1 Juan 5:8 - La'qaatqa ñi qota'olec Qota'olec & Qota'olec Novita Na Qomyipi

⁸ Chaqai treeso' naua ỹa'xate' dajo quena 'laua: so Espíritu Santo, na huaxaỹaq na' qarachilaxanataxana, chaqai saua neuo' na' qaỹocoraqta'pe. Chaqai sauajo tres natene'ejta'.

1 Juan 5:8 Iomraidhean Croise

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Marcos 14:56

Ma' 'xoico' ná'maq 'ue na ỹa'xatetac, qam chi na'majanteguelec so'maxare, qam se natenta' ná'maq la'qaataxanaxaquipi so'maxare.

Juan 15:26

Qam ma' novi' cá'maq ỹotauane' chaqai ỹa'ñaxate' qamiri, ca Espíritu cá'maq ichoxot dá'maq ỹaatqajam lliqueta, ñila' ma'le chicqo'ot ñi qota'a, ca'maxare ỹa'xat ma'le aỹim.

Juan 19:34

Qam 'ue so ỹale neetaho quena nouaataxanaq ỹa'deho na lahi caso laqui, ca' ncopaata ca nenoxonec na leuo' chaqai na huaxaỹaq.

Hechos 15:15

Ma' dajo nachiñi'chiguit yi naneretañi na'qaatec quesaua letaxaỹaxaqui' ñi qota'a, quedá'maq 'naac yi naneretañi:

Romanos 8:16

Ca' chaqaiso só'maq Espíritu só'maq necoñiguit ñi qara'al, quiyim 'nerac quiyim mashic qomi' llaalqa ñi qota'a.

2 Corintios 1:22

Chaqai chaqaiñi ñí'maq ỹo'uet ca letanec coqomi', ca' ỹanaguilo naua qare'taxanata ñi Espíritu Santo, ñí'maq i'taxajñi cá'maq seconaxaguit ma'le.

Hebreos 13:12

Ma' qai'neeto' na'le so Jesús co'na' qaỹalauat pa'aatauec quiyi na'a' lodegaxat Jerusalén, qaiyi ishit quiỹouec na lasauaxaset na qomyipi, quiỹoxonalo sauá'maq chi leuo'.

Hebreos 6:4

Ma' ná'maq mashic shi'gue icoñiguit quiyim qaicoỹarelec da la'deenataxanaxac, chaqai mashic shi'gue i'guentac cá'maq lame ñi qota'a, chaqai mashic ta'ñigui so Espíritu Santo,

1 Pedro 3:21

Ca' sojo huaxaỹaq chaqaido' da chilaxac nagui dá'maq ỹa'xateta'guit, ca' chaqaida dá'maq chicqochigui quiyim qarca'leuec nagui. Dajo chilaxac mesqai chicqaugui quiyim chi qaico'taxat na noshicmaxa; ta'ta'a quiyim qaỹashiila ñi qota'a quiyim co'taxat yi qara'deenataxanaxac loma'. Ca' qarca'laxatec chicqochigui nqai'en na' liỹa nca'laxatec so Jesucristo,

1 Juan 5:9

Ỹaatqajam seuaxalec da la'qaataxanaxac na qomyipi. Qam da la'qaataxanaxac ñi qota'a paguec lecaic, ma' da'maxare ỹa'xat da na'qaataxac so llaalec.