec quiyim quiita'pegue' da chi no'ueenataxac na qom. Ta'to'o' quiyim npa'xañii quiyim quiñi 'óna la'ac ca liỹa quedá'maq 'ñiitari' quiyim ne'xoriñiỹata'.


Quiyim 'ueenataxañii, mese repaguitaque quiyim ỹa'ajanta'pe qamiri ca na'coori, qaiyi nqo'talo qamiri. Ta'ta'a quiyim 'ec qamiri lelaatqa so Cristo machiỹauec añi re'taxanatahi quiyim 'viichitac dá'maq ỹahotaque ñi qota'a.


Ma' qamiri mashic shi'gue 'yiiñii quiyim ñi qara'gaxala' ỹaanema qamiri ma'le cá'maq ỹa'maxatetañi ỹahotaque ỹaanem ná'maq lalamaxareteripi. Ma' qamiri 'ueenataxañitacot so Cristo só'maq ỹaatqajam ra'gaxalari.


Qam mashic qamiri 'yiiñita quiyim se ỹauanapega llo'daqainqata'pe qamiri quecaua lo'yaxanqa qara'qaatqa, chaqai se ñañoxotqatañi quiyim sahoqotaque ñauegaq aca plata. Ca' ñi qota'a ỹaatqajam ỹa'deenta dajo.


Qam cá'maq se coua'e da na'xaỹaxanaxac, ta'ta'a quiyim ỹaatqajam ra'ijlec dá'maq 'maxaraic naqataxac, dá'maq ỹo'uet quiyim qaica ca qarquepaxat, chaqai quejlec da'maxare, ỹo'ueetetac dá'maq 'naac dajo naqataxac, ca' cajo qom qoỹaanem quiñi qota'a da no'uen llicyaxac quecá'maq ỹo'uet.


Ca' qamiri, quiyim taxahi chaqai na'maxachita, 'ñiitari' ca quiyim qaimite' qamiri ma'le quena naqataxaquipi, ná'maq ỹo'uet quiyim qaica cá'maq quepaxate' qomi'.


Na'maxare ỹachaxantac dá'maq chaalataxac sqaicanqaida. Qam na'maxare, ca' na'ac quená'maq 'ueenataxac se no'uen, ma' ca qom na'ac quecá'maq ỹapacqajnauec que'uegue.


Ma' mashic 'uo' na qomyipi queetou'gue da lachoxonataxanaxac caqamiri. Quená'maq shi'co' qaỹa'xateta'guit quenaua naneresañi la'qaatqa ñi qota'a quiyim tai'a dá'maq ỹaatqajam 'chichiguiñi nouaxanaxaset. Najo qomyipi ỹaatqajam hualoxonyipi, ma' icoñiguit da lqouagaxa ñi qota'olec, ca' iualaxain, queugui nqai'en da se no'uen lamaanaxanqachic na loshicmaxa, chaqai sqai huelec ñi qota'a ñí'maq qaiñiita qomi' lalamaxarete', chaqai so qara'gaxala' Jesucristo.


Lean sinn:

Sanasan


Sanasan