1 Pedro 1:3 - La'qaatqa ñi qota'olec Qota'olec & Qota'olec Novita Na Qomyipi

³ Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,

1 Pedro 1:3 Iomraidhean Croise

1 Reyes 8:15

'Naaco': —Ỹaatqajam qaimaqachin ñi qara'gaxala' ñí'maq qota'olec quena Israel, ma' ipacqajanchigui dá'maq ỹachaxantaco' na'le queso ita'a David, co'na' 'naac:

Éxodo 34:6

Ca co'na' que'tot so Moisés, ca 'uo' da 'naac, qam netenegue da la'qaatec: —¡Na na'gaxala'! ¡Na na'gaxala'! ¡Na'maxare qota'olec sotaxaraic chaqai 'xorenataxanaxaic, hualaxauaic, chaqai ỹaatqajam chalego lecaic da lqouagaxa quena qomyipi, chaqai ipacqajanchiguilo naua la'qaatqa quena' 'ue da 'naac! (34.7-27 Ñi qota'olec liỹa nadalaxashiguim da na'maqataxac)

Jonás 4:2

Co'na'le, ca' nqouagaxainot ñi'maxare, 'naaco': —Ñaqa 'ajñi', qami' ỹa'gaxala', chaqaida dajo dá'maq shinac quen quiyim 'neeta ma'le na' ñaqai senta'gue da ỹa'a'. Vichiguiño' chaqa'ma' sham seet, saigue da Tarsis, ma' ỹim sa'den quiyim qami' 'xorenataxanaxai chaqai 'ñaaxaic qavilli'. Ca' 'xachi' da rouaxanaxanaxaqui', qam lotqai netogochi', ma' paguelec da re'xorenataxanaxa'e'.

Juan 1:13

Qam na'maxare sqai 'nejem da ne'xaỹoqsoxoc na llaalqaipi na re'qoochigui qom. Ma' na'maxare ne'qaañi, qam 'nejem da no'ueenataxac ca chaqai qom, loqo'm ca chi lqo'itaxanqachic ca ỹale. Ta'ta'a quiyim ỹaatqajam llaalqaipi ñi qota'olec ma' huelec ñi'maxare.

Romanos 12:12

Netooñita'gue dá'maq quiyim 'ue da naquitaxaguii. Chaqai ỹaatqajam neualaxaviñi'e' quiyim 'ue ca ne'guenaxaguii. Chaqai sqai 'xañiñi da nqouagaxainaxaguii.

Romanos 15:13

Ca' ñi qota'olec ma' chicqo'ot da qanaquitaxac, no'xaguilo nqai'ne' qamiri queda netoonaxaguii chaqai queda ra'maxahi quiyim mashic viilec ñi'maxare, qaiyi no'qaachiguilo qamiri quedá'maq naquitaxaguii chicqochigui da lquesaxanaxa so Espíritu Santo.

Romanos 4:25

só'maq qoỹaañiguit da lelauaxa sauaxat na qarasauaxaseteripi, chaqai liỹa qanca'laxatec, qaiyi icoñi'chiguita qomi' ñi qota'olec.

Romanos 5:10

Ma' ñi qota'olec ỹachigoxochichigui da lelauaxa so llaalec quiyim huaqui'chiguita qomi' co'na' ñaq qanpa'guenaxaua. Ca' paguec nagui, ca nca'laxaterec qomi' queso llaalec quedá'maq chi lca'laxa, ma' mashic huaqui'chiguita qomi' ñi'maxare.

Romanos 8:11

Ca no'm neetauguilo qamiri ca ne'Espíritu ñí'maq liỹa nca'laxatec na'le so Cristo Jesús queso lelauaxa, ca' ñi qota'a ñí'maq liỹa nca'laxatec na'le so'maxare, chaqaiñi ñí'maq ỹa'ue ma'le ca dalaxaic nachaalataxac ná'maq roshicmaxahi mashic taata'a yi nelauaxa, chicqochigui nqai'en só'maq ne'Espíritu neetauguilo qamiri.

Romanos 8:24

Ma' chaqaida dajo qanaquitaxac dá'maq 'em quiyim qanca'laxaterec qomi'; qam no'm ca qom iuana cá'maq nauaanta'a, ca' dajo totqai quitaxac. Ma' queca qom quiyim mashic iuana, ca' qaica quet cá'maq 'neeta quiyim nauaanta'a.

1 Corintios 13:13

Ca' chaqaida, quiyim da npi'ỹaxac, chaqai da quitaxac, chaqai da ne'xorenataxanaxa qaica ca lqodogue'; qam dá'maq ỹapacauec quedaua tres, dá'maq ne'xorenataxanaxa.

