1 Juan 4:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qam qomi', qomi' lalamaxarete' ñi qota'a. Ca cá'maq iuana ñi'maxare, ca' na'xaỹaxanalo qomi'. Qam cá'maq se lalamaxaret ñi qota'a, ca' se na'xaỹaxanoxoua'. Ca' queda, ca' seshitaq sa'deenaq cá'maq hueetagui cá'maq llic no'uen 'ueenataxac chaqai cá'maq hueetagui ca 'ueenataxac 'maatqaic.

1 Juan 4:6 Iomraidhean Croise

Miqueas 2:11

No'm 'ue ca ỹo'uet ca la'maachic, ca' 'naac: “Ỹim sa'xateta'guit ca lataxa chaqai ca 'taxat,” ca' chaqaica cá'maq ỹaatqajam na'qaataxanqajnec qaimaqachin quenajo qomyipi. (2.12-13 Ñi qota'olec 'naac ro'ootaxanlec ma'le so lalamaxareteripi.)

Miqueas 3:8

Qam quená'maq ỹim quiñi ne'Espíritu ñi qara'gaxala' no'xataxachigui aỹim queda lquesaxanaxa, queda ỹa'maqachiguiñi chaqai da la'ñaxac iuel, ca' soviraqta'a yi Israel quiyim se na'xaỹaxan chaqai queda lasauaxaset.

Lucas 10:22

Ca' 'naapego' so qomyipi, 'naaco': —Ñi ita'a nañaañim ná'ogue na na'deenataxanaxac. Ma' qaica ca ỹa'den negue' najo llaalec, chaqaiñiita ñí'maq leta'a. Chaqai qaica ca ỹa'den negue' ñí'maq leta'a, qainaata ná'maq llaalec, chaqai quecauajo cauá'maq ñi'maxare ỹahotaque ỹa'deenaxanaxanque.

Juan 10:16

Qai'neeta 'ue ana liỹa ilo qagretaipi sqai neetaugui anajo ilo lahi'. Ana'maxare qai'neeta sahotaque ño'deho. Na'maxare qai'neeta na'xaỹaxañiua' ma'le, qaiyi 'oonoqui' ca lapooqo', chaqai 'oonoqui' ca neloxoỹaq.

Juan 10:27

Ma' aná'maq iloxoiqateguese qagretaipi ỹa'den da ivillaxac, chaqai ỹim sa'den, chaqai ana'maxare coỹareta'pegue' aỹim.

Juan 10:3

Cá'maq lasom lo'o ỹauachigui ca lasom, qaiyi inoxono, chaqai ana qagretaipi no'uenegue da lavillaxac. Ma' roỹaxanta'gue na leenaxat ana qagretaipi, ca ỹauegue'oguiyi cañi lahi'.

Juan 13:20

Ỹaatqajam llic da shinac caqamiri, cá'maq icoñiguit cá'maq sela', ca icoñiguit aỹim. Chaqai cá'maq icoñiguit aỹim, ca icoñiguit ñí'maq yila'.

Juan 14:17

so Espíritu só'maq ichoxot dá'maq ỹaatqajam lliqueta. Na qomyipi hueetalec na 'laua se ishit icoñiguit, ma' se iuana chaqai se ỹa'den. Qam qamiri mashic huañiỹa, ma' mashic hueeto'oto qamiri, chaqai chaqa'ma' liyi no'ueeno'oto qamiri.

Juan 15:26

Qam ma' novi' cá'maq ỹotauane' chaqai ỹa'ñaxate' qamiri, ca Espíritu cá'maq ichoxot dá'maq ỹaatqajam lliqueta, ñila' ma'le chicqo'ot ñi qota'a, ca'maxare ỹa'xat ma'le aỹim.

Juan 16:13

Qam ma' novi' ca Espíritu cá'maq ichoxot dá'maq ỹaatqajam lliqueta, ca ca'maxare ỹapaxaguinguelo qamiri dá'ogue dá'maq lliqueta; ma' se nanoiquentac quiyim retaqa, ta'ta'a quiyim ỹa'xat ná'ogue ná'maq 'xaỹa, ca ra'deenaxanaxañiigue cá'maq ñaqa naataho.

Juan 18:37

Ca' so Pilato 'naaco' queso'maxare: —¿Ca' llic quiyim ỹaatqajam qami' nashi? Ca' so Jesús 'naaco': —Ỹim nashi, chaqaida dá'maq 'ñirac. Ñanaỹa na 'laua na' ñi'qaañi, ma' sahotaque sa'xat dá'maq lliqueta. Ca ná'ogue ná'maq huelec dá'maq lliqueta, ca na'xaỹaxana dá'maq sa'xat.

