1 Juan 4:8 - La'qaatqa ñi qota'olec Qota'olec & Qota'olec Novita Na Qomyipi

⁸ Cá'maq sqaica ca le'xorenataxanaxa, ca' se iuana ñi qota'a, ma' ñi'maxare 'xorenataxanaxai.

1 Juan 4:8 Iomraidhean Croise

2 Corintios 13:11

Qamiri ỹaqaỹa', nagui, ca' qaidaata quiyim no'uen ca qayicyaxaguii. Ỹaatqajam daañiỹaque ca la'maxa da chaalataxac, ỹa'maqachigui nqai'ñii na qavillii, niñiiquishiñitecta' queda ra'maxahi. Ca ñi qota'a chicqo'ot da na'maxa chaqai da ne'xorenataxanaxa hueetauguilo ma'le qamiri.

Efesios 2:4

Qam ñi qota'a ỹaatqajam chalego lecaic da le'xorenataxanaxa ma' ỹaatqajam ỹauoteguelo qomi',

Hebreos 12:29

Ma' ñi qota'olec 'neetari' ca norec ravicqataxan.

1 Juan 1:5

Ca' dajo dá'maq na'qaatec ỹapaxaguinguelo na'le qomi' so Jesucristo, ca' qomi' sa'xatqaima qamiri: quiyim ñi qota'a re'qojlec nqai'en ná'ogue, chaqai qaica ca napalaxa hueeto'ot ñi'maxare.

1 Juan 2:4

Qam no'm 'ue ca 'naac: “Ỹim seuana ñi qota'a”, qam se na'xaỹaxanalo naua lelaataxanaxaco, ca' ca'maxare 'maatqaic chaqai da lliqueta sqaica queca'maxare.

1 Juan 2:9

No'm 'ue ca 'naac hueeta'ñi ca qaica ca lapalqa', qam ñaq noquiaatapega ca lqaỹa, ca'maxare ñaqai hueetaugui na napalaxa.

1 Juan 3:10

Chaqai qaỹa'den negue' cá'maq ỹaatqajam llaalec ñi qota'a chaqai negue' cá'maq llaalec so na'ỹaapec, ma' canchaqaica quiyim se ỹo'uet ca ỹa'maqachiguiñi, loqo'm quiyim se i'xoren ca lqaỹa, se lalamaxaret ñi qota'a.

1 Juan 3:6

Ca' vichiguiño' ná'ogue ná'maq ñaq na'deetau'a so'maxare, tot ỹo'uet ca lasauaxaset; qam ná'ogue ná'maq ñaq ỹahotaque na lasauaxaset, se iuana chaqai se ỹa'den so'maxare.

1 Juan 4:16

Ca' quiyi, ca ỹovita quiyim sa'deenaq chaqai seuaqlec quiyim ñi qota'a qare'xoren. Ma' ñi qota'a 'xorenataxanaxai. Ca cá'maq hueetagui da nachaalataxac ca ne'xorenataxanaxa, ca' da nachaalataxac hueeto'ot ñi qota'a chaqai ñi qota'a hueeto'ot ca'maxare.

1 Juan 4:7

Qamiri ỹaqaỹa', no'uen quiyim ñi'xoresenaqta', ma' da ne'xorenataxanaxa chicqo'ot ñi qota'a. Ná'ogue ná'maq 'ue ca le'xorenataxanaxa ỹaatqajam llaalec ñi qota'a, chaqai iuana ñi'maxare.