1 Corintios 15:20

Qam dá'maq ỹaatqajam llic quiyim so Cristo na' ileu, qam liỹa nca'leuec nqohin quiñi qota'a. Ca' chaqaiso só'maq la'auaxanec quiyim qanca'laxatec quena leuaxaiquipi quená'maq tai'a quiyim qanca'laxatec qai'neeta.

2 Corintios 1:3

Semaqachinaq ñi qota'a, ñí'maq leta'a so qara'gaxala' Jesucristo, ma' chaqaiñi ñí'maq qareta'a qare'xoren, chaqai chaqaiñi ñí'maq qota'a ñí'maq se neme quiyim lo'daxatetapiguilo naua qovilli'.

Gálatas 6:16

Ca ná'ogue ná'maq queetalec dajo ñicyaxac, chaqai ná'ogue ná'maq ỹaatqajam lalamaxaret ñi qota'a, ca' icoñiguit da na'maxa chaqai da ne'xorenataxanaxa.

Efesios 1:17

Sashiilatac ñi qota'olec queso qara'gaxala' Jesucristo, ñí'maq chalego lecaic qareta'a, quiyim ỹaanema qamiri ca na'deenaxanaxa chicqo'ot nqai'en so Espíritu, qaiyi 'yiiñii cá'maq ỹachaxañiỹaxarom chaqai quiyim ỹaatqajam 'yiiñichigui dá'maq 'neeta ñi'maxare.

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

Efesios 1:7

Quedá'maq chalego lecaic le'xorenataxanaxa, ca' ñi qota'a nca'laxaterec qomi', chicqochigui nqai'en da lelauaxa so llaalec, ca ỹapalaxate' caua qarasauaxasete'.

Efesios 2:4

Qam ñi qota'a ỹaatqajam chalego lecaic da le'xorenataxanaxa ma' ỹaatqajam ỹauoteguelo qomi',

Efesios 3:20

Ca' nagui, ca' semaqachinaq ñi qota'a ñí'maq 'ue da lquesaxanaxa quiyim ishit ỹapacqajnauec cá'maq ỹo'uet quecá'maq sashiilaxanqataque, loqo'm ca sa'deenqataque, chicqochigui nqai'en da lquesaxanaxa hueetauguilo qomi', ro'ueenataxantac.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.

1 Tesalonicenses 1:3

Ỹaatqajam ỹauanchiguilo qomi' ñi qota'olec quena' so'leentaxanqatac caqamiri, ma' 'xoic da rpi'ỹaxaguii quena' 'ueenataxañii, chaqai queda re'xorenataxanaxahi, ca' 'xoic da re'xoriguii, chaqai ỹaatqajam na'ñaxachii quiyim 'taxachichiguiñi da naquitaxaguii queso qara'gaxala' Jesucristo.

1 Tesalonicenses 4:13

Qamiri qarqaỹa', se sa'maxarenaq quiyim sqa 'yiiñii dá'maq 'neeta quená'maq mashic ileu, qaiyi sqa chigohita 'ñiitam ná'maq liỹa ma' sqaica ca naquitaxac.

2 Tesalonicenses 2:16

Ca' chaqaiñi ñí'maq qara'gaxala' Jesucristo chaqai ñi qota'olec, quedá'maq lqouagaxa, ca qare'xoren, ca' sqaica lqodoc nqai'en da la'maxa qouel chaqai da 'maxaraic qanaquitaxac,

1 Timoteo 1:14

Vichiguiño' da lqouagaxa so qara'gaxala' ỹaatqajam 'xoic lecaic caỹim, chaqai liỹa da npi'ỹaxac chaqai da ne'xorenataxanaxa hueetauguilo qomi', ma' ña'daqatau'a so Cristo Jesús.

Tito 2:13

Qai'neeta ỹapaxaguinque qomi' quiyim qolqatalec da qarauaanaxanaxac quiyim ñauaanqata'guit quiyim ỹovirelec ca laloqo' ca loyac cajo na'xa'a cá'maq qaỹachaxantapeguema qomi' cá'maq loviraxac quiyim naquetagui da lauaq cá'maq chalego lecaic qota'olec chaqai qarca'laxaqui Jesucristo.

Hebreos 3:6

Qam so Cristo ma' ñaalec paguec ỹaqamaxateta da lo'ueenataxanaxac quiyi la'a' ñi qota'a, yijo na'a' chaqainaua naua qomi' naua'maxare, no'm qolqatalec ña'ñaxatqa'chiguiñi queda qarpi'ỹaxac chi ỹovireta'a ca lqodoc, ñitoonqata'gue ma' 'ue da qanaquitaxac.

Santiago 1:18

Nañaanoxorom da qarca'laxa chicqochigui nqai'en da na'qaatec ỹaatqajam llic, ma' ỹahotaque quiyim qomi' la'auaxanqa la' quená'ogue na lo'ueenatec. Ma' chaqaida dá'maq ỹahotaque.

