1 Pedro 1:12 - La'qaatqa ñi qota'olec Qota'olec & Qota'olec Novita Na Qomyipi

¹² Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.

1 Pedro 1:12 Iomraidhean Croise

Éxodo 25:20

Ca 'óna reloqota'guit ca liỹa, qam na'iisa'ña aca lapooquete. Ca' naua laua' ỹiquesauec, nalooterelec aca lapooquete, 'ec la'altalec nqai'ne'.

Proverbios 1:23

Na'xaỹaxañiỹalo naua ỹaqataxaco, ca' ño'xataxachiguilo qamiri ma'le queda na'deenaxanaxa; ca' sa'deenaxanaxaneguelo qamiri ma'le naua ỹa'deenataxanaxaco.

Isaías 53:1

Ca' so qomyipi 'naac: ¿Negue' quet cá'maq huelec dá'maq qomi' sa'xaiqachigui? ¿Nega'ỹo' cá'maq ñi qara'gaxala' ỹachaxanem da lquesaxanaxa?

Joel 2:28

Ca na' ime'ueque dauajo, ca' socorougui so ñi'espíritu ná'ogue na ỹoreta'oguit qomyipi: na qachaalaxahipi chaqai na qachaallipi ỹa'xate' naua ỹa'qaatqa, na qo'xoiquipi 'ue ma'le ca le'guemataxac chaqai na ne'naqaipi 'ue ma'le na leuanaxanaxac.

Amós 3:7

Ñi qara'gaxala' se ỹauana quiyim 'ue ca ỹo'uet quiyim se ỹa'deenaxanaxanegue na lelaatqaipi letaxaỹaxaquiripi.

Mateo 11:25

Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Mateo 16:17

Ca' so Jesús 'naaco': —Qami' Shimoñi', qami' llaalec so Jonás, ỹaatqajam chalego da ra'maxa'e', ma' sqai qom ca ra'deenaxanaxañitegue dajo, qaiñiita ñi ita'a neeta'gue da piguim.

Marcos 16:15

Ca 'naaco' quesaua'maxare: —Mohi, oquii, quiipegue' na qomyipi neetalec ná'ogue na 'laua, ca 'xachim da na'qaatec chicqaugui da nca'laxa.

Lucas 15:10

Ca' ỹim shinapegalo qamiri ỹaatqajam 'ue qai'neeta da netoonaxac ná'maq qota'a lelaatqaipi piguim laseripi, quena' 'ue ñi netacocha quena sauaqhuaiquipi.

Lucas 2:26

Ca chaqaiso so ỹa'deenaxanaxanegue quiyim se imeho da nachaalataxac quiyim saqa' iuana ca nashi nca'laxaqui cá'maq nela' ñi qara'gaxala'.

Lucas 9:6

Ime, ca' que' saua'maxare, querepegue' ná'ogue ná'maq hua'ñi na na'aaterolqai', ca' ỹa'xatesac da na'qaatec chicqaugui da nca'laxa chaqai ỹomaterec na ralolaxaiquipi.

Juan 15:26

Qam ma' novi' cá'maq ỹotauane' chaqai ỹa'ñaxate' qamiri, ca Espíritu cá'maq ichoxot dá'maq ỹaatqajam lliqueta, ñila' ma'le chicqo'ot ñi qota'a, ca'maxare ỹa'xat ma'le aỹim.

Hechos 10:44

Ca co'na' ñaq retaqatac so Pedro, ca novi'o' so Espíritu Santo, ca taalec sá'ogue so qomyipi na'xaỹaxantapega da na'qaatec.

Hechos 16:10

Ca co'na' so Pablo 'ue so leuanaxanaxac, ca na'maxachiñi quiyim taategue da Macedonia, ỹaatqajam i'taxachiriñi quiyim ñi qota'olec roỹaxantapegalo quiyim ỹa'xate' queca qomyipi da na'qaatec chicqaugui da nca'laxa.

