1 Pedro 2:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Qamiri ỹaqaỹarolqa, ñi'xoresentouguilo qamiri, 'ec ỹoqa'a ca chigoxoỹa'gue nqaishin, quiyim sqai quii'uegue da se no'uen lamaanaxanqachic na roshicmaxahi, ma' na'maxare nco'uaata'pegue' da nachaalataxaguii.

1 Pedro 2:11 Iomraidhean Croise

Génesis 21:34

Ca 'xoico' so ñaxaripi so Abraham neetalco' yi na'laua so filisteoipi.

Génesis 23:4

—'Eno'm ỹoqa'a ca sachicqa'gue quiyim salequetauguilo qamiri, qam ỹim sahotaque miiñiỹot aỹim ca 'laua quiyim loma' ayi ỹasauaxana, qaiyi seshinñi ayi ỹoua tot qaca.

Génesis 47:9

Ca' so Jacob 'naaco': —Mashic sovite' yaua ciento treinta ñaxari quiyim ñamaqategueri' saachi'ñalo. Sqo vite', qam se no'viiñi naua seuetauguilo ñaxari. Ma' saqa' sovite' nagui caua ñaxari ỹovite' yí'maq 'auaxaic ita'allipi.

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

Hechos 15:20

Chaqaidaata quiyim sauqo' aca qoderecse quiyim shinqapega se ỹa'ic ca na'ic mashic qoỹaanot ca nashiilec, chaqai se nocachita'ta' ca ỹale chaqai aca 'aalo, chaqai se ỹa'ic ca la'at ca isecỹac sqai nague' caua leuo', chaqai se ỹa'gue' caua neuo'.

Hechos 15:29

sqa 'guii ca la'at ca mashic qoỹaanot ca nashiilec, chaqai qai'neeta sqa 'guii caua leuo', chaqai ca la'at ca isecỹac ỹauego lqosot, chaqai se nocachita'ta' ca ỹale chaqai aca 'aalo. Ca no'm 'viichii' nauajo 'maxachi'teguelo, ca 'maxaraic. Hua', ca chaqaidaata.”

Romanos 12:1

Ca vichiguiño' ỹaqaỹarolqa, ñi'xoresentouguilo qamiri quedá'maq le'xorenataxanaxa ñi qota'a quiyim ỹaatqajam nomachiỹalta' nañaañiỹot ñi'maxare, 'ñiitari' aca nachitaxanataxanqate ỹaatqajam nca'leetauec, quiyim 'ueenataxañiỹot chaqai quiyim ỹa'maxarente' qamiri ñi'maxare. Ca' chaqaida 'ñiita'gue quiyim lliichigui añi re'taxanatahi ca remaqajnataxanaxahi.

Romanos 7:23

qam dá'maq liỹa seuana hueetaugui na ỹoshicmaxa, dá'maq reloquita'pegue' da ỹa'deenataxanaxac. Qam dajo chaqaida dá'maq lelaataxanaxac dá'maq nasauaxaset hueetagui na ỹoshicmaxa, ycoñiretari'.

Romanos 8:13

Ma' no'm qamiri qaidaata quiita'uegue na lqo'itaxanqachic na roshicmaxahi, ca' rillivii. Qam no'm chicqochigui nqai'ñii so Espíritu, ca' ileu nqai'ñii da lqo'itaxanqachic na roshicmaxahi, ca' rca'lliuec ma'le.

2 Corintios 5:20

Vichiguiño' qomi' sachigoxotqo'tot da qara'qaataxanaxac so Cristo, ca 'ec 'nejem quiyim ñi qota'a chicqochiguilo nqai'ne' qomi' quiyim ne'xoresentouguilo qamiri. Ca qomi' ñi'xoresenqa'toto qamiri chicqochigui nqaishinaq so Cristo: quiyim daañiỹaque quiyim huaqui'chiguita qamiri ñi qota'a.

2 Corintios 6:1

Ca ma' qomi' lotaua' ñi qota'a queda lo'ueenataxanaxac, ca ñi'xoresenqa'toto qamiri sqa taiguit quiyim se nquipichiỹa'pegue' da lqouagaxa ñi qota'a dá'maq mashic ỹachaxanema qamiri.

