1 Juan 5:1 - La'qaatqa ñi qota'olec Qota'olec & Qota'olec Novita Na Qomyipi

¹ Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.

1 Juan 5:1 Iomraidhean Croise

Mateo 16:16

Co'na'le, ca' so Simón Pedro 'naaco': —Qami' ná'maq qami' nashi nca'laxaqui, qami' ná'maq qami' llaalec ñi qota'olec ñí'maq se ileu.

Lucas 7:5

ma' ñi'maxare ỹaatqajam ỹauotegue na qouo' laseripi. Ñi'maxare chaqaiñi ñi relaataxanlec añi qalapoxoqui quesom quiyim qano'xonshiguim.

Juan 1:3

Ca' ñi qota'olec ỹachigoxochichigui so'maxare na' ỹo'uet ná'ogue nanchaqaina, chaqai quená'ogue ná'maq mashic 'ue, qaica quet cá'maq sqa chicqaugui so'maxare.

Juan 15:23

Ma' cá'maq noquii'a ỹim, ca' qai'neeta noquii'a ñí'maq ita'a.

Juan 3:3

Ca' so Jesús 'naaco' queso'maxare: —Ỹaatqajam lliqueta dá'maq sa'xatem qami', quecá'maq sqo pilac liỹa ne'qaañi, ca' se iuana da lo'ueenataxanaxac ñi qota'a ma' ỹoiquentac ná'ogue najo.

Juan 6:69

Chaqai qomi' shi'gue seuaqlec, chaqai sa'deenaq quiyim chaqaqami' ná'maq nashi nca'laxaqui, llaalec ñi qota'a, ñí'maq chaqai'en nca'leetauec.

Juan 8:42

Ca' so Jesús 'naaco' queso qomyipi: —Quetqai llic qataa'i ñi qota'olec, ca 'xoriñii quet aỹim. Ma' ỹim sachicqo'ot ñi'maxare, ca nagui salequetauguilo qamiri. Chaqai se ñanoiquentac ñanac, ma' chaqaiñi ñí'maq qota'olec yila'.

Hechos 8:36

Ca co'na' ỹovijta yí'maq hua'ñi 'ue na huaxaỹaq, ca' so nelaatec 'naaco': —Quenajo 'ue na huaxaỹaq, ¿tegue' chi ỹa'maxaño' quiyim qayachilaxan?

Hechos 8:37

Ca so Felipe 'naapego': —Ajá'a, no'm ỹaatqajam vi'relec, ca ỹa'maqachiguiñi. Ca só'maq ỹale 'naaco': —Ajá'a, ỹaatqajam seuelec quiyim so Jesús chaqaiso só'maq llaalec ñi qota'olec.

Santiago 1:18

Nañaanoxorom da qarca'laxa chicqochigui nqai'en da na'qaatec ỹaatqajam llic, ma' ỹahotaque quiyim qomi' la'auaxanqa la' quená'ogue na lo'ueenatec. Ma' chaqaida dá'maq ỹahotaque.

1 Pedro 1:3

Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,

1 Juan 2:10

Cá'maq i'xoren ca lqaỹa, ca re'qojlec ca hueeta'ñi, ca' qaica quet cá'maq ishit ỹo'uet ca lasauaxaset.

1 Juan 2:29

Ma' mashic 'yiiñii quiyim so Jesucristo ỹo'uet ca ỹa'maqachiguiñi, chaqai qai'neeta 'yiiñii quiyim ná'ogue ná'maq ỹo'ueetetac na ỹa'maqachiguiñi ỹaatqajam llaalqaipi ñi qota'a.

1 Juan 3:14

Ma' qomi' mashic ñapagaxalec da nelauaxa, ca' ñqo'naxa da nca'laxa. Ca' dajo sa'deenaq, ma' se'xorenaq na qarqaỹaripi. Ma' cá'maq se i'xoren ca lqaỹa, ca' ca'maxare ñaqai hueetaugui da nelauaxa.

1 Juan 3:17

No'm 'ue ca 'óna coqomi' quiyim naloochiguiñi na louenqaipi queda nachaalataxac, ca iuane'ta ca lqaỹa ỹaatqajam 'ue da louenaxanaxa, qam se nqouaguegue ca'maxare, ¿negue' quet cá'maq 'neeta quet quiyim 'ue quet ca le'xorenataxanaxa quiñi qota'a hueetagui quet añi le'taxanata?

1 Juan 3:9

Qaica quet cá'maq quiyim mashic llaalec ñi qota'a, ca' queetalec quet da nasauaxaset, ma' hueeto'ot da chaalataxac chicqo'ot ñi qota'a. Ca' se ishit quiyim queetalec da nasauaxaset, ma' mashic llaalec ñi qota'a.

1 Juan 4:2

Ca' dajo dá'maq 'neeta ma'le quiyim 'yiiñii cá'maq neetagui ñi ne'Espíritu ñi qota'a: ná'ogue ná'maq llic nqai'en quiyim so Jesucristo ỹaatqajam qom, ca' chaqaina ná'maq neetagui so ne'Espíritu ñi qota'a.

1 Juan 4:20

Qam no'm 'ue ca 'naac: “Ỹim se'xoren ñi qota'a”, qam ñaq noquiaatapega ca lqaỹa, ca' ca'maxare 'maatqaic. Ma' no'm se i'xoren ca lqaỹa quiyim ra'iito'ot, ca ¿huose'quet i'xoren ñi qota'a ma' se iuana?

1 Juan 4:7

Qamiri ỹaqaỹa', no'uen quiyim ñi'xoresenaqta', ma' da ne'xorenataxanaxa chicqo'ot ñi qota'a. Ná'ogue ná'maq 'ue ca le'xorenataxanaxa ỹaatqajam llaalec ñi qota'a, chaqai iuana ñi'maxare.

1 Juan 5:18

Sa'deenaq quiyim cá'maq ỹaatqajam 'neeta'gue ca leta'a ñi qota'olec se ỹo'uet ca lasauaxaset, ma' so llaalec ñi qota'a cochiitapega, ca' so na'ỹaapec se quehocau'a.

1 Juan 5:4

Ma' ná'ogue ná'maq llaalec ñi qota'a loxonec ná'maq nanatqaipi se no'uen hueetalec ana 'laua. Ca' da qarpi'ỹaxac ỹo'uet quiyim qodoxonec na'maxare.

1 Juan 5:5

Ca ná'maq 'ue da lpi'ỹaxac queso Jesús quiyim chaqaiso só'maq llaalec ñi qota'a, ca' qainaata loxonec ná'maq nanatqaipi se no'uen hueetalec ana 'laua.