1 Pedro 1:2 - La'qaatqa ñi qota'olec Qota'olec & Qota'olec Novita Na Qomyipi

² quená'maq ñi qota'olec lca'acse', nachiñi'chiguit nqai'en dá'maq shi'co' ỹahotaque na' saqa'leca na 'laua. Chicqochigui nqai'en so ne'Espíritu quiyim ỹoỹoote'ogalo qamiri, qaiyi na'xaỹaxañiỹa, chaqai qaiyi co'taxate' qamiri, ỹahota'ahi saua leuo' so Jesucristo. Ca' coñiguit dá'maq chalego lecaic nqouagaxahi chaqai da ra'maxahi.

1 Pedro 1:2 Iomraidhean Croise

Isaías 65:22

Ca' tot qaica dá'maq quiyim 'ue ca no'xonshiguim ca lauo', ca ỹoqa'a ca naugui, loqo'm 'ue ca danaxan, ca' ỹoqa'a cá'maq ỹa'maq. Na ỹalamaxareteripi ỹaatqajam ladoc ma'le aca lqauaxaqui, 'ec ma'le ana qo'paq; na ica'acseripi que'eetapigui ma'le dá'maq chi lo'ueenataxanaxac.

Daniel 6:25

Ca co'na'le, ca' so nashi Darío ỹa'ue so lerec, taỹaugui nqai'en sá'ogue so ỹoreta'oguit qomyipi neetalec yi 'laua, 'naacsa': Sahotaque quiyim qaicanqaida chaqai 'ue nqaiyi caqamiri,

Mateo 24:22

Ca' ñi qota'olec quetqai se nqo'naxajta' cauajo na'xata', ca' qaica quet cá'maq ishit nca'leuec. Qam nqo'naxajta' ma'le, ma' i'xoren ná'maq lca'acseripi.

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Mateo 24:31

Ca ila' na lelaatqaipi piguim laseripi quiyim netenegue da lelamaxa ana lpe'te pe'taxan, ca' qaiyi lapoonta' ná'ogue na lca'acseripi neeta'guelo naua cuatro llico na nonot, qaỹachigoxota'ogalo naua'que naua lahil na 'laua.

Marcos 13:20

Ca no'm ñi qara'gaxala' que' nqai'ne' cauajo na'xata', ca' qaica quet cá'maq nca'leuec. Qam ñi'maxare paguec da le'xorenataxanaxa quená'maq lca'acseripi, ca' naqagaxachiñi sauajo na'xata'.

Marcos 13:22

Ma' 'xoic ná'maq anac ma'le 'maatqaiquipi, 'naac ma'le chaqaina ná'maq nashi nca'laxaqui loqo'm 'ec letaxaỹaxanqajnec ñi qota'a. Ma' na'maxare ishit ỹo'uet na netanqaipi chaqai ná'maq se qaiuanapega, sha'apiguito' quiyim ỹayin ná'maq shi'gue lca'acseripi ñi qota'olec.

Marcos 13:27

Ca ila' ma'le na lelaatqaipi piguim laseripi quiyim lapoon ná'maq lca'acseripi quenaua'que naua lahil na 'laua, vire'ta ná'maq paguec lesega quena 'laua chaqai quena piguim.

Lucas 18:7

Ca' ñi qota'olec ¿se iuejelco' qai'neeta ca lca'acseripi quiyim ne'xoresentacot ñi'maxare naua'que naua na'xata' chaqai naua piri? Ca' ¿peeta'a 'uo' ca nauaantaque nqai'en? 'E'.

Hechos 15:18

Ca' chaqaida 'neeto' da la'qaatec ñi qara'gaxala' ñí'maq ỹo'uet quiyim qaỹa'deene' nauajo nallaaqo'.

Hechos 2:23

Qam na' qoỹaanouguilo qamiri quiyim ipaquichigui nqohin dá'maq la'deenataxanaxac ñi qota'olec nallaaqo', ca' qamiri coñirii chaqai lauachii, qaipatentaho nqai'ñii queso qomyipi hualoxonyipi.

Hechos 20:32

Ca' nagui qamiri ỹaqaỹa', spa'xana'guita qamiri ñi qota'olec chaqai da la'qaatec chicqochigui quiyim sa'deenaq da le'xorenataxanaxa. Ma' ñí 'ue da lquesaxanaxa quiyim ỹa'ñaxate' qamiri, chaqai ỹa'ue ca romari, lliguitaugui ná'ogue ná'maq lalamaxat ñi'maxare.

Romanos 1:5

Ca' ñi qota'a nqouagueguelo qomi', chicqochigui nqai'en so Jesucristo, ca' qarela' quiyim so'ueenataxanot so'maxare, qaiyi quená'ogue ná'maq ỹoreta'oguit qomyipi 'ue ca huelec chaqai na'xaỹaxana.

