1 Pedro 2:12 - La'qaatqa ñi qota'olec Qota'olec & Qota'olec Novita Na Qomyipi

¹² Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.

1 Pedro 2:12 Iomraidhean Croise

Salmos 50:23

cá'maq ỹaantacot aỹim ca na'aachicyaxac, ca' yimaqachin. ¡Ỹim ñca'laxatec cá'maq se neme queetalec da ñayicyaxac!

Isaías 10:3

¿Tegue' canchaqai 'ñiita ma' qarimichii, ma' daañiỹa'guit qoỹoqo'chiguit cá'maq ỹo'uet ca nouaxanaxashichii? ¿Negue' cá'maq shiilaỹo' ma'le quiyim rotauañii? ¿Negue' cá'maq lliỹa'gue ma'le na resallaxahi?

Daniel 6:4

Ca' so lotauaripi so nashi idaantaque ca la'maqa' quiyim 'ue ca qaipataxalec ỹasauaxat queda lo'ueenataxanaxac quiñi lauo' so nashi, qam so Daniel ỹaatqajam 'maxataxaraic, ca' sqaica ca ỹasauaxat, ca' qaica quet cá'maq qaỹa'xat quet queso'maxare.

Mateo 10:25

Vichiguiño' ca napaxaguinatec ỹa'maqachigui quet lauel quiyim ỹovireta'a quiyim 'nejem ca napaxaguinatqo', chaqai ca nelaatec ỹovireta'a quiyim 'nejem ca na'co'. Ca no'm cá'maq nashi queca na'a' qaỹamata'gue lashi na se re'xogui lecmaxaiquipi, ¿mesqai pagueco' la'aaxa cá'maq qaỹamata'gue na llaalqaipi ma'le?

Mateo 5:11

Ỹaatqajam chalego la'maxa caqamiri, ma' qaishiuenta'pe, chaqai se qaỹa'maxata'que qamiri quena qomyipi, chaqai ma' qaiỹoxolgoto qamiri quena se no'uen qaro'maqajñitac, sovitapigui quiyim viilec aỹim.

Mateo 5:16

Ca' chaqaida 'neeta nqai'ñii da no'ueenataxaguii, ỹaatqajam ỹaviquetauguilo nqai'ñii' naua rcoỹeraxanaxaquillii, qaiyi coỹarelec na qomyipi, qaiyi na'maxare iuana ma'le dá'maq 'viichitac ỹa'maqachiguiñi, qaiyi na'maxare imaqachin ma'le ñi qota'olec ñí'maq viilec neeto'ot na piguim.

Mateo 9:8

Ca' so qomyipi co'na' iuanchigui dajo, ca 'ue da lqolonaxa. Ca' imaqachintac ñi qota'olec ma' ỹaaneco' da lquesaxanaxa quena qomyipi.

Lucas 1:68

Ỹaatqajam qaỹo'uen ma'le ñi qara'gaxala' ñí'maq lashiilec na Israel laseripi, ma' ñi'maxare novitalo qomi' quiyim qarca'laxatec, ma' mashic qomi' lalamqateripi.

Lucas 19:44

Ca' nenaxañi qami' quena 'laua. Ime, ca' qaỹalauat ná'maq neetalec na ra'aachi', chaqai sqaica ca qano'ueenaqtañi caqami', vire'ta quiyim ca qa' hueetalec ca liỹa; ma' qami' sqa 'yiiñichiguit ca laloqo' quiyim novita qami' ñi qota'olec.

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Juan 13:31

Ca co'na' mashic inoxonec so Judas, ca 'naaco' so Jesús: —Nagui, ca' qaỹachaxan da lemaqachic na ỹale llaalec, chaqai da lemaqachic ñi qota'olec re'oq ma'le quena'maxare.

Hechos 15:14

Ñi Simón Pedro ra'qaataxanema qomi' quedá'maq 'neeto' da lqouagaxa ñi qota'olec na' 'auaxaic nqouaguegue so mesqai judío, ca ỹa'ue na lca'acsec, ỹachigoxotaugui na'maxare, ma' ỹahotaque quiyim lalamaxat.

Hechos 24:13

Ca' najo qomyipi qaica quet cá'maq 'neeta quiyim 'ue quet ca ỹauanchigui ỹasauaxaset.