Juan 20:21

Ime, ca' so Jesús lotqai liỹa 'naac: —'Ue ma'le ca reuagaxahi. Ca' chaqaida dá'maq 'ne'tegue quiyim yila' ñi qota'a, ca' chaqaida shine'tegue quiyim selate' qamiri.

Juan 8:19

Ca qainato' so'maxare: —¿Negue' ca neeta'gue ca qataa'i'? Ca' so Jesús 'naaco': —Qamiri sqai huañiỹapiguiỹa', ca qai'neeta sqai huañiỹapega ñi ita'a. Ma' quetqa ỹim rauanachiguii, ca qai'neeta quet huañiỹa ñí'maq ita'a.

Juan 8:23

Ca' so Jesús 'naaco' queso qomyipi: —Qamiri lase' najo pa'aañi, qam aỹim le'ec da pa'aashiguim. Qamiri 'viichitac na loic na 'laua, qam ỹim se so'uet na loic na 'laua.

Romanos 1:1

Aỹim Pablo, ỹim la'ac so Jesucristo. Ñi qota'olec roỹaxañiua' chaqai yoỹootec quiyim ỹauaaque aỹim lelaatec, qaiyi sa'xat da la'qaatec chicqaugui da nca'laxa.

Romanos 11:8

Ca ipaquichigui dá'maq 'nerac yaua naneresañi na'qaatqa: “Ñi qota'a ỹo'uet quena'maxare quiyim se ỹa'yiiñiguit; ca ỹo'uet quiyim se neuanñi chaqai sqai 'qaa. Ca' chaqaida 'neetari' vire'ta nagui.”

1 Corintios 14:37

No'm 'ue ca pe'taxantaque quiyim mashic la'qaataxanqajnec ñi qota'a, loqo'm pe'taxantaque quiyim mashic icoñiguit so Espíritu Santo, ca 'maxaraic quiyim ỹa'deena'a dá'maq seretegueñi caqamiri, ma' da'maxare laqataxac so qara'gaxala' Jesús.

2 Corintios 10:7

Qamiri ra'iitapigui na chaqai qom. Ca no'm 'ue ca 'neetapega ỹaatqajam queeta'pegue' so Cristo, ca qai'neeta retanta quiyim qomi' qai'neeta qolqata'pegue' so Cristo.

2 Tesalonicenses 1:8

Ma' novi' so'maxare, ca' ỹa'ue ca nouaxanaxaset ná'maq se ỹa'deenapega ñi qota'a chaqai se na'xaỹaxana da na'qaataxac so qara'gaxala' Jesucristo.

1 Timoteo 4:1

Qam so Espíritu Santo ỹaatqajam ỹa'xateta'guita naua co'uaataxante' na'xata', ca 'uo' ma'le ca totqai quelec da lpi'ỹaxac, queeta'pegue' na se re'xogui yinaxanaxaiquipi, chaqai na'xaỹaxantapega na napaxaguinataxanaxaquipi chicqo'ot na lelaatqaipi so na'ỹaapec.

2 Pedro 3:2

Se couahi'e dá'maq la'qaategue' quesom sauá'maq letaxaỹaxanqajanqa ñi qota'a, chaqai da laqataxac so qara'gaxala' chaqai qarca'laxaqui Jesús dá'maq ỹapaxaguinque qamiri sauá'maq lelaatqa so'maxare.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.

1 Juan 4:4

Qamiri ỹaalqolqa, qamiri lalamaxarete' ñi qota'a, chaqai mashic qadoxoñiguii na 'maatqaiquipi. Ma' ñi qota'a ñí'maq neetaguilo qamiri paguec lquesaxanaxa quesó'maq na'ỹaapec ỹoiquentac na qom hueetalec ana 'laua.

1 Juan 4:8

Cá'maq sqaica ca le'xorenataxanaxa, ca' se iuana ñi qota'a, ma' ñi'maxare 'xorenataxanaxai.

1 Juan 5:19

Sa'deenaq quiyim qomi' lalamaxarete' ñi qota'a, chaqai quiyim ná'ogue na qomyipi ná'maq hueetalec ana 'laua qoỹoiquentac queso na'ỹaapec.

Judas 1:17

Qam qamiri ỹaqaỹarolqa, no'viñita'co' quiyim shi'gue quesom saua lelaatqa so qara'gaxala' Jesucristo,