Romanos 1:7

Shiriñi dajo, tai'alo nqaishine' qamiá'ogue qamiri ñiita'ñi na na'a' lodegaxat Roma. Ma' nqo'talo qamiri ñi qota'a chaqai roỹaxanalo qamiri quiyim machii'ot da nachaalataxaguii. Ca' coñiguit da lqouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

Romanos 11:2

Ma' ñi qota'olec shi'gue lca'acsec na Israel laseripi quiyim lalamaxat. Ca' nagui se liỹoqa'piguit. ¿Sqa 'yiiñiỹo' qamiri dá'maq 'nerac naua naneresañi la'qaatqa ñi qota'a? Dá'maq 'neeto' na'le so qota'a letaxaỹaxanqajnec leenaxat Elías na' nqouagaxainot ñi'maxare, ca' 'ue na imaxalec so Israel laseripi, 'naaco':

Romanos 11:28

Ma' na judioipi se icoñiguit na'le da na'qaatec chicqaugui da nca'laxa, ca npa'guenaxaua nqohin ñi qota'a, qaiyi 'ue ca qayiguiuo qamiri; qam ñi qota'a ñaqai i'xorentac na'maxare, ma' lca'acsec só'maq 'auaxaic leta'allipi.

Romanos 15:16

quiyim aỹim lelaatec nqai'en so Jesucristo quená'maq sqai judioipi, quiyim so'ueenataxanougui. Ca dá'maq so'ueetetac 'neetasa' quiyim sa'xatetapeguem da na'qaatec chicqaugui da nca'laxa ỹachaxantac ñi qota'a, qaiyi saanot ñi'maxare ná'maq sqai judioipi, 'nejem aca nachitaxanataxanqate qaỹa'maxarenta quiñi qota'a, ma' mashic qaỹoỹoota'oga na'maxare queso Espíritu Santo.

Romanos 16:19

Ná'ogue ỹa'deenta quiyim ỹaatqajam na'xaỹaxañita. Vichiguiño' ñitoontac, chaqai sahotaque quiyim na'maxachitañi quiyim 'maxaraic ca ro'ueenataxanaxaguii, qam sqo 'viichii ca se no'uen.

Romanos 16:26

Qam nagui, ca' qaichoxot, chicqochigui nqohin naua naneresañi na'qaatqa no'ueenaqterañi na'le saua 'auaxaqa letaxaỹaxanqajanqa ñi qota'a, dá'maq relaataxanlco' na'le ñi qota'a sqaica lqodoc. Dajo se re'xogui lo'ueenataxanaxac ñi qota'a nagui, ca' qaichoxotem ná'ogue na ỹoreta'oguit qomyipi quiyim huelec chaqai na'xaỹaxana.

Romanos 8:13

Ma' no'm qamiri qaidaata quiita'uegue na lqo'itaxanqachic na roshicmaxahi, ca' rillivii. Qam no'm chicqochigui nqai'ñii so Espíritu, ca' ileu nqai'ñii da lqo'itaxanqachic na roshicmaxahi, ca' rca'lliuec ma'le.

Romanos 8:33

Ca ¿nega'ỹo' ca ishit quiyim ỹa'ue ca lasauaxaset ca lca'acsec ñi qota'olec? Ma' ñi'maxare ñí'maq ỹa'xat quiyim qaica ca lasauaxaset ca'maxare.

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

1 Corintios 6:11

Quedajo 'ue quen na 'neetari' caqamiri quesom. Qam nagui mashic qamiri qaico'taxate', chaqai mashic nañaañiỹot ñi qota'a, chaqai ñi'maxare mashic ỹa'maxarente' qamiri. Qam dajo chicqochigui da leenaxat so qara'gaxala' Jesús chaqai so Espíritu chicqo'ot ñi qota'olec.

2 Corintios 10:5

Vichiguiño' qomi' seuagaxatqac ná'ogue nanchaqaina nasauaxaseteripi chaqai canchaqaica maqajnaxac quiyim ỹahotaque se qaỹa'den ñi qota'a. Chaqai ná'ogue ná'maq chi la'deenataxanaxac na qom saanqot so Cristo, qaiyi qana'xaỹaxana so'maxare.

2 Corintios 13:14

Chaqai coñiguit da lqouagaxa so qara'gaxala' Jesucristo, chaqai da le'xorenataxanaxa ñi qota'a, chaqai quiyim ỹalequetauguilo qamiri so Espíritu Santo. Ajá'a, ca' chaqaida 'neeta dajo.

Deuteronomio 7:6

Ma' qamiri ỹaatqajam qaỹoỹooterec, qaiyi ỹaatqajam qamiri lalamaxarete' ñi qara'gaxala' qota'olec caqamiri. Ñi qara'gaxala' qamiri lca'acse' quená'ogue na qomyipi hueetalec na 'laua, qaiyi ỹaatqajam qamiri lalamaxarete' ñi'maxare.