Hechos 25:7

Ca co'na' inoxono so Pablo, ca qanqo'neu'o' queso judioipi chicqa'gue da Jerusalén. Ca qohinapego' quená'maq qaimaxalec lasauaxaset, lodegaxat nqohin. Qam re'qoota quiyim sqai llic.

Hechos 28:22

Vichiguiño' nagui sahoqotaque ña'xaỹaxanaxa cá'maq 'neeta ca ra'deenataxanaxaqui', ma' sa'deenaq chicqote'ogalo da npa'guenaxac ana dalaxai qoyiquetaugui.

Romanos 12:17

Cá'maq se no'uen ca 'neeta'pegue caqamiri, sqo pilaxachilec ca se no'uen. Ta'ta'a quiyim 'viichii ca ỹa'maqachiguiñi quiyim cá'ogue qaỹa'yiinchigui.

Romanos 13:13

Qam ỹaatqajam ña'maxatqata shinqata'gue dá'maq 'neetari' cá'maq mashic queetagui yi na'xa'a. Totqai qomi' ne'taaxaiqa, chaqai se so'ueetaq ca qarqui'ỹaxac quiyim 'xoic ca naỹaac, chaqai dequenaxac, chaqai nanchaqaina namaanaxanaxa, chaqai quiyim ñco'uaqata'ta', chaqai quiyim ñpa'guenqata'ta'.

Romanos 14:18

Cá'maq 'neetari' dajo quiyim ro'ueenataxanot so Cristo, ca' qaỹa'maxarenta quiñi qota'olec chaqai quena qomyipi.

Romanos 15:9

Novi', qaiyi ná'maq sqai judioipi qai'neeta imaqachin ñi qota'a quedá'maq le'xorenataxanaxa, ma' 'nerac nauá'maq naneresañi na'qaatqa: Vichiguiño' sechoxorentac ma'le qami' ma' seuetañigui na ỹoreta'oguit qomyipi, chaqai so'ueentac ma'le na no'ueenqaipi quiyim semaqachintac qami'.

1 Corintios 14:25

Ca ná'maq hueetagui añi le'taxanata re'oq. Ime, ca' ishit ỹa'yi'iñi naua le'cootal quiyim imaqachintac ñi qota'a, chaqai ỹa'xatetac quiyim ỹaatqajam llic ỹalequetauguilo qamiri ñi'maxare.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

2 Corintios 13:7

Chaqai ñqouagaxainqatacot ñi qota'a, qaiyi qamiri sqo 'viichii ca se no'uen. Qam se sahoqotaque quiyim ñachaxanqatac quiyim qomi' ỹaatqajam llic dá'maq sa'xatqatac, qaidaata quiyim qomi' sahoqotaque quiyim 'viichii ca ỹa'maqachiguiñi, 'eno'm 'ec sqai llic cá'maq sa'xataq.

2 Corintios 8:21

Ma' qomi' sahoqotaque quiyim no'uen ca qana'qaataxac quedá'maq so'ueetaq, mesqaiñiita quiñí'maq qara'gaxala', qam qai'neeta quena qomyipi.

Efesios 2:3

Chaqai qomi' qai'neeta shinqatari' quen quesaua 'auaxaqa ñaxari, qolqata'pegue' dá'maq chi qaramaanaxanqachic, so'ueetqatac dá'maq chi lqo'itaxanqachic na qaroshicmaxa chaqai quedá'maq chi qara'deenataxanaxac. Ca' quedajo, ca' ỹaatqajam 'chichiguiñi quet ca chalego lecaic qanouaxanaxaset quiñi qota'a, shinqata ná'ogue na liỹa qomyipi.

Efesios 4:22

Ca quedá'maq shi'gue 'ñiitari' quen, ca' lachii só'maq 'auaxaic no'ueenataxaguii ma' se ỹa'maxañi, chaqai qaỹachichiguiñi, ma' queeta'pegue' da lamaanaxanqachic quena se no'uen.

