1 Juan 5:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Sa'deenaq quiyim cá'maq ỹaatqajam 'neeta'gue ca leta'a ñi qota'olec se ỹo'uet ca lasauaxaset, ma' so llaalec ñi qota'a cochiitapega, ca' so na'ỹaapec se quehocau'a.

1 Juan 5:18 Iomraidhean Croise

Mateo 5:37

Ta'ta'a quiyim 'ñiỹac: “ajá'a” loqo'm “'e'”. Ma' cá'maq qaỹoqoto na'qaatec quedajo, ca' chicqo'ot so na'ỹaapec.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Juan 1:13

Qam na'maxare sqai 'nejem da ne'xaỹoqsoxoc na llaalqaipi na re'qoochigui qom. Ma' na'maxare ne'qaañi, qam 'nejem da no'ueenataxac ca chaqai qom, loqo'm ca chi lqo'itaxanqachic ca ỹale. Ta'ta'a quiyim ỹaatqajam llaalqaipi ñi qota'olec ma' huelec ñi'maxare.

Juan 14:30

Totqai queeta quiyim 'xoic ca itaxaỹaxac caqamiri, ma' naata'quena na na'ỹaapec ná'maq relaataxanac quena 'laua. Qam na'maxare qaica ca lquesaxanaxa caỹim.

Juan 15:4

Quiitalec quiyim na'yiitau'a ỹim, ca 'nejem aỹim shiquetalec quiyim ña'deeta'guita qamiri. Aca lasote se ishit 'ue aca la no'm chi nanoiquentac, no'm se na'deetau'a acá'maq loỹo; ca chaqai 'nejme' qamiri, qaica ca ishit 'ue aca la, no'm se na'deetau'a aỹim.

Juan 15:7

No'm qamiri quiitalec quiyim na'yiitau'a ỹim, chaqai mesqai couahi'e naua ỹapaxaguinataxanaxaco, ca cá'maq shiilaxañiỹaque, ca' qoỹaañiỹaxarom.

Juan 15:9

Ỹim se'xorene' qamiri 'nejem dá'maq le'xorenataxanaxa ñí'maq ita'a caỹim. Ca' quiitalec dá'maq i'xorenataxanaxa caqamiri.

Hechos 11:23

Ca co'na' ỹovi' so Bernabé, ca' iuana quiyim ñi qota'olec ỹaanem da la'maxa so qomyipi, ca so'maxare qai'neeta 'xoic da netoonaxac. Ca' qata sá'ogue so'maxare quiyim sqai ỹaxanñi ỹa'deentapega ñi qara'gaxala' Jesús.

Santiago 1:18

Nañaanoxorom da qarca'laxa chicqochigui nqai'en da na'qaatec ỹaatqajam llic, ma' ỹahotaque quiyim qomi' la'auaxanqa la' quená'ogue na lo'ueenatec. Ma' chaqaida dá'maq ỹahotaque.

Santiago 1:27

Ma' dá'maq 'ueenataxac ỹaatqajam co'teeta chaqai qaica ca hueetaugui nasauaxaset ra'ijlec ñi qota'olec, 'neetasa': ca qom ỹotauan ca na'peloq chaqai aca pa'ỹe hueetaugui ca ne'guenaxac, chaqai ỹaatqajam noyinguit ná'ogue na se no'uen huelec na 'laua.

1 Pedro 1:23

Ma' qamiri mashic dalaxaic ne'xaiñi, qam da ne'xaỹoqsoxoguii sqai chicqochiguilo caua re'qoochiguilo qata'allii, ma' ileue' caua'maxare. Ta'ta'a quiyim da ne'xaỹoqsoxoguii chicqochigui da la'qaatec ñi qota'a dá'maq nca'leesauec chaqai se imero.

1 Juan 2:29

Ma' mashic 'yiiñii quiyim so Jesucristo ỹo'uet ca ỹa'maqachiguiñi, chaqai qai'neeta 'yiiñii quiyim ná'ogue ná'maq ỹo'ueetetac na ỹa'maqachiguiñi ỹaatqajam llaalqaipi ñi qota'a.

1 Juan 3:12

Ca' qomi' sqai shinqata so Caín, ma' queeta'pegue' so na'ỹaapec, ca' ỹalauat so lqaỹa Abel. Qam ¿chi'neco' ma' ỹalauat? Ma' so Caín ỹo'ueetetac da se no'uen, qam so lqaỹa ỹo'ueetetac dá'maq no'uen.

1 Juan 3:3

Ca' ná'ogue ná'maq hueeto'ot dajo quitaxac queso'maxare, ca' se ỹalliguiguit na se no'uen nqai'en da nachaalataxac, 'nejem nqai'en dá'maq 'neetari' so Jesucristo, ma' ỹaatqajam co'teeta da nachaalataxac.

1 Juan 3:9

Qaica quet cá'maq quiyim mashic llaalec ñi qota'a, ca' queetalec quet da nasauaxaset, ma' hueeto'ot da chaalataxac chicqo'ot ñi qota'a. Ca' se ishit quiyim queetalec da nasauaxaset, ma' mashic llaalec ñi qota'a.

1 Juan 4:6

Qam qomi', qomi' lalamaxarete' ñi qota'a. Ca cá'maq iuana ñi'maxare, ca' na'xaỹaxanalo qomi'. Qam cá'maq se lalamaxaret ñi qota'a, ca' se na'xaỹaxanoxoua'. Ca' queda, ca' seshitaq sa'deenaq cá'maq hueetagui cá'maq llic no'uen 'ueenataxac chaqai cá'maq hueetagui ca 'ueenataxac 'maatqaic.

1 Juan 5:1

Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.

1 Juan 5:15

Chaqai quiyim mashic sa'deenaq ñi qota'a quiyim na'xaỹaxana da qanqouagaxainaxac, ca qai'neeta sa'deenaq quiyim mashic seconaxaguit cá'maq sashiilaxanqataque.

1 Juan 5:19

Sa'deenaq quiyim qomi' lalamaxarete' ñi qota'a, chaqai quiyim ná'ogue na qomyipi ná'maq hueetalec ana 'laua qoỹoiquentac queso na'ỹaapec.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.

1 Juan 5:21

Qamiri ỹaalqolqa, rovichii'o' canchaqaica liỹa chi qohinac quiyim qota'olec. Ajá'a, ca' chaqaida 'neeta dajo.

1 Juan 5:4

Ma' ná'ogue ná'maq llaalec ñi qota'a loxonec ná'maq nanatqaipi se no'uen hueetalec ana 'laua. Ca' da qarpi'ỹaxac ỹo'uet quiyim qodoxonec na'maxare.

Judas 1:21

Chaqai sqai 'xañiuec da le'xorenataxanaxa ñi qota'a. Chaqai nauaañita'guit ca na'xa'a quiyim so qara'gaxala' Jesucristo quedá'maq lqouagaxa, ca' ỹaanema qomi' ma'le ca nca'laxa sqaica lqodoc.

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.

Apocalipsis 2:13

Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.