1 Pedro 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' chaqaida dá'maq dajo dá'maq 'em quiyim 'xoic da netoonaxaguii, qam quedajo ma'le, ca' sqoue 'vii caua na'xata' 'xoic ca ne'guenaxaguii.

1 Pedro 1:6 Iomraidhean Croise

Salmos 95:1

Nahiquena, so'ueenaxanqatalec ñi qara'gaxala', ñitoonqatac; so'ueenaxanqatalec ñí'maq quepaqataxanteguelgoto qomi' chaqai qarca'laxaqui.

Isaías 61:10

Chalego da la'maxa iuel chaqai 'xoic da ñitoonaxac quiñi qara'gaxala' qota'olec, ma' ñi'maxare 'xoic da lotaanaxanaxac caỹim, ¡ỹaatqajam ỹa'ue da ỹoxonaxanaxac! Shinta ca sham shilo quena' no'ueet ỹanñi aca no'uen nado'o, chaqai aca 'aalo sham shilo ỹañiñi naua no'ueetqate'.

Isaías 61:3

ca' 'ue ca saanem na noỹentagui quiyi Sión: da lachicoxo ñigui nqaishin da netoonaxac, da oỹenaxac ñigui nqaishin da naỹaac, da lachitachic ñigui nqaishin da no'ueenaxanaxac. Na'maxare 'neetari' ana qo'paq lanecse ñi qara'gaxala' qota'olec, ma' ỹahotaque ỹachaxan da lquesaxanaxa.

Mateo 11:28

Naguipegue' aỹim qamiá'ogue, ma' mashic rco'chiiuec quena ro'ueenataxanaxaguii chaqai quena ri'ỹaaguii, ca' ỹim ñco'mataxandec qamiri.

Mateo 26:37

Ca' ỹauec so Pedro chaqai saua dos llaalqa so Zebedeo. Ca nauata'guit so lachicoxo chalego lecaic chaqai so lachitachic.

Mateo 5:12

Ca' ỹaatqajam ra'maxaichiguiñi, netooñitac, ma' qamiri coñiguit ca chalego lecaic nishivichii ma'le queda piguim. Ma' chaqaida qohine'teco' na'le da nocanaxac só'maq 'au letaxaỹaxaquiripi ñi qota'a na' saqa'lecaua qamiri.

Lucas 1:47

chaqai da ñachaalataxac ỹaatqajam netoonta'pegue ñi qota'olec ñí'maq ica'laxala'.

Lucas 10:20

Qam se netooñigue quiyim na ne'ec lecmaxaic na'xaỹaxanalo qamiri, qaidaata quiyim yi qadeenaxachii naneretañi queda piguim.

Lucas 2:10

Qam so nelaatec 'naaco': —Se ro'chii, ma' ỹim ñoda'alo qamiri da no'uen ra'xaỹaxaguii. Ma' da'maxare ỹo'uet ma'le ca netoonaxac ná'ogue na qomyipi.

Juan 16:22

Ca' qamiri qai'neeta nagui 'ue da rachitachiguii; qam ỹim liỹa seuanalo qamiri ma'le, ca ma'le, ca' no'xagui ma'le añi re'taxanatahi queca netoonaxaguii, ca' qaica ishit naqat da netoonaxaguii ma'le.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Romanos 12:12

Netooñita'gue dá'maq quiyim 'ue da naquitaxaguii. Chaqai ỹaatqajam neualaxaviñi'e' quiyim 'ue ca ne'guenaxaguii. Chaqai sqai 'xañiñi da nqouagaxainaxaguii.

Romanos 5:11

Qam mesqaidaata dajo, ma' qai'neeta 'ue da qanetoonaxac quiñi qota'a chicqochigui so qara'gaxala' Jesucristo. Ma' so'maxare chicqochigui quiyim huaqui'chiguita qomi' nagui ñi qota'olec.

