1 Juan 5:3 - La'qaatqa ñi qota'olec Qota'olec & Qota'olec Novita Na Qomyipi

³ Ma' dá'maq ne'xorenataxanaxa quiñi qota'a, chaqaida dá'maq quiyim qana'xaỹaxane'talo naua lelaataxanaxaco. Chaqai naua'maxare se qalachi.

1 Juan 5:3 Iomraidhean Croise

2 Reyes 18:6

So'maxare ỹaatqajam ỹaqamqata quiñi qara'gaxala' chaqai sqai ca'e. Ta'ta'a quiyim ipacqajanchiguilo naua lelaataxanaxaco ñi qara'gaxala' ilarelgoto na'le so Moisés.

Éxodo 20:6

Qam ỹaatqajam se'xoren chaqai ỹaatqajam se neme da i'xorenataxanaxa quena llaalqaipi cá'maq yi'xoren chaqai ỹo'ueete' naua ilaataxanaxaco.

Miqueas 6:8

¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Mateo 23:4

Ma' iỹoxolec ca liỹa quiyim i'xat cana' tot qaica ishit i'xat. Ca ỹahotaque qai'xat quena qom, qam na'maxare se rotaanaxanau'a da nesallaxa cada 'oono'lli' lpalaaqate.

Juan 14:15

No'm qamiri yi'xoriñii, ca na'xaỹaxañii'talo naua ilaataxanaxaco.

Juan 15:10

No'm na'xaỹaxañiỹa na ilaataxanaxaquipi, ca' quiitalec dá'maq i'xorenataxanaxa caqamiri, ca 'nejem aỹim ña'xaỹaxanalo naua lelaataxanaxaco ñi ita'a, ca' shiquetalec da le'xorenataxanaxa caỹim.

Juan 15:14

No'm 'viichii da ilaataxanaxac, ca' qamiri ñauochaxaua'.

Romanos 7:12

Ca vichiguiño' dá'maq naqataxaquipi chicqo'ot ñi qota'a, ca' queca 'óna naqataxac 'maxaraic chaqai lo'yaxanec.

Romanos 7:22

Ma' ñí'maq pa'aatauo caỹim ỹaatqajam nqo'ta da naqataxaquipi chicqo'ot ñi qota'a;

Deuteronomio 7:9

Ca' vichiguiño' ñaqai 'yiiñi'a ñi qara'gaxala', ñí'maq qota'olec caqamiri, quiyim chaqaiñi ñí'maq ỹaatqajam ỹoiquentac ná'ogue chaqai ỹaatqajam ipacqajanchigui cá'maq na'deenaxac queso 'au qareta'allipi, ca chi ỹovireta'alo qomi' quená'maq nqo'ta ñi'maxare chaqai ipacqajanchigui da lelaataxanaxac.

Hebreos 8:10

Cá'maq ña'maqataxac so'uet ma'le quena llaalqaipi so Israel ma' ime'ueque cauajo na'xata', 'neetasa' ma'le 'naac ñi qara'gaxala': Sellaagui ma'le yi la'deenataxanaxac na ỹaqataxaquipi, chaqai serelgoto ma'le añi le'taxanata. Ca ma'le, ca' ỹim qota'olec quena'maxare, chaqai na'maxare, ca ỹalamaxareteripi.

1 Juan 2:3

No'm ña'xaỹaxanqa'ta na lelaataxanaxaquipi ñi qota'a, ca' sa'deenaq quiyim seuanaxa ñi'maxare.

2 Juan 1:6

Dajo ne'xorenataxanaxa chicqochigui quiyim ña'xaỹaxanqa'talo naua lelaataxanaxaco ñi qota'a. Chaqai da lelaataxanaxac chaqaida dá'maq shi'gue 'xahichigui na'le, quiyim 'xorenataxañii.