1 Juan 4:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ñi qota'a ichoxot da le'xorenataxanaxa coqomi' na' nela' so 'oonoqui' llaalec quena 'laua, qaiyi 'ue ca qarca'laxa chicqochigui nqai'en so'maxare.

1 Juan 4:9 Iomraidhean Croise

Génesis 22:2

Ca' ñi qota'olec 'naaco' queso'maxare: —Coñita ñí'maq 'oonoqui' qachaalqui' Isaac, ñí'maq paguec rqo'itaxachi'. Ca' quirepegue' yi 'laua leenaxat Moriah. Ca ma' vichita yi'maxare, ca 'ỹaañiro quiyim vigaxachi' vite rachitaxanataxanaxachi', lli'ralec adá'maq quemaralec ladocai sachaxanem qami' ma'le.

Salmos 2:7

Ỹim sa'xat dá'maq ỹahotaque ñi qota'olec: ñi'maxare 'naac caỹim: Qami' ná'maq qami' ỹaalec; nagui, ca' ỹim qataa'i'.

Marcos 12:6

Qam ñaqa 'uo' so 'oonoqui' llaalec, só'maq ỹaatqajam lauochaxat. Ca' co'uaataxanto' ila' so'maxare, ma' 'neetapigui lauel: “Qaican qohinegue ma'le, ma' ỹaalec.”

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

Juan 10:10

Ca cuataxai chaqaidaata naga'a da locuataxac, lalauataxanaxac, chaqai da leuacqataxanaxac; qam ỹim ñanac, qaiyi 'ue da lca'laxa na'maxare, chaqai 'xoic ma'le da lca'laxa.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 3:16

Ma' ñi qota'olec ỹaatqajam 'xoico' da lauochaxa quena qomyipi, ca ỹaanec na 'oonoqui' llaalec, qaiyi se ileu cá'ogue cá'maq huelec na'maxare. Ta'ta'a quiyim 'ue da lca'laxa sqaica lqodoc.

Juan 3:18

Cá'maq huelec na llaalec ñi qota'olec, ca' qaica ca nouaxanaxaset. Qam cá'maq sqai huelec, chaqa'ma' shi'gue 'ue da nouaxanaxaset nqohin, ma' sqai huelec na 'oonoqui' llaalec ñi qota'olec.

Juan 5:23

qaiyi ná'ogue na qomyipi imaqachin na llaalec, 'nejem nqai'en da lemaqajnataxanaxa quiñí'maq leta'a. Cá'maq se imaqachin ná'maq llaalec, ca se imaqachin ñí'maq leta'a ñí'maq nela'.

Juan 6:29

Ca' so Jesús 'naaco': —Dá'maq ỹahotaque 'viichii ñi qota'olec, dá'maq quiyim viilec ná'maq nela' ñi'maxare.

Juan 6:51

Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

Juan 6:57

Ñí'maq ita'a ñí'maq yila', ñi'maxare 'ue da lca'laxa, ca' dajo ica'laxa chicqo'ot ñi'maxare. Ca 'nejem cá'maq ỹa'ic aỹim, ca' ca'maxare ỹachigoxoto'ot aỹim da lca'laxa.

Juan 8:29

Ma' ñí'maq yila', ñi'maxare iỹaatac; ñí'maq ita'a se ỹauana yodaqajantec, ma' ỹim so'ueetetac dá'maq ỹa'maxarenta ñi'maxare.

Juan 8:42

Ca' so Jesús 'naaco' queso qomyipi: —Quetqai llic qataa'i ñi qota'olec, ca 'xoriñii quet aỹim. Ma' ỹim sachicqo'ot ñi'maxare, ca nagui salequetauguilo qamiri. Chaqai se ñanoiquentac ñanac, ma' chaqaiñi ñí'maq qota'olec yila'.

Juan 9:3

Ca' so Jesús 'naaco': —Sqa chicqaugui cá'maq chi lasauaxaset, loqo'm ca lasauaxasete' caua leta'al. Ma' dajo chi qohinegue, qaiyi re'oq cá'maq ỹo'uet ñi qota'olec, chicqochigui nqohin ñi'maxare.

Romanos 8:32

Ma' ñi qota'olec se ỹauotegue so lalamaxaret llaalec, ta'ta'a quiyim ỹaañiguit da lelauaxa coqomá'ogue. Ca ¿huose'quet sqai ỹaanema qomi' ná'ogue nanchaqaina quiyim qaralamaxat?

Hebreos 1:5

Ma' ñi qota'a se ỹauana 'ue ca 'naapega quena lelaatqaipi piguim laseripi: Qami' na' qami' ỹaalec; saañiraxarom da rca'laxa'e' nagui. Chaqai sqaica ca 'naapega quena piguim laseripi: Ỹim shintari' ca leta'a so'maxare, chaqai so'maxare shinta'gue ca ỹaalec.

1 Juan 3:16

Sa'deenaq dá'maq 'neeta da ne'xorenataxanaxa quiyim so Jesucristo ỹaanec da nachaalataxac na' ileualgoto qomi'. Ca' qomi' quet qai'neeta saanaxauec quet da qanachaalataxac queca qarqaỹa.

1 Juan 4:10

Dá'maq 'neeta da ne'xorenataxanaxa 'neetasa': quiyim mesqai qomi' ná'maq se'xorenaq ñi qota'a, ta'ta'a quiyim ñi'maxare ñí'maq qare'xoren. Ca' nela' so llaalec, ca' chaqaiso só'maq chicqochigui nqai'en quiyim qaỹapalaxate' naua qarasauaxasete'.

1 Juan 4:16

Ca' quiyi, ca ỹovita quiyim sa'deenaq chaqai seuaqlec quiyim ñi qota'a qare'xoren. Ma' ñi qota'a 'xorenataxanaxai. Ca cá'maq hueetagui da nachaalataxac ca ne'xorenataxanaxa, ca' da nachaalataxac hueeto'ot ñi qota'a chaqai ñi qota'a hueeto'ot ca'maxare.

1 Juan 5:11

Dajo la'qaatec ñi qota'a chicqochigui nqai'en quiyim ỹaanema qomi' da nca'laxa sqaica lqodoc, chaqai quiyim dajo nca'laxa hueetagui so llaalec.

1 Juan 5:13

Shiriñi dajo caqamiri ma' mashic viilec so llaalec ñi qota'a, qaiyi 'yiiñita quiyim 'ue da rca'laxahi sqaica lqodoc.