Romanos 5:2

Ma' chaqaiso só'maq Cristo só'maq 'em quiyim seconaxaguit da lqouagaxa ñi qota'olec, qam dajo chicqochigui da qarpi'ỹaxac. Ca' dajo qanqouagaxa ỹaatqajam ña'ñaxatqa'tegue, chaqai 'ue da qanetoonaxac, ma' mashic 'ue da qanaquitaxac quiyim ñouanqau'a da lauaq ñi qota'olec.

Romanos 9:2

Ỹaatqajam sachicota chaqai ñaqai eec da nqui'ic cañi i'taxanata,

2 Corintios 4:17

Ma' dá'maq qare'xoric queda qanachaalataxac cocho'qui' chaqai sqaỹaloq ime'uegue. Ca' chaqaida dá'maq chicqochigui quiyim noviraqtoxoua' da lauaq sqaica ca lqodoc chaqai ỹapacauec, sqai 'nejem na qane'guenaxaquipi.

2 Corintios 6:10

'Eno'm sachicoqota, qam ñaqai qara'maqachiguiñi. 'Eno'm se'xorqata, qam 'xoic na 'ue nqaiyi nqaishinaq. 'Eno'm qaica ca yi coqomi', qam qaica cá'maq souenqataque quená'ogue.

Gálatas 5:22

Qam da llaqtaxac so Espíritu Santo queca qom 'neetasa': ne'xorenataxanaxa, toonaxac, na'maxa, neualaxavic, nauotaxanqachic, neuagaxaric, chaqai naqamaxa,

Filipenses 2:26

Ma' 'xoic da lishoxo quiyim qamiá'ogue iuañiỹaxaua', chaqai 'ue da liyaxa ma' qamiri 'ue ca ra'xaỹaxaguii na'le na' ralola.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Filipenses 4:4

Naua'que naua na'xata' netooñita'gue so qara'gaxala'. Liỹa sopilalec shinac: ¡netooñitac!

1 Tesalonicenses 1:6

Ca' qamiri quedá'maq 'ñiita ỹaatqajam quiijlec da qano'ueenataxac chaqai da no'ueenataxac so qara'gaxala' Jesús na' coñiguit da na'qaatec, ca' so Espíritu Santo ỹaanema qamiri da netoonaxaguii, 'eno'm 'xoic da re'xoriguii.

Santiago 1:2

Qamiri ỹaqaỹa', ỹaatqajam necoñiỹaque da netoonaxaguii quena' viitaugui canchaqaica quena ỹoreta'oguit ne'guenaxaguii.

Santiago 1:9

Ca qarqaỹa no'm ñaqai 'xoraic, queca'maxare no'uen quiyim ỹaatqajam netoontac ma' ỹovi' ca na'xa'a quiyim qaỹalamaxajñi quiñi qota'a.

Santiago 4:9

Ỹaatqajam chigoita, chaqai nohiñii chaqai naualaxaiñii. Sqa ỹalliguiritac, ta'ta'a quiyim niñitesañi naua rachiri. Chaqai sqai huaguichiguiñi, ta'ta'a quiyim chigoita.

1 Pedro 3:17

Ma' paguec la'maxa quiyim 'ue ca re'xoriguii, qam quiyim 'viichitac cá'maq ỹa'maqachiguiñi, no'm chaqaida dá'maq ỹahotaque ñi qota'a, qam mesqaida quet quiyim 'viichitaiquet ca se no'uen.

1 Pedro 4:7

Ca tot qoỹoqaque ca lqodoc ná'ogue nanchaqaina. Ca vichiguiño' sqai qamiri que'guenataxanaxaiqa. Ta'ta'a quiyim ỹaatqajam coñiỹa da nqouagaxainaxaguii.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.

1 Samuel 2:1

Ca' da nqouagaxainaxac aso Ana 'neetasa': Qami' ỹa'gaxala', somato'ot qami' añi i'taxanata queda ñitoonaxac, ma' qami' vite da dalaxaic ña'ñaaqataxac. Ca' ỹim nagui seshit setaxaỹa na ñpa'guenaxauaripi, ma' qami' yotauañi'. Ca' ¡ỹim nagui 'ue da iuagaxa!