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

2 Tesalonicenses 2:13

Qam qomi' se neme quiyim saanqatecshiguim qana'aachic quiñi qota'a caqamiri, ma' qamiri qanauochaxaua' qarqaỹa' queso qara'gaxala'. Ma' ñi qota'a nca'au'alo qamiri na' ñaqa 'avichiguiñi, qaiyi rca'lliuec. Qam dajo nca'laxa chicqo'ot so Espíritu Santo só'maq 'em quiyim qamiri lalamqate' ñi qota'a, chaqai chicqochigui nqai'en dá'maq ỹaatqajam llic na'qaatec dá'maq viilec.

2 Timoteo 2:10

Vichiguiño' ña'ñaxachiguit ná'ogue nanchaqaina, ma' sahotaque quiyim na qota'a lca'acseripi ỹovira'oga da nca'laxa chalego loyac chaqai sqaica lqodoc. Dajo nca'laxa taỹoto qomi', ma' mashic ña'daqatau'a so Cristo Jesús.

Tito 1:1

Aỹim Pablo, aỹim la'ac ñi qota'a chaqai aỹim lelaatec so Jesucristo quiyim sotauan da lpi'ỹaxac na lca'acseripi ñi qota'a, qaiyi ỹaatqajam ỹa'deenta na'maxare dá'maq ỹaatqajam leloxoỹaxac dá'maq llic na'qaatec qomi' seuaqlec,

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Hebreos 11:28

Ma' so Moisés qai'neeta 'uo' da lpi'ỹaxac, ca' relaataxanlec so nqui'ỹaxac chicqochigui quiyim qanaqatec so Israel llaalqaipi quiyi Egipto. Chaqai relaataxanlec quiyim qaỹa'meene' naua lasomi' quesaua qagreta leuo', qaiyi só'maq qota'a lelaatec nalauataxanqajnec sqaica ca ỹovira'a quená'maq ỹi llaalec so Israel laseripi.

Hebreos 12:24

Ca mashic nqo'ñiu'a so Jesús ma' chaqaiso só'maq qaretaxaỹaxanqajnec quedá'maq dalaxaic 'maqataxac quiyim ña'maxataxa'e' ñi qota'a, chaqai quecá'maq hua'ñi ca qareletaxanalo saua leuo' so Jesús. Saua'maxare ỹaatqajam napacalgoto saua leuo' so Abel quiyim ra'qaataxanalo qomi'.

Hebreos 5:9

Ma' so'maxare ỹaatqajam qanaloqojonchiguiñi da no'ueenataxac, ca ỹovirau'a quiyim chicqochigui nqohin dá'maq nca'laxa sqaica lqodoc quená'ogue ná'maq huelec so'maxare.

1 Pedro 1:14

Ma' mashic qamiri ñaalqa 'xaỹaxanaxaraqa, 'xañiñi ná'maq 'viichitac quen quesom na' saqa' huañiỹa ñi qota'a.

1 Pedro 1:19

ta'ta'a quiyim qarishiuetenaxanalo saua leuo' so Cristo só'maq co'na' qoỹaano quiyim qaỹalauat 'neetari' ca qagreta llaalec sqaica ca la'aqset chaqai qaca aca lete.

1 Pedro 1:20

So Cristo chaqai'eno' qaỹa'maxatetañi quiyim qoỹaano na' saqa'leca na 'laua, qam chaqainaquita nagui re'oq nqohin quenaua pa'aaterec na'xata', ma' qaỹahotaque quiyim ra'maxaiñi qamiri.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.

2 Pedro 1:2

Sahotaque quiyim coñiguit da chalego lecaic qouagaxa chaqai da na'maxa chicqochigui quiyim mashic 'ue da 'yiiñii quiñi qota'a chaqai quesó'maq qara'gaxala' Jesús.

2 Juan 1:1

Ỹim, mashic aỹim ñauapec na'gaxala', shiriñi anajo ilaata, tai'a nqaishin aca qarqaỹa lca'acse ñi qota'a, chaqai na llaalqaipi ná'maq ỹaatqajam llic se'xoren. Chaqai mesqaỹimeta se'xoren, ma' qai'neeta ná'ogue ná'maq ỹa'den da na'qaatec lliqueta.

2 Juan 1:13

Na llaalqaipi añi rqaỹa'e', ñí'maq qai'neeta lca'acse ñi qota'a, ilajta qami' da liquinaxanaxague'. Ajá'a, ca' chaqaida 'neeta dajo.

Judas 1:2

Sahotaque quiyim coñiguit cá'maq chalego nqouagaxahi, ra'maxahi chaqai ca ne'xorenataxanaxa chicqo'ot ñi qota'a.