1 Pedro 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,

1 Pedro 1:8 Iomraidhean Croise

Cantares 1:7

Vite, ca 'ñirapiguiỹa' qami' lqo'itaxat da ñachaalataxac, ¿hua'gue ca reloxoiqachi' cana qalo'e' qagreta?, ¿hua'gue ca nco'matqa' nqai'ñi' quiyi na'xa'a lavinñi? Ma' ¿chi'negue queta' 'ec so'meetegueri' quena laloipi na nauegaxauachi'ipi?

Mateo 10:37

Cá'maq ỹapacqajnauec ca lqo'iichi queca leta'a, loqo'm caca late'e caỹim, ca'maxare sqa taiguit quiyim ỹalamaxaret. Chaqai cá'maq ỹapacqajnauec ca lqo'iichi queca llaalec, loqo'm caca llaale caỹim, ca ca'maxare sqa taiguit quiyim ỹalamaxaret.

Juan 14:15

No'm qamiri yi'xoriñii, ca na'xaỹaxañii'talo naua ilaataxanaxaco.

Juan 14:21

Cá'maq ỹa'deene' chaqai na'xaỹaxanalo naua ilaataxanaxaco, ca'maxare re'oq quiyim ỹaatqajam llic yi'xoren. Chaqai ñi ita'a i'xoren cá'maq yi'xoren, chaqai ỹim qai'neeta se'xoren, chaqai ñachaxana ma'le ca'maxare.

Juan 14:24

Cá'maq se yi'xoren, ca se na'xaỹaxana dá'maq sa'xatetac. Dá'maq na'qaatec na'xaỹaxañitapega se ỹalamaxaret; chicqo'ot ñi qota'a ñí'maq yila'.

Juan 16:22

Ca' qamiri qai'neeta nagui 'ue da rachitachiguii; qam ỹim liỹa seuanalo qamiri ma'le, ca ma'le, ca' no'xagui ma'le añi re'taxanatahi queca netoonaxaguii, ca' qaica ishit naqat da netoonaxaguii ma'le.

Juan 20:29

Ca' so Jesús 'naaco': —Tomás, nagui, ca' virelec, ma' mashic huañiriua'. Qam chalego la'maxa quecá'maq se iuañiua', qam huejlec aỹim.

Juan 8:42

Ca' so Jesús 'naaco' queso qomyipi: —Quetqai llic qataa'i ñi qota'olec, ca 'xoriñii quet aỹim. Ma' ỹim sachicqo'ot ñi'maxare, ca nagui salequetauguilo qamiri. Chaqai se ñanoiquentac ñanac, ma' chaqaiñi ñí'maq qota'olec yila'.

Hechos 16:34

Ca co'na' ime, ca ỹauega'a ca la'a', ca qui'ỹaxan. Ca' so'maxare chaqai so lauo' ỹaatqajam 'xoic da netoonaxac, ma' huelec ñi qota'olec.

Romanos 14:17

Ma' dá'maq lo'ueenataxanaxac ñi qota'a ma' ỹoiquentac ná'ogue najo, da'maxare sqai chicqochigui cá'maq re'qoochigui na'ic, loqo'm cá'maq qani'chigui; qaidaata dá'maq no'uen chaalataxac, na'maxa, chaqai da toonaxac coqomi' chicqo'ot so Espíritu Santo.

Romanos 15:13

Ca' ñi qota'olec ma' chicqo'ot da qanaquitaxac, no'xaguilo nqai'ne' qamiri queda netoonaxaguii chaqai queda ra'maxahi quiyim mashic viilec ñi'maxare, qaiyi no'qaachiguilo qamiri quedá'maq naquitaxaguii chicqochigui da lquesaxanaxa so Espíritu Santo.

1 Corintios 16:22

Ca no'm 'ue ca se nqo'ta so qara'gaxala' Jesucristo, ca ca'maxare hueetalec da chalego lecaic nouaxanaxaset. ¡Qami' qara'gaxala', ma'le sqaỹaloq rapilli'!

2 Corintios 1:22

Chaqai chaqaiñi ñí'maq ỹo'uet ca letanec coqomi', ca' ỹanaguilo naua qare'taxanata ñi Espíritu Santo, ñí'maq i'taxajñi cá'maq seconaxaguit ma'le.