2 Corintios 7:1

Ca vichiguiño' qamiri ñauochaxaua' ỹaqaỹa', 'enaua nauá'maq qaỹachaxanta'pe coqomi'. Vichiguiño' se squeuocqau'a ná'ogue ná'maq ishit napio'xote' qomi' quena qaroshicmaxa, chaqai quena qara'al. Qaro'cha'a ñi qota'a, chaqai somatqo'ot da qanachaalataxac ñi'maxare.

Gálatas 5:24

Chaqai ná'maq mashic lalamaxaret so Cristo, shi'gue 'ec pateno na loshicmaxa queso npatenaxala', liỹaatashiguim ná'ogue ná'maq chi lqo'itaxanqachic chaqai ná'maq loiquipi.

Efesios 2:19

Ca vichiguiño' qamiri 'eco' totqai ỹoqa'a ca chigoxoỹa'gue quiyim 'ec ỹoqa'a quet na ñiitalec 'laua. Ta'ta'a quiyim ỹaatqajam ra'aayaxauahi ná'ogue ná'maq lalamaxareteripi ñi qota'a, chaqai ỹaatqajam qamiri lauo' laseripi ná'maq llaalqaipi ñi'maxare.

Efesios 4:1

Ca' vichiguiño' saqatalo qamiri quiyim na'maxachita ma' mashic qaroỹaxanalo qamiri quiñi qota'a, ma' qaycoñiretari', sasouetapigui so qara'gaxala'.

2 Timoteo 2:22

'Iichirapeguem na lqo'itaxanqachic na nocchishic. Quiisalco' da lalamaxa da chaalataxac queda npi'ỹaxac, chaqai da ne'xorenataxanaxa chaqai da neuagaxa, 'neeta ná'maq ỹaatqajam co'teeta añi le'taxanata, roỹaxantacot da leenaxat so qara'gaxala' Jesús quena' nqouagaxain.

Hebreos 11:13

Sá'ogue so qomyipi nelliviñi, qam se icoñiguit ca qaỹachaxantapeguem quiñi qota'a. Qam 'ue da lpi'ỹaxac so qomyipi, ca iuana, qam qoỹoqo'ta, chaqai ma' mashic huelec, ca' chalego loyac nqai'en na' ỹa'ajantac. Ca chaqaida 'neeto' na'le so qomyipi co'quena' ỹa'xatetac quiyim se lalamaxaret la'a' najo 'laua.

Hebreos 6:9

Qamiri ỹaqaỹarolqa, 'eno'm shinqa'tegue dajo da qaretaxaỹaxac, qam quená'maq qamiri ỹaatqajam chalego lecaic da nqouagaxahi liỹaata'ñi' nqohin da nca'laxa.

Santiago 4:1

¿Negue' ca chicqa'gue da neloquiaxac chaqai da pa'guenaxac caqamiri? Chicqaugui da se no'uen nqo'itaxanqachic quiyim se neme reloquitac hueetauguilo qamiri.

1 Pedro 1:1

Aỹim Pedro, aỹim lelaatec so Jesucristo, shiriñi anajo ilaata, selata ná'ogue ná'maq neuagaxatetac, ná'maq sqai neetalgoto nauá'maq lalamaxarete' la'aate', ta'ta'a quiyim neetalgoto yaua 'lauari Ponto, Galacia, Capadocia, Asia, chaqai yi Bitinia,

1 Pedro 1:17

No'm qamiri 'ñiỹac qataa'i ñi qota'olec ñí'maq se nca'aatagui na qom quiyim nimit queca lasauaxaset, ca ỹaatqajam ro'chiỹa ñi'maxare quiyim ñaqai ñiitalec ana 'laua.

1 Pedro 4:12

Qamiri ỹaqaỹarolqa, 'neeto' lotqai la'lliỹa'guit da lquesaxanaxa da ne'guenaxaguii taatalgoto qamiri quiyim 'ec sqai viriỹau'a quet.

1 Pedro 4:2

qaiyi naua'que naua na'xata' hueetapigui lauel dá'maq ỹahotaque ñi qota'a, ca' totqai queeta'pegue' da lamaanaxanqachic na loshicmaxa.

2 Pedro 3:1

Qamiri ñauochaxaua' ỹaqaỹa', najo aná'maq co'uaataxanaxai ỹerecse selatalo qamiri; quenaua dos ilaata sahotaque quiyim ỹaatqajam 'yiiñitapegalo nauajo ỹaqataxaco.