1 Pedro 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' vichiguiño' 'maxaraic quiyim 'xañiñi ná'ogue na se no'uen, ná'ogue na na'maachic, chaqai sqai dos caua ra'deenataxanaxagohi, chaqai se pa'guiñitac ca riỹahi, chaqai sqai qamiri la'axaqa lo'o'.

1 Pedro 2:1 Iomraidhean Croise

Salmos 32:2

Chalego la'maxa ca qom quecá'maq ñi qota'olec se ỹa'ue ca lasauaxaset chaqai quiyim sqai hueetagui ca na'maachic.

Salmos 73:3

Ma' 'ue da ipa'guenaxanaxa quiyim noquiiquetashiguim na nemaqajnaxairipi chaqai na hualoxonyipi.

Proverbios 24:1

Totaxan pa'guiñi'sac na hualoxonyipi, chaqai sqai viisaque quiyim qauora'e',

Proverbios 24:19

'Neeto' 'ohirelec ca nocqaic, chaqai 'neeto' pa'guiñisa'a na hualoxonyipi,

Isaías 2:20

Ca' quecajo na'xa'a ma'le, ca' na qomyipi ỹalat na lashiilec lqolac, ca' ana nichigoxonaxa chaqai ana na'gaxanaxa ichic sojo nqolaquipi nashiilqaipi chicqaugui na 'oro chaqai ana plata, só'maq chi lo'ueenatec ỹahotaque quiyim nqouagaxainot,

Mateo 15:7

Ca' ¡qamiri 'ñiitapega quiyim ỹaatqajam qamiri llaalqa ñi qota'olec! Ca dá'maq 'ñiitari' ỹaatqajam taachigui dá'maq ỹiriño' na'le so letaxaỹaxanqajnec ñi qota'a leenaxat Isaías, co'na' 'naac:

Mateo 23:28

Ca' chaqaida 'ñiita qamiri; quená'maq pa'aauec 'ec qamiri lo'yaxanqa quena qomyipi, qam quená'maq pa'aauo no'qaachigui quedá'maq naqaigaxanqachic chaqai da 'ueenataxac chalego la'aaxa.

Mateo 24:51

Ca qaỹo'uet ma'le ca chalego lecaic nouaxanaxaset, 'nejem nqohin ca nouaxanaxaset ná'maq 'neetapega 'maxaraiquipi. Ca ma'le, ca' noỹen chaqai iquishquinta' naua louee quena nqui'ic.

Mateo 7:5

Ca ma' 'ñiitapega quiyim qamiri 'maxaraqa, ca' 'au naqachii añí'maq loỹo neeta'ñigui ana nqochii, qaiyi ỹaatqajam neuañichiguiñi quiyim naqachii ca lichooqui' hueeta'ñigui aca nqote ca rqaỹahi.

Marcos 12:15

Qam so Jesús ỹa'den quiyim se no'uen da 'neesa'pegue saua'maxare, ca 'naaco': —¿Chi'negue ma' viitaque quiyim yachiiñi? Ñaq nodoiquena aca chiróla, ñaq sa'ajan.

Lucas 11:44

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai na fariseoipi, ma' 'ñiitapega qamiri 'maxaraqa! Qam 'ñiitam aca napal lahi' se re'oq, ca' na qomyipi chi qauaateguelec, qam se ỹa'den.

Lucas 12:1

Ca co'na' nqo'neetauec so lapootecta', ca' co'na' ỹaatqajam 'xoic so qomyipi. Ca vire'ta ỹapaguelec, ca' npataxata'. Ca' so Jesús ỹa'auaxan 'naapega so lapaxaguinatqaipi, 'naaco': —'Neeto' se rovichii'a ana pe'taxachigui na pan hueetaugui na fariseoipi, qam da 'neeta: chaqaida da 'neeta quiyim 'neetapigui lauel quiyim 'maxaraic.

