1 Juan 5:21 - La'qaatqa ñi qota'olec Qota'olec & Qota'olec Novita Na Qomyipi

²¹ Qamiri ỹaalqolqa, rovichii'o' canchaqaica liỹa chi qohinac quiyim qota'olec. Ajá'a, ca' chaqaida 'neeta dajo.

1 Juan 5:21 Iomraidhean Croise

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

1 Corintios 10:14

Vichiguiño' qamiri ñauochaxaua' ỹaqaỹa', 'maxaraic 'iichiỹapeguem nagui quiyim nqouagaxaiñitacot ca nashiilec nqolac.

1 Corintios 10:7

Vichiguiño' qamiri se ishit denaxachii da 'ne'tegue so qomyipi, ma' 'uo' quen na nqouagaxainot na nashiilec nqolac, ma' naua naneresañi la'qaatqa ñi qota'a 'nerac: “So qomyipi nqa'xanñi. Ime, ca' ỹo'uet so lqui'ỹaxac chaqai ne'et. Ime, ca' nachajñi, ca' ỹo'uet ca lemaqachic.”

1 Tesalonicenses 1:9

Ma' chaqaina na'maxare ỹa'xatetac dá'maq 'neeta na' sovitaxalo qamiri, chaqai ỹa'xatetac dá'maq 'neeta da rquelolaxahi coqomi', chaqai dá'maq 'neeta na' quiỹa'ahi na nashiilec nqolaquipi, ca' quiilec 'ueenataxañiỹot ñí'maq ỹaatqajam qota'a nca'leetauec, mesqai chi nadenqatec.

1 Juan 2:1

Qamiri ỹaalqolqa, ỹim shiriñi dajo, ca' selatalo qamiri, qaiyi qaica ca ỹo'uet ca lasauaxaset. Chaqai no'm 'ue ca 'ue ca lasauaxaset, qam 'ue só'maq ishit retaqalgoto qomi' quiñi qota'olec. So'maxare chaqaiso so Jesucristo só'maq ishit ỹo'uet ca ỹa'maqachiguiñi.

Apocalipsis 14:11

Ca' da lichaaxa dá'maq nouaxanaxaset qaica lqodoc, nichiitashiguim naua'que naua na'xata' chaqai naua piri quená'maq imaqachintac so isecỹac chaqai so lqui'i nadenqatec, loqo'm quiyim icoñiguit netanaqsete queda leenaxat.

Apocalipsis 9:20

Qam quená'maq no'ueenañi qomyipi se ileuapeguema saua nqa'viico, ñaqaina queetalec quiyim ỹo'ueetetac na se no'uen, chaqai sqai ỹaxanñi quiyim pe'eetapega na lelaatqaipi se re'xogui so na'ỹaapec, chaqai na nashiilec nqolac 'oro, plata, bronce, qa', chaqai na qo'paq, ná'maq se ishit reuanaxan, sqa 'qaa, chaqai se qaua.