Filipenses 1:27

Qaidaata quiyim nquipichiỹa'pegue' quiyim nachiñi'chiguit nqai'ñii dá'maq no'ueenataxaguii da na'qaatec qaỹa'xat queso Cristo. Ca' quiyim saiquena loqo'm qoỹoqo'ta ỹim, qam sahotaque quiyim 'ue ca ỹa'xaỹaxac quiyim ỹaatqajam quiijlec chaqai necoñii'jta' queda rpi'ỹaxaguii chicqochigui da na'qaatec chicqaugui da nca'laxa,

Filipenses 4:8

Qamiri ỹaqaỹa', dá'maq co'uaataxanta ỹaqataxac 'neetasa': ỹaatqajam ỹajñita ca leloxoỹaxac cá'maq lliqueta, chaqai ná'ogue ná'maq 'ue ca 'negue nqohin, chaqai cá'maq no'uen ñicyaxac, chaqai ná'maq qaica ca lalegue', chaqai ná'ogue ná'maq qaỹa'maxarenta, chaqai ná'maq no'uen ca na'qaataxac. 'Yiiñitapega ná'ogue ná'maq no'uen chaqai taiguit quiyim qaimaqachin.

1 Tesalonicenses 4:12

qaiyi ná'maq saqa' icoñiguit da na'qaatec lo'yaxanec nqai'en da na'qaataxaguii, chaqai qaica ca viñitaque.

1 Timoteo 2:2

Sahotaque qai'neeta quiyim qanqouagaxainlec na nashillipi leta'allipi chaqai ná'ogue na lotauaripi, qaiyi qaica canchaqaica coqomi', qaiyi qara'maqachiguiñi, ma' ỹaatqajam ñañaanqot ñi qota'a, qaiyi quená'ogue na qana'ajnaxac qaỹa'maxarenta.

1 Timoteo 4:12

Qam na'maxachite', qaiyi qaica ca se icoñiguit qami' ma' ñaqa qami' ne'necoqui'. Ta'ta'a quiyim qami' naloqojnaxanaxat quená'maq mashic icoñiguit da na'qaatec, quedá'maq 'maxaraic retaxaỹaxaqui', chaqai dá'maq no'uen qayiquiaxaqui', chaqai da re'xorenataxanaxa'e', chaqai da no'ueenataxaqui', chaqai da rpi'ỹaxaqui', chaqai 'maxachitetegue da nachaalataxaqui'.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

Hebreos 13:18

Nqouagaxaiñitalgoto qomi', ma' qomi' qaica quet cá'maq huapigui qouel, ma' sahoqotaque quiyim ña'maxatqata quená'ogue.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

Santiago 3:13

No'm 'ue ca 'óna caqamiri ỹajnaxaraic chaqai ỹaatqajam 'xoic ỹa'den, ca no'uen quiyim ỹachaxan da ỹa'maqachiguiñi no'ueenataxac chaqai da neneequesenaxac dá'maq chicqaugui da la'deenec.

1 Pedro 2:15

Ma' ñi qota'a ỹahotaque quiyim qamiri 'viichii ca ỹa'maqachiguiñi, qaiyi qaica ca lligo ca la'qaatec ná'maq qaica ca ỹa'den chaqai na hualoxonyipi.

1 Pedro 3:16

Na'maxachita quiyim qaica canchaqaica huapigui qavillii, qaiyi ná'maq se no'uen ná'maq ỹa'xatetac quiyim mashic coñiguit da na'qaatec queso Cristo, ca nayiloxonlgoto ma'le nauá'maq chi la'qaatqa.

1 Pedro 4:11

No'm 'ue ca retaqa, ca' caua la'qaatqa 'neete'm caua la'qaatqa ñi qota'a. Chaqai no'm 'ue ca qoỹaanem ca lo'ueenataxanaxac, ca ỹo'uet, qam ỹahote'e dá'maq lquesaxanaxa qoỹaanem quiñi qota'a. Chaqai quená'ogue ná'maq qaỹo'uet tai'a nqohin quiyim qaimaqachin ñi qota'a chicqochigui so Jesucristo. Ma' sqaica lqodoc da lauaq chaqai da lquesaxanaxa ñi qota'a. Ajá'a, chaqaida 'neeta dajo.

2 Pedro 3:11

Ca' nagui mashic sa'deenaq quiyim ná'ogue sogui nqohin ma'le, ca ¡paguec quet ca reuogoxohi quiyim ỹaatqajam nañaañiỹot ñi qota'a, 'maxaraic nqai'ñii da nachaalataxaguii!

Rut 3:14

Ca' queso pe laq aso Rut hueeta'ñoto naua lichil so Booz, ca na' mashic saqa' richiguiñi queso liỹa na'xa'a na' ñaq napaltañi. Ma' so Booz 'naaco': Qaica ma' 'ue quet ca ỹa'den quiyim ana 'aalo noviretec quenajo.