Hechos 2:33

Ma' ỹahote'e da loic ñi qota'olec ỹaconsop so Jesús, ca qaỹaueguegue da piguim, chaqai icoñiguit quiñi leta'a na Espíritu Santo ná'maq mashic shi'gue ỹachaxantac; ca ná'ogue ná'maq qamiri huañichigui chaqai ná'maq 'xaichigui chicqo'ot ñi'maxare.

Hechos 4:31

Ca co'na' ime da nqouagaxainaxague', ca' i'loxol ca neesa'ñi lapoota'ta'. Ca sá'ogue qano'xataxachichigui queso Espíritu Santo. Ca' qaica ca no'chiiraque ỹa'xatesac da la'qaatec ñi qota'olec.

Hechos 4:8

Ca' so Pedro no'qaachigui queso Espíritu Santo, ca 'naapegalo': —Qamiri nashil quena judioipi chaqai na qo'xoiquipi quena Israel laseripi,

Hechos 8:25

Co'na' ime ca la'qaataxanaxague' saua lelaatqa so Jesús, chaqai quiyim ỹa'xatesac da la'qaatec ñi qota'a, ca' lotqai ỹa'xatesac da no'uen na'xaỹaxac quiyim so Jesús ca'laqataxan, queesagui naua na'aaterolqai' hueraugui yi 'laua Samaria. Ca co'na' ime, ca' pile' queda Jerusalén.

Romanos 1:15

Ca' vichiguiño' aỹim ỹaatqajam 'ue da ishoxo quiyim sa'xatema qamiri qai'neeta da nca'laxa qamiá'ogue ñiỹa'ñi na Roma.

Romanos 1:17

Ma' dajo na'qaatec ichoxotema qomi' dá'maq 'neeta quiyim icoñi'chiguita qomi' ñi qota'a. Queda npi'ỹaxac, chaqai qaidaata da npi'ỹaxac. Ma' 'nerac naua naneresañi la'qaatqa ñi qota'a: “Cá'maq ỹa'maxarenta ñi qota'olec, dá'maq no'uen nachaalataxac chicqochigui da lpi'ỹaxac.”

Romanos 10:15

¿Negue' quet cá'maq 'neeta quiyim ỹa'xat quet da na'qaatec, no'm se qaila'? Ma' dá'maq 'nerac naua naneresañi la'qaatqa ñi qota'a: “¡Ỹaatqajam lo'yaxanec da loviraxac ná'maq ỹodootegueri' da na'qaatec chicqaugui da na'maxa, chaqai cá'maq ỹa'xatetac da no'uen na'qaatec!”

Romanos 15:19

chaqai da lquesaxanaxa na netanqaipi chaqai na se qaiuanapega, chaqai da lquesaxanaxa so Espíritu Santo. Ca' quedajo, ca imigui quiyim sa'xat da na'qaatec chicqaugui da nca'laxa chicqo'ot so Cristo, chicqochi'ñi yi Jerusalén chaqai naua'que naua lahil yi 'laua, chi ỹovireta'a yi Ilírico.

1 Corintios 2:10

Qam dajo ỹa'deenaxanaxanque qomi' ñi qota'a, chicqochigui nqai'en so Espíritu Santo, ma' so'maxare imitetac ná'ogue, chaqai ỹovira'a quiyim ỹa'den ná'maq 'xoic lecaic se re'xogui 'neeta'pegue ñi qota'a.

2 Corintios 1:22

Chaqai chaqaiñi ñí'maq ỹo'uet ca letanec coqomi', ca' ỹanaguilo naua qare'taxanata ñi Espíritu Santo, ñí'maq i'taxajñi cá'maq seconaxaguit ma'le.

2 Corintios 6:6

Chaqai re'oq qai'neeta nqaishinaq quiyim qomi' lelaatqa ñi qota'a quedá'maq 'maxaraic qano'ueenataxac, quiyí'maq qara'deenaxanaxa quedá'maq lliqueta, queda qareualaxavic, chaqai da qarqouagaxa, quedá'maq quiyim hueetauguilo qomi' so Espíritu Santo, chaqai dá'maq ỹaatqajam nachinchiguiñi qare'xorenataxanaxa,

Gálatas 1:12

Ma' se sachigoqto'ot ca qom, chaqai mesqaica ca yapaxaguinegue. Ta'ta'a quiyim chaqaiso so Jesucristo ya'deenaxanaxanegue da'maxare.