Lucas 6:42

Qam no'm sqa 'yiiñira'a añi loỹo neeta'ñigui ana nqochi'i', ¿chi'neco' shichi' 'ñirapega ca rqaỹa'e': “Ỹaqaỹa, ñaq yayaxañirac ñaq ñaqat yi lichooqui' hueeta'ñigui ana nqochi'i'”? ¡Ma' qami' 'ñiisapega qami' 'maxaraic! 'auaxañi' naqachi' añí'maq loỹo neeta'ñigui ana nqochi'i', qaiyi ỹaatqajam huañiterelec quiyim naqachi' cá'maq lichooqui' hueeta'ñigui aca nqote ca rqaỹa'e'.

Juan 1:47

Ca co'na' so Jesús iuañi'chiguit so Natanael tot qoỹoxoguit, ca 'naaco': —'Ena ná'maq ỹaatqajam llic llaalec so Israel, na'maxare sqai 'maatqaic.

Romanos 1:29

No'qaachiguilo quená'maq se no'uen na'deenataxanaxac, dequenaxac, nqa'viic, nemitete'e ana plata chaqai na se no'uen, pa'guenaxanaxaiquipi, lauataxanaxaiquipi, petaxanaxaiquipi, 'maatqaiquipi, qa'uaic chaqai la'axaqa lo'o'.

1 Corintios 14:20

Qamiri ỹaqaỹa', quecá'maq ra'deenataxanaxaguii 'neeto' 'ñiitari' ca noctoqui'. Coñiỹa quiyim 'ñiitari' ca noctoqui' quená'maq se no'uen, qam 'ec qamiri qo'xoiqa quecá'maq ra'deenataxanaxaguii.

1 Corintios 5:8

Vichiguiño' quiyim soqolqata'pegue' ñi qota'a, no'uen quiyim qolqata'gue da 'chichiguiñi ñicyaxac chaqai da ỹaatqajam lliqueta leloxoỹaxac da na'qaatec, dá'maq 'nejem aca naqaulata qaca aca lalequete. Se ishit quiyim qolqatalec da se ỹa'maxañi chaqai se no'uen, ma' da'maxare 'nejem aca ñauapec nalequetenaxanqate.

2 Corintios 12:20

Ma' ỹim 'ue da itelaxa quiyim ma' sovitalo qamiri 'neeto' lotqai sqai 'ñiitari' dá'maq sahotaque quiyim 'ñiitari' quet, chaqai 'neeto' ỹoqa'a ca shintari' ma' huañiua'. Ma' 'ue da ỹoqolonaxa quiyim ñaqai hueetauguilo qamiri quiyim se na'yiiñiỹata', npa'guiñita'ta', 'ohita'ta', na'aavitegueshiguim, la'axaqa lo'o', novirqataxanaxac, maqajnaxac, chaqai sqaica ca 'maqataxac.

Efesios 4:31

Ca 'xañiñi dá'ogue da roquiiaxahi queca riỹahi, ná'ogue na nonogoxonaxac, chaqai quiyim ỹaualqatalec ca liỹa, loqo'm rishiuenaxantac, chaqai quiyim queetapegueu'a ca liỹa, chaqai ná'ogue na se no'uen 'xañiñi.

1 Tesalonicenses 2:3

Ma' qomi' sa'deenqata quiyim se so'maqatac quecá'maq sa'xatqatac, chaqai quiyim se ỹa'maxañi ca shinqata'pegue quiyim setaxaiqatac, chaqai se sahoqotaque quiyim sayinaxaitac.

1 Timoteo 3:11

Chaqai aca 'aalo qai'neeta ỹaatqajam no'uen da na'qaataxac. Mesqai la'axaqa lo'o', chaqai sqa ỹaaquioxoi, chaqai ỹaqamqata quená'ogue na lo'ueenataxanaxac.

Tito 2:3

Qai'neeta 'ñirapega ná'maq 'aalo qo'xoi quiyim ỹaatqajam ỹaỹajanta da llicyaxac quiyim queeta'pegue' ñi qota'a. Chaqai se la'axaqa lo'o', chaqai se ne'taaxai. Ta'ta'a quiyim ỹachaxan da no'uen 'ueenataxac

Hebreos 12:1

Ca' vichiguiño' qomi', ma' mashic 'xoic na qom seuqatañigui re'qoota da lpi'ỹaxac, ca 'maxaraic quiyim saxanaxañi ná'ogue ná'maq qara'paxat chaqai ná'maq nasauaxaset qara'peetapigui. Ca ñi'guenaxashiguim, qolaxalec da qanalliquinaxac quedá'maq seloxoiqa'gue.

