1 Pedro 2:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Quesom sqai ỹalequetauguilo qamiri ñi qota'a, qam nagui, ca' ỹalequetauguilo qamiri ma' mashic qamiri lalamaxarete'. Quesom qaica ca i'xorenta'pe qamiri, qam nagui i'xorenta'pe qamiri ñi qota'olec.

1 Pedro 2:10 Iomraidhean Croise

2 Samuel 7:24

Ma' qami' vi'saque quiyim na llaalqaipi so Israel ralamaxarichi' chaqai qaica lqodoc quiyim qami' la'gaxala' qota'olec.

Oseas 2:23

Sa'yiñi ma'le yi ỹalamaxareteripi quena 'laua, qaica ca taỹa'gue, qaỹimeta; ca' yqouaguegue ma'le añi leenaxat se qanqouaguegue, chaqai shinac ma'le quiñi leenaxat se ỹalamaxaret iuo': Ỹaatqajam qami' ỹalamaxaret. Ca ñi'maxare 'naac ma'le caỹim: Ỹaatqajam qami' qota'olec caỹim.

Romanos 10:19

Qam lotqai liỹa senataxan: ¿Peeta'a na Israel laseripi se ỹa'deene'uegue da na'qaatec? ¡Ajá'a, ỹa'yiinchigui! Ma' dá'maq 'auaxaic ỹiriñi so Moisés la'qaatec ñi qota'a 'naacsa': Ỹim sa'ue ma'le da roquiiaxahi quecá'maq qomyipi se qauori laseripi, chaqai ỹaatqajam so'ooqochite' ma'le qamiri sauaxat na qomyipi ma' se nqo'ta quiyim 'ue ca ỹa'den.

Romanos 11:30

Ma' qamiri na'le se na'xaỹaxañiỹa ñi qota'a. Qam nagui ma' na judioipi se na'xaỹaxana ñi'maxare, ca' ñi'maxare 'ue da le'xorenataxanaxa caqamiri.

1 Corintios 7:25

Qam quená'maq saqa' 'on, sqaica ca hueetaỹot ỹaatqajam lelaataxanaxac so qara'gaxala'. Qam sa'xat dá'maq hueetapigui iuel, ma' shintari' ca mashic qaipi'ỹa'a chicqochigui da le'xorenataxanaxa so qara'gaxala'.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.