Gálatas 1:16

ca ỹo'uet quiyim seuana so llaalec, qaiyi sa'xat da na'qaatec chicqaugui da nca'laxa quená'maq mesqai judioipi. Qam cana' 'ue dajo, qaica ca shicpegue' quiyim senat.

Efesios 3:10

Qohine'teco' na'le dajo, qaiyi quená'maq mashic icoñiguit da na'qaatec chicqochigui ma'le quiyim ná'ogue ná'maq nquesaxanaxa chaqai ná'maq relaataxanac quena piguim iuana da la'deenaxanaxa ñi qota'a quená'ogue nanchaqaina leloxoỹaxaquipi.

1 Tesalonicenses 2:9

Qamiri qarqaỹa', no'viñita'gue quiyim ỹaatqajam 'ue da qaro'ueenataxanaxac chaqai ña'ñaxataq, ma' sahoqotaque quiyim ñauegaq ca qarepetaxanaxat. So'ueenataxanqatac quenaua na'xatari chaqai naua piri, ma' sahoqotaque quiyim qaica ca nesallaxantegueto qomi' na' senqatauguilo qamiri sa'xatqatac da la'qaatec ñi qota'a.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

Hebreos 11:13

Sá'ogue so qomyipi nelliviñi, qam se icoñiguit ca qaỹachaxantapeguem quiñi qota'a. Qam 'ue da lpi'ỹaxac so qomyipi, ca iuana, qam qoỹoqo'ta, chaqai ma' mashic huelec, ca' chalego loyac nqai'en na' ỹa'ajantac. Ca chaqaida 'neeto' na'le so qomyipi co'quena' ỹa'xatetac quiyim se lalamaxaret la'a' najo 'laua.

Hebreos 2:4

Chaqai ñi qota'a qai'neeta 'chichiguiñi nqai'en dajo na'qaatec. Ca ỹa'vii naua netanqa, chaqai ná'maq ỹo'uet da ne'laxa, chaqai 'xoic na ỹo'uet quená'maq se qaiuanapega, chicqochigui nqai'en so Espíritu Santo quiyim ỹaanema qomi' ná'maq ỹoreta'oguit ỹoiquentac quecá'maq 'ne'tegue.

Hebreos 4:2

Ma' qai'neeta mashic qaỹa'xatema qomi' da na'qaatec chicqaugui da nca'laxa, 'nejem qomi' na'le so'maxare na' qara'qaataxanem. Qam queso'maxare 'ec qaica ca 'negue da na'qaatec, ma' 'qaatapega, qam sqai huelec.

1 Pedro 1:25

qam daua la'qaatqa ñi qara'gaxala' chaqaidaata 'neesari', se imero. Ca' nauajo na'qaatqa chicqoraugui da nca'laxa chaqaida dá'maq qaỹa'xatema qamiri.

1 Pedro 4:6

Ma' ná'maq mashic ileu qai'neeta qaỹa'xatem da na'qaatec, qaiyi só'maq la'al ishit nca'leuec, 'nejem ñi qota'a nca'leetauec. 'Eno'm quiyim quenajo 'laua qaimit quet, qohinta'gue ná'ogue na liỹa qomyipi.

Apocalipsis 5:11

Ca na' ime, ca' ñamatashiguim, ca sa'xaỹaque na ỹaatqajam 'xoic lavillaxac na nelaatqaipi piguim laseripi nachaatetaho naqallichinchiguiñi aso nashi nqa'xanaxaqui chaqai quesaua ise' nca'leesauec chaqai queso qo'xoiquipi. Qam ỹaatqajam qaica ishit naloqochin só'maq piguim laseripi.