1 Juan 5:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca no'm 'ue ca iuana ca lqaỹa quiyim 'ue ca lasauaxaset se ỹauequeta'a yi nelauaxa, ca' nqouagaxain. Ca' ñi qota'a ỹaanem da nca'laxa cajo nqaỹa, no'm quená'maq nasauaxaset se ỹaueca'a ca lelauaxa ca qom. Ma' 'ue na nasauaxaset ỹaueca'a ca lelauaxa ca qom, ca quecajo nasauaxaset sqai shinac quiyim qanqouagaxainlec.

1 Juan 5:16 Iomraidhean Croise

Génesis 20:17

Co'na'le, ca' so Abraham nqouagaxainot ñi qota'olec, ca ñi'maxare imeuec nqai'en so Abimelec chaqai aso loua. Qai'neeta imerec nqai'ne' saua lelaata, qaiyi ishit 'ue ca llaalegue'.

Génesis 20:7

Qam nagui pilaxachireco' añi loua cajo ỹale, ma' ñi'maxare ỹa'qaataxanqajnec, qaiyi nqouagaxainlec qami' ñi'maxare, qaiyi rca'llirec. Qam no'm sqo pilaxachirec, ca qami' chaqai ná'ogue ná'maq neeta'ñi najo ileu ma'le.

Jeremías 14:11

Ñi qara'gaxala' 'naac caỹim: Totaxan yashiila'e' queca la'maxa najo qomyipi.

Lucas 12:10

Chaqai no'm 'ue canchaqaica qom quiyim 'ue ca inaxalec ca se no'uen la'qaatec najo ỹale llaalec, qaiyiita qaỹapalaxat ca lasauaxaset. Qam ca se no'uen ca ỹa'xat queso Espíritu Santo, se ishit quiyim qaỹapalaxat ca lasauaxaset.

Juan 17:9

Ỹim ñi'xoresene'tot qami' quenaua'maxare. Mese ñi'xoresentacot qami' quená'ogue na qom hueetalec na 'laua, ta'ta'a quená'maq nañaañi', ma' ralamaxarichi' na'maxare.

2 Timoteo 4:14

Ca lecat lo'o leenaxat Alejandro ỹaatqajam 'xoic na se no'uen 'ne'tegue caỹim, qam so qara'gaxala' ishiueten ma'le dá'ogue dá'maq 'ne'tegue caỹim.

1 Juan 5:17

Ná'ogue ná'maq se no'uen, na'maxare nasauaxaset, qam 'ue ná'maq nasauaxaset se ỹaueca'guit ca qom da lelauaxa.

1 Samuel 2:25

Qamiri 'yiiñita quiyim no'm 'ue ca qom nasauaxate'e' ca liỹa, ca' ñi qara'gaxala' 'ue ca qoshiilec. Qam ca qom quiyim chaqaiñi ñi qota'olec hueeto'ot ca lasauaxaset, ca ¿negue' cá'maq qoshiilec ca'maxare? Qam saua'maxare se na'xaỹaxanta dá'maq 'naac so leta'a, ma' ñi qara'gaxala' chaqai 'negue, ma' ỹahotaque naqat da nachaalataxague' saua'maxare.