1 Pedro 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ma' da rpi'ỹaxaguii 'neetari' ca 'oro, ca' ỹouen quiyim qai'guen, qaỹahote'e ca norec, qaiyi re'oq cá'maq ỹaatqajam loyac. Da npi'ỹaxac quiyim ca'laxatauec ca ne'guenaxac, ca' paguec loyac queca 'oro, ma' ca'maxare tai'a quiyim imeuo. Ca' vichiguiño' da rpi'ỹaxaguii qamiri quiyim qai'guen, ca re'oq quiyim qaỹa'maxarenta chaqai qaimaqachin da loyac ma' ỹovita quiyim liỹa re'oq so Jesucristo.

1 Pedro 1:7 Iomraidhean Croise

Eclesiastés 5:14

ma' no'm ỹo'maqajnac ca nemeenaxac, ca' sqoue imeetaho cá'ogue ca lesallaxa, chaqai no'm 'ue ca llaalec, ca' qaca aca taalec ma'le ca'maxare.

Malaquías 3:3

Ñi qara'gaxala' nqa'xanñi, ca' co'taxat ma'le na netaxaỹaxanqajanqaipi, ná'maq chigoxougui so Leví, 'ec cá'maq co'taxat ca plata chaqai ca 'oro, ỹahote'e norec. Ime, ca' naua'maxare ishit ỹaando ca lachitaxanataxanaxat quiñi qara'gaxala', ipacqajanchigui dá'maq ỹaatqajam 'neeta ca nachitaxanataxanaxat.

Mateo 19:28

Ca' so Jesús 'naaco' quesaua'maxare: —Ỹaatqajam llic da shinac caqamiri, quecajo na'xa'a ma' ná'ogue qano'viishiguim dalaxaic nqohin, ma' najo ỹale llaalec nqa'xanñigui aca 'ue lauaq qa'xanaxaqui quiyim nashi, ca' qamiri ma' quiita'pegue' aỹim, ca' qamiri qai'neeta nqa'xañiñiguilo caua doce nashi nqa'xanaxaqui', ca michii na llaalqaipi saua doce llaalqa so Israel.

Mateo 25:21

Ca só'maq a'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Mateo 25:23

Ca so na'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Lucas 12:33

Miiñii naua rouenaxahi. Ime, ca' 'ỹaañim na 'ue ca ỹouentaque. Ime, ca' 'viichii aca qachoxoguii se ishit quiyim qo'oq, chaqai da nesallaxa hueeta'gue da piguim ma' se imeho, chaqai se inoxono ca cuataxai, chaqai se rechigaxan ca pit.

Lucas 17:30

Ca chaqaida 'neeta ma' ỹovi' ca na'xa'a quiyim liỹa nachaxan najo ỹale llaalec.

Juan 12:26

Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.

Juan 5:44

¿Negue' cá'maq 'neeto' quiyim 'ue ca viilec qamiri quiyim coñi'chiguit ca lemaqajnataxanaxa quiñi 'óna 'nejemalam, qam sqai michiỹaque cá'maq nemaqajnataxanaxa chicqo'ot ñí'maq qaiñiita qota'olec?

Hechos 8:20

Ca' so Pedro 'naapego' so Simón: —Qami' chaqai ana qadami' qui'sa'ñi', ra'lliỹañi. Ma' 'ñi'sapega quiyim qarishiujnaxana ca lame ñi qota'olec.

Romanos 2:10

Qam ñi qota'olec ỹaanem ma'le da lemaqachic, lecaic chaqai la'maxa ná'ogue ná'maq ỹo'ueetetac ca ỹa'maqachiguiñi, 'au nqai'en na judioipi chaqai qai'neeta ná'maq sqai judioipi.

Romanos 2:29

Ta'ta'a quiyim cá'maq ỹaatqajam judío le'ec, qam quená'maq pa'aauo; chaqai quiyim 'ue ca netanec, qam cañi le'taxanata. Qam sqa chicqaugui na naqataxac naneretañi, chicqaugui da se re'xogui 'ueenataxac. Cá'maq 'neetari' dajo, ca qaỹa'maxarenta; qam mesqai quena qomyipi, ta'ta'a quiñi qota'olec.

Romanos 2:7

Ca ñi'maxare ỹaanem da lca'laxa sqaica lqodoc ná'maq idaantaque da lquesaxanaxa chaqai qaimaqachin quená'maq sqaica lqodoc chicqo'ot ñi qota'a quiyim se neme ỹo'ueetetac na ỹa'maqachiguiñi.

Romanos 8:19

Ca' 'xoic da nishoxo chaqai da quitaxac quiyim ma' ná'ogue na lo'ueenatqaipi ñi qota'a nauaanta'a cajo laloqo' quiyim ma' na llaalqaipi ñi'maxare qaỹachaxanec da no'ueenataxac.