Santiago 1:21

Vichiguiño' 'xañiỹac ná'ogue ná'maq ỹo'maqajnac ca qom, chaqai ná'ogue na se no'uen. Qaidaata quiyim ne'xorishiñita coñiguit da la'qaatec ñi qota'a, dá'maq mashic qoỹanlgoto naua re'taxanatahi. Ma' dajo na'qaatec 'ue da lquesaxanaxa quiyim nca'laxaterec qamiri.

Santiago 3:14

Qam no'm 'ue caqamiri ca hueetagui añi le'taxanata ca lauelgaxanaxac chaqai quiyim 'ue ca naquitetaque, ca sqa taiguit quiyim nemaqajan queda la'deenaxanaxa, ma' no'm 'neetari' dajo, ca chi rayinaxantac chaqai se icoñiguit dá'maq lliqueta.

Santiago 4:11

Qamiri ỹaqaỹa', 'neeto' 'ue ca ỹa'xat ca se no'uen queeteguelec ca liỹa. Ma' ca se no'uen ca ỹa'xat queca lqaỹa, loqo'm ỹiquetapigui ca lasauaxaset, ca'maxare se no'uen da ỹa'xat quena naqataxaquipi chaqai napaqueteguelec. Chaqai no'm qami' michi'sac na naqataxaquipi, ca 'nejem qami' cá'maq imitac na nasauaxaset, qam se na'xaỹaxañita na naqataxaquipi.

Santiago 4:5

'Uo' ca 'neeta, vichiguiño' yaua naneresañi na'qaatqa 'nerac: “So Espíritu Santo só'maq ñi qota'a ỹanauguilo qomi', so'maxare nqo'talo chaqai ỹauoteguelo qomi'.”

Santiago 5:9

Caqamiri ỹaqaỹarolqa, 'neeto' 'ue ca queeteguelec ca liỹa caqamiri, qaiyi qaica ca qaỹa'ue ca lasauaxaset. Ma' ñi qota'a ñí'maq imit ma'le na nasauaxaseteripi, tot qaỹaloq novi'.

1 Pedro 2:16

'Ñiitari' ca qom quiyim chi nanoiquentac, qam sqai 'ñiitari' ca nanoiquentac quiyim ỹo'uet ca se no'uen. Ta'ta'a quiyim 'ñiitari' caua ỹaatqajam la'aqa ñi qota'a.

1 Pedro 2:22

Ma' so'maxare qaica ca lasauaxaset, chaqai se ỹauanapega 'ue ca ỹayin.

1 Pedro 3:10

Ma' naua naneresañi na'qaatqa 'neracsa': Cá'maq nqo'ta da nachaalataxac chaqai quiyim queetauguilo da loyaague' naua na'xata', ca' no'uen quiyim netela'a ñi lo'legaxanaxat, ca' se ỹa'xat ca se no'uen, chaqai sqai nahougui nqai'en ñi lap ca na'maachic.

1 Pedro 4:2

qaiyi naua'que naua na'xata' hueetapigui lauel dá'maq ỹahotaque ñi qota'a, ca' totqai queeta'pegue' da lamaanaxanqachic na loshicmaxa.

1 Pedro 4:4

Ca na'maxare la'loxon, ma' tot naviguiỹa'pegue' quená'maq ỹo'ueetetac se no'uen. Vichiguiño' 'ue na ỹa'xat se no'uen taalgoto nqai'ne' qamiri.

Apocalipsis 14:5

Chaqai so'maxare se iuanapega quiyim ncona'uegue quet ca na'maachic. Ca so'maxare sqaca aca lete, reloqotau'a yi nqa'xanqa' ñi qota'a.