2 Corintios 12:4

Ca so'maxare qaỹauega yí'maq la'a' ná'maq mashic qanca'laxatec queda piguim. Ca co'na' hueeta'quera, ca' 'xaỹalo' saua na'qaatqa se qara'xaỹapegalo, chaqai qaica ca qom qaỹasene'tema quiyim ỹa'xate'.

2 Corintios 4:18

Ma' qomi' se ya'ỹoxogui ná'maq re'qoochigui; ta'ta'a ná'maq se re'xogui. Ma' ná'maq re'qoochigui, chita'gue, ca' imeho; qam ná'maq se re'xogui, ca' qaica ca lqodoc.

2 Corintios 5:7

Ca qolqatalec da qarpi'ỹaxac, mesqai cá'maq re'qoochigui.

2 Corintios 9:15

Ca' ¡qomi' saanqot da qana'aachic ñi qota'a, ma' ñi'maxare 'xoic lecaic dá'maq qana'aachicyaxac qomi', ca' da'maxare se seshitaq sa'xataq cá'maq 'neeta da'maxare!

Gálatas 5:22

Qam da llaqtaxac so Espíritu Santo queca qom 'neetasa': ne'xorenataxanaxa, toonaxac, na'maxa, neualaxavic, nauotaxanqachic, neuagaxaric, chaqai naqamaxa,

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Efesios 3:19

Sashiilatac ñi qota'a, qaiyi 'yiiñii dajo ne'xorenataxanaxa, ma' da'maxare napacalec ná'ogue ná'maq seshitaq sa'deenaq, ca' qaiyi ma'le, ca' no'qaachiguilo qamiri queda no'ueenataxac ñi qota'a.

Efesios 6:24

Ca' ñi qota'a ỹaanem ma'le ca no'uen llicyaxac cá'maq nqo'ta so qara'gaxala' Jesucristo quiyim se ỹoỹoota'a cá'maq lqo'iichi queso'maxare. Ajá'a, ca' chaqaida 'neeta dajo.

Filipenses 1:25

Ma' ỹaatqajam lliqueta nqaishin dajo, ca sa'den quiyim ñaq salequetauguilo qamiri. Ca' sotauañii quiyim nqo'ñiishiguim qamiri, qaiyi nqo'neuec ca netoonaxaguii queda rpi'ỹaxaguii.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Filipenses 4:4

Naua'que naua na'xata' netooñita'gue so qara'gaxala'. Liỹa sopilalec shinac: ¡netooñitac!

Hebreos 11:1

Quiyim 'ue ca npi'ỹaxac, ca' chaqaida dá'maq ỹaatqajam 'chichiguiñi nqai'en quiyim seconaxaguit cá'maq ñauaanqataque, chaqai ỹaatqajam se'taxatqachiguiñi quiyim 'ue cá'maq se seuanaxa chaqaica cá'maq ỹaatqajam lliqueta.

Hebreos 11:27

Ma' 'uo' da lpi'ỹaxac so Moisés, ca' ca'e yi 'laua Egipto, se no'cha'a da lonogoxonaxac so nashi. Ỹaatqajam queetalec dá'maq chi no'ueenataxac, 'ec ra'iito'ot ñi qota'a ñí'maq sqaica iuana.

1 Pedro 1:6

Ca' chaqaida dá'maq dajo dá'maq 'em quiyim 'xoic da netoonaxaguii, qam quedajo ma'le, ca' sqoue 'vii caua na'xata' 'xoic ca ne'guenaxaguii.

1 Pedro 2:7

Caqamiri ma' mashic viilec, ca' sojo qa' chalego da lovic, qam quená'maq sqai huelec, ca' ipaquichigui ma'le dá'maq naneretañi la'qaatec ñi qota'a: So qa' ỹañijno' na'le so 'imec lo'ollipi, ca ỹovira'a quiyim chaqaiso só'maq nollaañi ca 'imec.

1 Pedro 5:4

qaiyi ma' ỹovita quiyim novi' só'maq reloqota'a ná'ogue na la'gaxalateripi ná'maq mashic icoñiguit da na'qaatec, ca' coñiguit cá'maq nishivichii 'ue lauaq, sqai 'nejem aca lishiuetenaxanqate ca chaqai qom, ma' ishit ỹaso 'nejem aca qo'paq laue.