1 Corintios 3:13

Qam ca lo'ueenataxanaxac quiñi 'óna ma'le re'oq ma' ỹovita ca pa'aatec na'xa'a. Ma' queca na'xa'a novi' ma'le ca norec, ca' cajo norec ỹavigaxat ná'maq ỹoreta'oguit no'ueenataxanaxat. Ca' quiyi, ca hua'ñi, ca re'oq cá'maq lo'ueenatec quiñi 'óna.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

Santiago 1:12

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

1 Pedro 1:13

Ca vichiguiño' ỹaatqajam 'maxachichiguiñi ca ra'deenataxanaxaguii quiyim 'ue ca 'viichii, chaqai ỹaatqajam 'ajñita. Ỹaatqajam machiỹalec da naquitaxaguii da lqouagaxa ñi qota'a quecá'maq ỹaanema qamiri ma'le ma' liỹa re'oq so Jesucristo.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.

1 Pedro 2:4

Ca vichiguiño' nqo'ñiu'a so qara'gaxala' Jesús, 'ñiita'gue ca qa' nca'leetauec. Sojo qa' só'maq lañijnec na'le so qomyipi, qam ñi qota'a nca'au'a chaqai 'xoic lovic nqai'en.

1 Pedro 2:7

Caqamiri ma' mashic viilec, ca' sojo qa' chalego da lovic, qam quená'maq sqai huelec, ca' ipaquichigui ma'le dá'maq naneretañi la'qaatec ñi qota'a: So qa' ỹañijno' na'le so 'imec lo'ollipi, ca ỹovira'a quiyim chaqaiso só'maq nollaañi ca 'imec.

1 Pedro 4:12

Qamiri ỹaqaỹarolqa, 'neeto' lotqai la'lliỹa'guit da lquesaxanaxa da ne'guenaxaguii taatalgoto qamiri quiyim 'ec sqai viriỹau'a quet.

1 Pedro 4:13

Ta'ta'a quiyim 'ue ca netoonaxaguii quiyim mashic nouañiỹau'a da le'xoric so Cristo, qaiyi qai'neeta 'xoic ma'le ca netoonaxaguii ma' daañiỹa'guit ca lauaq cá'maq loviraxac so'maxare.

1 Pedro 5:1

Nagui sa'ue da ỹaqataxac quená'maq la'gaxala' ná'maq mashic icoñiguit da na'qaatec, ma' ỹim qai'neeta ỹim na'gaxala' shintam aqamiri, chaqai sauanchigui dá'ogue dá'maq le'xoric so Cristo, chaqai qai'neeta shinta ma'le saua'maxare ñouanau'a ca lauaq qaỹachaxan ma'le.

2 Pedro 1:1

Aỹim ỹeenaxat Simón Pedro, ỹim la'ac chaqai aỹim lelaatec so Jesucristo. Shiriñi ana ilaata tai'alo nqaishine' qamiri quiyim mashic viriỹau'a dá'maq chalego loyac rpi'ỹaxaguii 'nejem dá'maq npi'ỹaxac hueeto'oto qomi', ma' so qota'olec Jesucristo, só'maq qarca'laxaqui, so'maxare ishit ỹo'uet ca ỹa'maqachiguiñi.

2 Pedro 1:4

Ca' ỹachigoxochichiguilo nauajo nauá'maq 'em quiyim ñi qota'a 'ue da ỹachaxantac coqomi' chalego lecaigue' chaqai chalego lecaic ca lashivichaxac, qaiyi chicqochigui dá'maq qaỹachaxantac, ca' qamiri viriỹau'a quiyim nouañiỹau'a da no'ueenataxac ñi qota'a chaqai rayichii sqa lliguiguit ná'maq se no'uen namaanaxanaxa qanodolec na 'laua.

2 Pedro 3:14

Vichiguiño' qamiri ñauochaxaua' ỹaqaỹa', quiyim ñaq nauaañita'guita cauajo, ca' ỹaatqajam reuogoxohi, qaiyi ma' novi' ñi qota'a, ca natenejlgoto qamiri quiyim 'ue da reuagaxahi, co'teete' naua re'taxanatahi, chaqai qaica ca rasauaxashichii.

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.

Apocalipsis 3:18

Ca vichiguiño' 'ue da ỹaqataxac nagui caqami', quiyim chigoxochiro'ot aỹim ma'le cá'maq shiujnaxañita cá'maq ỹaatqajam 'oro nqatelecsec, qaiyi ỹaatqajam qami' nesallaxanec, chaqai quiyim chigoxochiro'ot aỹim quiyim shiujnaxañiraque ca qatooỹaqui' lalagaxaic, ca ñi'riñi, ca po'irelec ná'maq ỹo'ueetetac na nayiloxo quiyim ñi'sauec, chaqai shiujnaxañiraque ca latate' naua nqochichi', qaiyi neuañiriñi.