1 Pedro 1:13

Ca vichiguiño' ỹaatqajam 'maxachichiguiñi ca ra'deenataxanaxaguii quiyim 'ue ca 'viichii, chaqai ỹaatqajam 'ajñita. Ỹaatqajam machiỹalec da naquitaxaguii da lqouagaxa ñi qota'a quecá'maq ỹaanema qamiri ma'le ma' liỹa re'oq so Jesucristo.

1 Pedro 1:21

Ma' chicqochigui so Cristo quiyim qamiri viilec ñi qota'a ñí'maq liỹa nca'laxatec na'le so'maxare queda lelauaxa, ca' ỹaanem quiyim qaimaqachin. Vichiguiño' qamiri 'ue da rpi'ỹaxaguii chaqai da naquitaxaguii quiñi qota'a.

1 Pedro 1:23

Ma' qamiri mashic dalaxaic ne'xaiñi, qam da ne'xaỹoqsoxoguii sqai chicqochiguilo caua re'qoochiguilo qata'allii, ma' ileue' caua'maxare. Ta'ta'a quiyim da ne'xaỹoqsoxoguii chicqochigui da la'qaatec ñi qota'a dá'maq nca'leesauec chaqai se imero.

1 Pedro 2:2

'Ñiitam ca noctoqui' chita'gue ne'qaañi, ỹaatqajam na'ñaxachii daañitaque caua no'i' se re'xoguilo qaica ca lalecte' quiyim iỹaxate' qamiri, ca' ma'le, ca 'ue ca rca'laxahi,

1 Pedro 3:15

Ta'ta'a quiyim maqachiñii so Cristo quiyim la'gaxala' añi re'taxanatahi. Chaqai quiyim na'maxachitañi quiyim 'ue ca renachii quecá'maq 'maxaraic llicyaxac dá'maq naquitaxaguii, qam niñiiquishiñita chaqai se napacqajñii.

1 Pedro 3:21

Ca' sojo huaxaỹaq chaqaido' da chilaxac nagui dá'maq ỹa'xateta'guit, ca' chaqaida dá'maq chicqochigui quiyim qarca'leuec nagui. Dajo chilaxac mesqai chicqaugui quiyim chi qaico'taxat na noshicmaxa; ta'ta'a quiyim qaỹashiila ñi qota'a quiyim co'taxat yi qara'deenataxanaxac loma'. Ca' qarca'laxatec chicqochigui nqai'en na' liỹa nca'laxatec so Jesucristo,

1 Pedro 3:5

Ma' chaqaida dá'maq 'ne'teco' quen da na'maqataxac so 'auaxaic 'aallipi quiyim mashic nañaanot quiyim queetalec ñi qota'a. So'maxare pi'ỹa'a ñi qota'a, chaqai ỹaatqajam huelec so louaripi.

1 Juan 2:29

Ma' mashic 'yiiñii quiyim so Jesucristo ỹo'uet ca ỹa'maqachiguiñi, chaqai qai'neeta 'yiiñii quiyim ná'ogue ná'maq ỹo'ueetetac na ỹa'maqachiguiñi ỹaatqajam llaalqaipi ñi qota'a.

1 Juan 3:3

Ca' ná'ogue ná'maq hueeto'ot dajo quitaxac queso'maxare, ca' se ỹalliguiguit na se no'uen nqai'en da nachaalataxac, 'nejem nqai'en dá'maq 'neetari' so Jesucristo, ma' ỹaatqajam co'teeta da nachaalataxac.

1 Juan 3:9

Qaica quet cá'maq quiyim mashic llaalec ñi qota'a, ca' queetalec quet da nasauaxaset, ma' hueeto'ot da chaalataxac chicqo'ot ñi qota'a. Ca' se ishit quiyim queetalec da nasauaxaset, ma' mashic llaalec ñi qota'a.

1 Juan 4:7

Qamiri ỹaqaỹa', no'uen quiyim ñi'xoresenaqta', ma' da ne'xorenataxanaxa chicqo'ot ñi qota'a. Ná'ogue ná'maq 'ue ca le'xorenataxanaxa ỹaatqajam llaalec ñi qota'a, chaqai iuana ñi'maxare.

1 Juan 5:1

Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.

1 Juan 5:18

Sa'deenaq quiyim cá'maq ỹaatqajam 'neeta'gue ca leta'a ñi qota'olec se ỹo'uet ca lasauaxaset, ma' so llaalec ñi qota'a cochiitapega, ca' so na'ỹaapec se quehocau'a.

1 Juan 5:4

Ma' ná'ogue ná'maq llaalec ñi qota'a loxonec ná'maq nanatqaipi se no'uen hueetalec ana 'laua. Ca' da qarpi'ỹaxac ỹo'uet quiyim qodoxonec na'maxare.